حكاية عطر

السلام عليكم ورحمة الله
وكل عام وانتم بخير
اقدم لكم جديدي واتمنى ان ينال رضاكم وان يرتقي الى ذائقتكم العذبة

حكاية عطر

[poem=font="arial,6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
عندي حكاية ياعرب فأسمعوني=فيها دروس وتكتسيها الفنوني
صوغتها حتى توافق ظنوني=والبستها فكري ومنها تهنون
يوم الأحد(بالهايبر)جيت طرقي=الجو زحمه والمخاليق فرقي
كني وحيدٍ بينهم اصل شرقي=ثوب وشماغ ومثلما انتم تشوفون
كان الهدف جوله معاهم سريعه=اشوف حال السوق واشلون بيعه
وبغيت عطر ن من فرنسا صنيعه=قلت السلام وردوا اللي محيطون
قرب علي(فادي)حليوه وممشوق=جاني ايتمايل في تصنع من الذوق
قلت اشبلاك اتميل لا يكون بك عوق=وقال تأبرني ولاك هيك بتمون
قلت اشكرك بغيت عطر فرنسي=من ماركة دنهل وللروح ينسي
اذكر شذاه بخاطري يوم عرسي=ثم غلّفه بهديه للي يمونون
فجأة احضروا اربع بنات صبايا=لديت فيهن قلت واش ذي الحلايا
في لبسٍ اسود بس ماهي ابعبايا=مخصرات ن مثل نحل يزنون
جوا كاشفاتٍ ظنهم ديرة الشام=يادوب شيله مالها انقاب ولثام
الا وهم بالحكي (لبيه)و(سلام)=يعني جنوبيه سواليف يحكون
من شافهن فادي تركني وروح=في ميلته ورموش عينه تلوح
يعني تعالوا واتركوا ذا المشوح=ناديت يافادي على وين واشلون؟
وقال (تأبرني شويات واجيك)=وجيت طالع ثم ناداني يابيك
طالعت يمه ثم ردت انا ابيك=قالت مساء الخير ياصاح والعون
رديت مرحا يا جميل المحيا=اهلا هلابك من هنا للثريا
ورجعت في حيرة اناظر كذيا=وقام العرق من وجنتيني يصبون
ثم اقبلت يمي تنازع خطاها=متمايله/يعنى ذبحها حياها
وعطرها غطى مساحة فضاها=حتى كساها من الدلع ما تمنون
لما اقربت قالت علامك تخوفت=صدق ابحلانا ما رأيته ولا شفت
لكن يمين الله من شوفتك عفت=اللي يبيعوا والذي بعد يشرون
قلت العفو بالله من وين مرباك=يا جعلني فدوة لأمك ولأباك
انتي الحلا والطيب نبعه شفاياك=بس اسألك بالله من وين تلفون؟
قالت انا/مربايه أبها الجديدة=الجو راهي /والحياة الرغيدة
بس الصراحة ما اظني سعيدة=لا روح تسكني ولا شوق مفتون
اشوف فيك تكون احلام روحي=عسى تشافا من وصالك جروحي
ومعك احقق مابقى من طموحي=واللي تبيه يصير لو كان مايكون
قلت السموحة يابنية علامك=شلتي حجابك والحياء واحترامك
سمعي وباقلك سبايب سقامك=حتى تعودي لأهلك اللي يربون
انا تهامي ما اعرف آلف وادور=اللي بقلي واقفٍ لي على الزور
يمين ما اجاملك واكون مشكور=لو تتركيني فالغوالي يوصون
المشكلة ما انتي غشيمة بدنياك=والناس حولك يطلبوا الود ورضاك
بس اسمعي ولا تغرك حلاياك=ترى حياتك ظل فيها يتفيون
شلتي حجابك يابنية وهمتي=وعن الخطايا ما اظن يوم صمتي
بالله من عيشتك ماقد سأمتي.؟=يا بنت عودي للذي خالق الكون
ان كان لك رغبة بعيشه هنيه=في جنة فيها قطوف ن دنية
بِكر وجمالك ما تجيه المنية=خافي من اللي امره بكاف ن ونون
غطي على وجهك وصوني جمالك=وعبايتك من فوق راسك دلالك
ولا يشوفك كود منهو حلالك=اما البقية يا اوخيه فيخسون
اما انا /مالي بما انتى تريدين=عندي ملاك ن ياللذي لي تنادين
حليلتي وكمالها الحسن والدين=احبها واموت فيها وتبطون
من بيت حشمة وتربيتها حشيمه=الدين والتقوى سلاح وغنيمة
في بيتها بعفافها مستقيمة=محفوظة وجمالها در مكنون
ما شفتها حتى حضرنا وخطبنا=وبشوف شرع الله عشقنا وكتبنا
والحمد لله من غلاها كسبنا=رضا الكريم وقلب شفقان وحنون
قالت علامك صرت كنك مطوع=هذا وهو شكلك ياويلي مروع
ما بك جمال وكل شئ بك يلوع=هذا وانا في عينها كنت مزيون..!!
قلت اسمعي يابنت روحي بحالك=مالك معي سكة ومالي ومالك
هذه اجابة عاجله عن سؤالك=قالت عنيد وفيك مس ن ومجنون
لكن ذا رقمي واذا طاب خاطرك=تشفق على اللي من حضرنا يناظرك
وابيك تسمحلي واهديك عاطرك=يبقى معك ذكرى وتحسن بي ظنون
نادت على فادي تعالا لوينوا=طلبت غرشة عطر لامبارغينوا
للشيخ يحملها معه في سنينوا=عساه يذكرنا وبالطيب يدعون
وقال لعيونك / وكبّس بعينه=وانا اتنافض وامسكه من يدينه
واجيه بمخمس على صادغينه=واصحى على شدة الم كف ملعون
وانا اتربع وامسك الكف واحيس=وانفث ثلاث في يساري على ابليس
واصيح يا ملعون يا نجس ياخسيس=حتى بوسط النوم شرك على الكون
هذه حكاية حلم ومن الألم امس=راجعت للدكتور وبخاطري عبس
واعوّد وكفي ملفلف في الجبس=والشافي الله والمخاليق يقرون
هذا وصلاة الله تغشى نبيه=محمد المختار هادي البرية
اعداد ما هلت علينا الهمية=واعداد من وجه لمكه يصلون[/poem]

شعر

احمد المنتشري
بوح القصيد

بوح القصيد سلم بوحك وسلم احساسك وقلمك
لاتحرمنا من جديدك
ومن ديوانك

اقتباس: المشاركة الأصلية كتبت بواسطة يازيني شينااه    بوح القصيد سلم بوحك وسلم احساسك وقلمك لاتحرمنا من جديدك ومن ديوانك

اشكر لك هذا الحضور العطر بمتصفحي
يسلم قلبك ونبضك وكلك ولا هنت

ارق التحايا لك

قصيده جزله وشاعرها جزل

لله درك وننتظر القادم طال عمرك

تقبل مروري البسيط

اقتباس: المشاركة الأصلية كتبت بواسطة انـ؛ـا ويـ؛ـاك    قصيده جزله وشاعرها جزل لله درك وننتظر القادم طال عمرك تقبل مروري البسيط

اهلا وسهلا فيك وفي هذا التواجد الشامخ
والجزالة في ذائقتك العذبه والمميزة
ارق التحايا لك

بوح القصيد


صح لسآنك


قصيدهـ رآقية ورآئعهـ


دمت سخي الحرف


جود

صــح لــســانــك .. وسـلــم فــكــرك ..

قـصـيـدهـ رائـعـه .. نـنـتـظـر جــديــدك ..

اخــــــــوي الشــــاعر / بوح القـــــصيد

صح لـــسانك وشاعر متمكن وجزل أهنيك على هذا الابداع

المنتشري

نص يحكي قصة فريده

صح لسانك على هالسرد الممتع

يــوم الأحد(بالهايبـر)جـيـت طـرقــي
الـجــو زحـمــه والمخـالـيـق فـرقــي

صح لســآنـك ً اخــي ً

الغالى
رسمتها لنا لوحه شعريه وجعلتنا نتوه
فى اعماقها وتنمعن جمال الحرف والابداع
ببقى على ضفة الابداع واستمتع بين سطور
هذه الفاتنه وملـيون ولايكفوون صح لسانك
وجاد بناك على هذه الباسقه
تقديرى

ابدااااااااااااااااع سلم بوحك وسلم احساسك وقلمك
لاتحرمنا من جديدك

هنا ابيات مختلفه وعظيمه وراقيه بكل شيء ,,
بارك الله فيك وصح لسانك

صــح لــســانــك .. وسـلــم فــكــرك

ابدعت يامبدع
صح لسانك ولا يسدون مليون
ارق سنود