شاعرجبل شمر/ مبارك طناء التبيناويوقصيدة(إن النفس لأمارة بالسوء)

بسم الله الرحمن الر حيم
نفسي تراودني على شئ

كود الإلـه اللـي عبـاده ترجـوه=الواحد اللـي جملـة النـاس ترجيـه
الخالق اللي رد يوسـف علـى أبـوه= بمصيبته راح النضر مايقديـه
أخوان يوسف داخل البيـر خلـوه=خلوه في جـب(ن) طوال(ن)مداليـه
بأمر الولي ناس(ن) من البـدو نجـوه=يالله ترجـع كـل غـالـي لغالـيـه
وحق اللذي أرسل رسوله وأطاعـوه=وأنزل عليه الوحـي جبريـل تنبيـه
إني عليل الـروح والبـال مشـدوه=والقلب حيرنـي بكثـرت شكاويـه
أجحد وأنا في غاية الـروح مسفـوه=يالله عسى المؤمـن بلطفـك تقويـه
نفسي تراودني علـى كـل مكـروه=وأقـول يانفسـي عليـك المشاريـه
ياالله عسى مايلحق النفـس مشـروه=أضحك وهمي داخـل الصدرمخفيـه
أخشى وأخاف أبقاء مع الناس مشبوه=أخفيه أخاف أحكيه والنـاس تحكيـه
يلعنك حظ(ن)جملـة النـاس سبـوه=ومـن أول روس العوالـي مراقـيـه
الناس وإن سمعو خبـر شـر جابـوه=والقلب ياأهل الخيـر يكفيـه مافيـه
من عادتي ماإصغي ولا أسمـع لمعتوه=والطيب والمحسن فلا أنساء حسانيـه
ولا أنسا الغرام اللي على الحب سمـوه=على بدر خمسة عشـر منـه تشبيـه
يفـز قلبـي والمشاعـر ليـا أطـروه=وأصحي وأقول إني زمـان متناسيـه
خوفي عليـه مـن العـذارى تبلـوه= واللي حرمني منه يارب تهديـه
شي(ن) ماهو سنه والأ نذال سنـوه=قالوا كـلام (ن)مـا عرفنـا معانيـه
الحب قالوا عيـب والعيـب حبـوه=وهرج النميمه حللـوه ومشـو فيـه
بالحقد والغيـره قهرظلـم سـووه=صار وحصل غصبن على كيف راعيه
النـاس وإن سمعـوا خبرشيّـن زادوه=كذب(ن) وبهتان(ن) وزور(ن) وتشويه
عنها حدوني وأريّـش العيـن حـدوه=عنـي عسـى رب المخاليـق يحميـه

[/poem]
الشاعر/ مبارك طناء التبيناوي