يا ( لا ) يا ( أيٌه )

عرش الغلا .. قدره على قدر راعيٌه
و الا العروش الخاويات .. أمخلوفه!!


شيءٍ يجي منٌه و بأحسان .. ما أبيٌه
و الله لو نفسي لملكه .. شغوفه


الله يصد العبد عنٌه .. و يعطيٌه
عقلٍ يشوف .. و نفس بيضاء .. عطوفه


أنشد .. و أنا اجاوبك .. يا ( لا ) يا ( أيٌه )
يا زينها بين الثنين .. أمحفوفه


مافيٌه داعي تكشف العلم .. و أخفيٌه
مثلي .. يطابق هرج قلبه حروفه


وش حيلتك؟ لا صار لك شخص تغليٌه
تطيح طيحاته .. و تاقف وقوفه


تشتاق لعلومه .. و تضما حكاويٌه
و أن مر طيفه .. رحت تذبح خروفه


و وش حيلتك ؟ لا صار بايعك شاريٌه
قلبك .. و شاري منزله مع ضيوفه


شفني مغير أجيب ذكره و أوديٌه
و لرضاه أسوي كل ليله .. ( بروفه )


لين أنتهى .. و القوس في كف باريٌه
راحت طيوفه .. تشتبك مع طيوفه


و انا الين اموت .. باقي مواليٌه
لو تكثر أحزابه .. و تكثر أحلوفه


خله يروح .. و ينجرح صدر مغليٌه
مسموح .. و لحون الوداع أمعزوفه



مانيب قايل في غيابه ترى فيٌه
بأقول حكمه .. من زماااان معروفه





(أحدٍ كفيف .. و عين قلبه تقديٌه
و أحدٍ يشوف .. و لا يقديٌه شوفه)

انتقاء مميز
يعطيك العافيه

صح لسانك الله يعافيك
على انتقاء جميل

آبدعت بإنتقآئك
سسلمت

سلمت يمناك برق البروق
مميز في انتقائك شاعرنا..

طاب لي انتقاءك

سلمت ع الاختيار والذائقه الفاخره شاعرنا
أوقاتك سعادة

انتقاء رائع بروعتك عزيزي

اخي موضوعك فيه تلغيم
احترامي لك

اختيارك مميز دوم كتميزك
صح قلبك وكلك
ولسان شاعرها

رآآآئعه
وآنتقآء مآطر بالجمآل
سلمت ,,

شكرا لكل
من نور متصفحي
سلمتو ولاهنتو

:
:

صح لسان قايلها وتسلم يمينك











:
:

العذوب سلمتى أختى ولاهنتى