اكتب قصيدة وتصبح ماتعرف الديون=ويمكن بعد يطرب الممدوح ويجيك بيت
كم ناس كانت تقول أشعار مثل الجنون=واليوم صارت لكثر المال علم وصيت
خلك مع الناس باللي يارفيقي يبون=يمكن غناتك إلا من قلت لك كم بيت
والمدح فن قديم مثل باقي الفنون=ماحد(ن)يلومك إلا من قلت به واغتنيت
ياصاحبي كل شيء بصدق يمكن يهون=ألا أنك تعيش ذل ديون فيها ابتليت
أويتصل بك رفيق تدري أنه يمون=وتقول له ماني اللي يارفيقي هقيت
وش لك بشعرك مدام الناس مايسمعون=عليك باللي يجيب المال لامن حكيت
قفى ودورت اسمه داخل (التيلفون)=وكتبت تحت الاسم والرقم صاحبه ميت
فلاح العايد
العضو الأكثر نشاطاً هذا اليوم 
العرض الشجري
