قلب شاعرك || بقلمي ||

حبيبتي ويـنك ســرى الليل ناطرك
واقــف على الأطلال و أقول وينك

يكتب سراب الشعرحـرفن يسامرك
وأسترجع اللحظات بـيـني وبـيـنك

أقرى قصيدي فيك وأقـرى خواطرك
وآقـول يـا قـلـب العناء الله يعـينك

أنتي دفاء وأنفاس وإحساس شاعرك
وأجمل سنينه عــاشها مـع سـنيـنك

دامه هواك العذب وأصدق مشاعرك
ودامـه حـيـاة ونـور قلـبك و عـينك

الليل لا يسـري على قـلــب شاعرك
والــناس لا توقف مـا بـيني وبـينك

لـو تسمعين الـناس بيضيق خاطرك
أكـبـر قهر للـنـاس حسنك و زيــنـك

والمشكلة يـا فـتـنة الـغيد خـــابـرك
لـو مـا ذبحك الشوق جـابك حنينك

صوتك مطر و الموت لا هلّ ماطرك
إسمي يذوب إن مـــرّ في شفتيـنـك

الـــــورد خدك و المسافات نـاظرك
والشمس يشرق نـــورها من جبينك

جامعك فـي حدب المحاني وناثـرك
وقلــبي رميته وســط راحــة يمينك

أهم مـن مـاضـيك يـا زين حاضـرك
وأهـم مـن شوفـتك لمسة يديــــنك

كلمات الشاعر :
سرابــ آلـشِعر