يابن بليهد مايفيدالتوجاد

: اغض طرفي لا عرض غض الانهاد
الي سرق شوفي سنا برق خده

ياصار ماحاشه لي الحظ وش عاد
لو سلمت غصبن على النفس صده

يكفي ذنوبن قبل تنهار بغداد
يوم الجوارح بالهوى مستبده

وهالحين شبنا مابقى إلا التوجاد
ومشعل شبيهن لي بعد وابن شده

وغازي وابن سوعان مافيهم قياد
خيلن تجامح والكبر مايرده

هل القلوب الخضر من غير منقاد
الكل منهم بيح الود سده

وابوفهد انكف عن البيض ماعاد
ماعاد تغريه العذارا بوده

قلته وانا مانيب شاعر وقصاد
ماغير اثير اهل التجارب واهده .

🏃‍♂️🏃‍♂️🏃‍♂️🏃‍♂️🏃‍♂️
عبدالعزيزبن بليهد




يابن بليهد مايفيد التوجاد
ردالخفوق عن اكحل الرمش رده

خلك مع اللي بالمحاريب سجاد
واكبح جموح النفس عماتوده

العمريمضي بين صبحن ومهجاد
والوقت يغلب كل حين يصده

الكبر سيد كل عاقل ولوساد
والكل نفسن منتهاها وحده

ماينفع التعبان لو عض الانجاد
ولاينتصر من جاير الوقت ضده

العمر جاني والدهر صار جلاد
وسيف الليالي كل يومن تحده

اطو الرشا عن طرد غضات الانهاد
والطرف للخفرات بالك تلده

واحجز ورى الآمام مأوى ومقعاد
ياحض من عفر للأه خده

قبل السبل ياتيه دايس وحصاد
ويقضي هزيل الهرج ويدوم جده

هذا الصحيح اللي بلاشك وحياد
الحب راح وزهرة العمر عده

اخوك/مشعل عسام الغافل التريباني الشمري في 7/12/1440هجري

صح الله السانك ولسانه
وبيض الله وجيهكم على بوحكم الطيب

صحت ابدانكم جميعا الله لايهينكم

مشعل التريباني ... يعطيك الله العاافيه
وصح الله لسانك ..
شكرا لك

صح البوح والاحساس شاعرنا


شكرا لتفضلك

شكراللجميع على المتابعه
صحت ابدانكم جميعا

صح لسانك ابيات راائعه جدا سلمت يداك شكرا