مساجله بين الشاعرين / التبيناوي و إبن عون

بسم الله الرحمن الرحيم

إسنادا على الشاعر/ مبارك طناء التبيناوي




[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
البارحه جفني عن النوم عياء = حرام ماذاقت عيوني حلاء النوم

أمسيت يطويني من الهم طياء = ليلي قضيته في تفاكير وحلوم

كني غني (ن) راح ماله ضحياء = عقب المعزه صار مايفرق السوم

على اللذي خده شبيه الثرياء = وحط في قلبي مراسيم ووسوم

متى أنا وياه نجلس سويا ء= ليت لقمر ينزل على الأرض ملزوم

في ساعة (ن) مابه من الناس حياء = وأصارحه عن كل خافي ومكتوم

ولو يطلب الغالي ومالي فديا ء= بسلمه شيك (ن) مصدق ومختوم

يابو طناء كان الغضي ماتهياء = جاك الخبر عني لياقيل مرحوم

باأسرع من البث المباشر إلياء = عطني جواب مفصل الشرح منظوم

وإختامها بهديك مني تحياء = من شاعر(ن) غنى على قاف منظوم[/poem][/poem][/poem] الشاعر/ دخيل الله محمد إبن عون





ردا على الشاعر / دخيل الله محمد بن عون



[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
لابأس ياقرم (ن) من أهل الحميا = يااللي سهرت الليل ماطاب لك نوم

جاني جوابك وأنت غالي عليا = وأبديت سر(ن) بين الأضلاع مضموم

أهلا (ن) هلابه عد نجم الثرياء = يامرحبابه عد مافات من يوم

وإعداد ماهبت هبوب السقياء = وإعداد ماتنشي مخاييل وغيوم

بالخط واللي جاب خطك هنياء = طار الكرى عن ناضري وأبعد الحوم

لك يادخيل أرخصت مافي يدياء = ماأرتاح مادامك عن النوم محروم

موقف شرف حقك لزوم إيتهياء = لاعاش راس(ن) دالهن وأنت مضيوم

هيا معي ناصل هل الشوق هياء= باالطيب وإلا نصفق القوم باالقوم

لكن مجرد رآي مابه كنياء = أصبر وكافح دام غاليك مظلوم

تبي القمر خل القمر باالعلياء = خايف يطب القاع والوضع مزحوم

والمغرم أشواقه تجيبه بلياء = إلا إذا حبه سواليف وعلوم

مادام هو مخلص وقلبه وفياء = عطه الوفاء لايأخذك كل مفهوم

يجيبه اللي عالم (ن) باالخفياء = وجميع مايجري على العبد مقسوم

وأنا ترى حظي قلبل الصفياء = باالحب حلت به غرابيل وهموم

حبه كوى كل المعاليق كياء = من بعدهم ليلي هواجيس وحلوم

هي منوتي مالي بهياء ورياء = من فوّت الفرصه بغاليه منجوم

ولا لوم قلبك في جميل المحياء = وأنا معك في موقف العز ملزوم

لأجلك ياإبن عون أبذل اللي علياء = والناس له عاده وقانون وسلوم

العفو زاد العد عنكم شوياء = فكري سرح لحظة غضب مابها لوم[/poem] [/poem] ((( الشاعر / مبارك طناء مبيريك التبيناوي )))

ونعمين فيك وفيه وصح لسانك ولسانه
اخب مبارك احسدك على قوه كلماتك
وروعتها
لك مني كل الشكر

صح الله لسانك شاعرنا مبارك التبيناوي
و صح لسان إبن عون

دمت بود
بنت الود

الله يابرك فيك على الاختيار الذوق
كلك ذوق جرح الزمن
ابعد الله
عنك الجروح

هلابك مبارك التبيناوي

تسلم على هذه المساجله


ونعم فيك وفي الشاعر دخيل الله محمد إبن عون


ولاهنت ولاهان على الجمال الشاعري

تحياتي

الكعبي

مبارك التبيناوي

صح لسانك وسلمت يمينك

لك الغلا

[align=center]شاعرنا القدير: مبارك التبيناوي


صح الله لسانك ولسااان الشاعر ابن عون

عقود فريده وجواااهر ودرر

نجد انفسنا في واااحه جميله من الورود والبساتين

هنا دروووس للشعر نستسقى منها وننهل من الفاتنتين .

لله درك ياشاعرنا ودر ابن عون

ولو كنت من الذينا يلبسوون القبعه لرفعته اجلالا لكما

لك مني الغلا

ودمت وداااام عطاااااااءك


اخوووك


سرحان[/align]