عسى ما ازعلتك البارح وزودت الجراح جراح
عسى ما مرت الدمعه على اهدابك من اسبابـي
جرحتك من كثر شوقي وخليت الكـلام رمـاح
ولا ادري شلون ياعمري طعنتك حيل بعتابـي
بدون شعور صدقني ترى كثـر الغـلا ذبـاح
تعال وشوف بغيابك غلاك وش سوابي
حرام تغيب من عمري وتعطيني الفراق وشـاح
حرام الدمع في عيني مناديلـه هـي اهدابـي
غيابك يشغل عيون الزوايـا وامتلـي اشبـاح
وانا انثر صوتك بقلب المكان واشعـل ابوابـي
تلفت للأمل دام الرجا فـي عمـري الملـواح
اناديلك ولو شرهك وصولك تقطـع اعصابـي
ابيك الجاي من عمري انا مابيـك شـي وراح
مدامـك اجمـل واخـر مدامـك اول احبابـي
ابي ارتاح ياعمري انا ادري هم تبـي ترتـاح
تعال وقبل ما افرح تـرا تفـرح بـك ثيابـي
احبك احبك يابعد عمر الحزن والجرح والافراح
احبك احبك كثر ما نامت عيونك داخل اهدابـي