بسمة طفل

سبحت بالحمد لله العظيم
كنها بحجابها بسمة طفل

سلهمت بالفجر والليل البهيم
الشمال لياتنفس بالنفل

خلقة المنان والرب العليم
يغفل الانسان والله ماغفل

جمَّل الجمال بالعقل السليم
طلته فيها المشاعر تحتفل

من كسبها عاش في جنة نعيم
وحط من دون الفتن باب وقفل

شعر متعب فارس بن طواله

صح لسااانك وعلا شانك
قصيده راائعه
الله يوفقك
وننتظرك في القادم

صح بدنك العنود
والله يسعدك
سرني تواجدك لاهنتي
اشكرك

صح لسانك ع هالمداد العذب ولا هنت بانتظار جديدك القادم...

صح لسانك شاعرنا
قصيده رائعه...
يعطيك الف عافيه
ننتظر جديدك...*

يسلم منطوقك شاعرنا على دي الابيات
الجميله ، ربي يسعدك دومات ،

اشكركم خواتي
جميعاً
على مروكم العذب
كل التحايا
اشكركم

صح لسانك يالشاعر متعب
ولا هنت على هالرائعه رغم قصر أبياتها
الله يوفقك ويحفظك

متعب بن طواله


ابيات قمه بالروعه

لله درك من شاعر جزل

سلمت يمناك وصح لسانك ولا هنت


تحيتي ...

اشكركم اخواني خواتي الاعزاء
على روعة تواجدكم هناء
اسعدني مروركم
الله يحفظكم
تقديري

الشاعر القدير/ متعب بن طواله



صح لسانك وتسلم يمينك يالجزل



انقى تحيه