نعنبو كل الهزايل على بو جدها

[poem=font=",7,limegreen,bold,normal" bkcolor="darkred" bkimage="" border="solid,5,orange" type=2 line=0 align=center use=ex num="0,black""]
الهزايل ياعرب مالها معنا سبيل=نعنبو كل الهزايل على بو جدها
سود الله وجه من ينكر الفعل الجميل =والمعاني لارحم من يهمش جِدها
مستحيل أقنع بغير الجزايل مستحيل=نفسي أمنعها عن المهزلة واردها
لاتقول القول لا صار ماعندك دليل=ثبت أقوالك بزين المعاني شدها
لاتصاحب من بسلم العرب خبره قليل=اجتمع بخيار ربعك وخذ من رشدها
لو تصاحب لك هبيلٍ يقولوا لك هبيل=ون صحبت أهل الشهامة يقولوا قدها
من يبيعك ساعة الضيق ماهو لك زميل=النشاما ساعة الضيق يظهر ودها
ما تعودت أقبض ايدي كما فعل البخيل=يّدي أرفعها عن أهل الردى مامدها
شميتي تأبى مجاراة منطوقٍ هزيل=احسب احسابي ولنذال طبعي ضدها
أعرف المعنى ونفسي لشره ما تميل=كل كلمة لازم أعرف عواقب سدها[/poem]

وسلامتكم