][ قصيدة معايده لإدارة ومراقبي المنتدى ][

أسعد الله اوقاتكم .. وكل عام والجميع بخير ..

اخواني الاعضاء والشعراء .. نيابة عنكم أقدم هذه القصيده بمناسبة العيد السعيد كإهداء لمن يسهرون على خدمتنا وراحتنا ويسعون لتطويرنا وتقديم الأفضل لهذا المنتدى والذي أصبح كيان شامخ متفرد بالرقي وكل ماهو جميل

ويعذرني من نسيت اسمه فالكل مكانهم قلبي .. اداره ومراقبين ومشرفين واعضاء .. /

.
.
.
.
.
.






الحرف ساهر والشعر معذور
.......... بهْديه من قلب الوفا تسهيدي

يا نار شبّي شيخنا هامور
.......... للذوق تاج وللْوغى صنديدي

ملفاه صدْري والحنايا دور
.......... يفْداه صادق مدْحي وتمْجيدي

يا جرح لو صمْتك سرى مقهور
.......... يشْفيك من إحساس لمْسة إيدي

يا هيبة الحاكم سليط الشور
.......... وْ يا رقّة دْموع سْبِقَت تنهيدي

ويا حرف لا تخْفي وراك شْعور
.......... وْ يا نبْرة ٍ باقصى الحشا له زيدي

وبْشوف منذر خاطري مسرور
.......... وجْه السعد ما يَعْرِف التنكيدي

لو خانه الوقت وْغدا مجبور
.......... يغْنيه ما حاشت يده من صيدي

في دولتك حاكم وانا المأمور !
.......... سيف العدل في قبْضتي يا سيدي !

معروف يالساري ثرى وجْذور
.......... ما يثْني عْزومك كلام وْ كيدي

بضْيافتك ذا لي ثلاث شهور
.......... ما ملّت حْروف الغلا ترديدي

والخط باين لو جفاه سْطور
.......... وْ ليل الفرح يسْبق نهار العيدي

ياليل حالم والأماني بْحور
.......... والموج في عمْقك رَسِم تجريدي !

الزين لك يا همسنا دستور
.......... مكتوب في نَصَّه هناي وْ قيدي

الحرف ورده والزهر منثور
.......... في روض شعْرك حرْفنا تقليدي !

يا كبرياء ما شفت منْك اقْصور
.......... لا صحْت خصْمك يتْبعك رعديدي

العزّ يسْكن هامتك مغرور
.......... والقاف يطْرب لاجلكم ويْشيدي

ما أنتظر تسْلم وَلاَ مشكور
.......... يشْهد عليّ الله ماهو صيدي

يا نور نجمه يا وهج من نور
.......... أغْريتي البلبل على التغريدي !

من جالسك لو خاطره مكسور
.......... سنيور حاله ينقلب تأكيدي

ضحكه وقلبي صيتكم مشهور
.......... فيكم سياسات النظر لبْعيدي

طوّرتوا الموقع بدون غرور
.......... صار القسم عالي وهو تمهيدي !

وانتي على النيه ملاك الحور
.......... أحسن مثال انتي لـْ كلمة [ ليدي ]

من يوم كلّمتك وانا مبهور
.......... أبيات وَصْفك مالها تحْديدي .. !

فيك الحلا ساحر وهو مسحور !
.......... الدين مِحْزَم والشرف لك جيدي

يا بوك إصْبر ما نساك الدور
.......... دامك عناوين الهنا يا وْليدي

لو قلْت ما احبّك تراني ثور
.......... وشْلون بنْسى صحْبتك واحيدي ؟

اهديك من روح القصيد زْهور
.......... واعطيك ما تامر عليْ وتْريدي


.
.
.






وسلامة اعماركم

صح لسانك اخوي خالد على القصيده

اشكرك و شرف لي اني كنت من ضمن الاسماء اللي ذكرتهم

ما قصرت اخوي

ودي ..

اقتباس: المشاركة الأصلية كتبت بواسطة *همس طلآل*    صح لسانك اخوي خالد على القصيده اشكرك و شرف لي اني كنت من ضمن الاسماء اللي ذكرتهم ما قصرت اخوي ودي ..

صحت روحك اختي همس .. وكل ايامك أعياد ان شاءالله

تستاهلين أكثر

تقديري

اسلم اسلم شاعرنا
ايووون كذااااااااا القصيده هههههههه
عشان اسمي فيها بس
شكرياتي لك وصح فكرك وكلك من راسك الى ساسك
يسعد البك

اقتباس: المشاركة الأصلية كتبت بواسطة •· منذر·•    اسلم اسلم شاعرنا ايووون كذااااااااا القصيده هههههههه عشان اسمي فيها بس شكرياتي لك وصح فكرك وكلك من راسك الى ساسك يسعد البك

يمال الثبر اللي يثبر عدوك بلا

اخوي منذر إختصر الوقت وخذ الكلام مني على طول ,,, انا ما اعرف خيط بيط يعني بقوللك

إنت نموذج رائع لشخصية إداري منتدى مثالي وناجح // عاد ان بغيت تصدّق ولاّ ما علي منّك

ترى شهادتك الحقيقيه تاخذها مننا حنّا يالاعضاء

صح بدنك يالغالي لا عدمناك ..

[align=center]
على كذا بزعل انا ههههههههههه
صح الله لسانك يا الغالي وألف شكر والله لطاقم الإداري كافه
والله يعطيك ويعطيهم العافيه يارب
وكل سنه وانتم طيبين وعساكم من عوادة العيد يارب
تسلم يا الغالي لا هنت
[/align]

اقتباس: المشاركة الأصلية كتبت بواسطة " طلال الشمري "    [align=center] على كذا بزعل انا ههههههههههه صح الله لسانك يا الغالي وألف شكر والله لطاقم الإداري كافه والله يعطيك ويعطيهم العافيه يارب وكل سنه وانتم طيبين وعساكم من عوادة العيد يارب تسلم يا الغالي لا هنت [/align]

لالا كلش ولا زعلك يا طلال . . عاد انت اسمك غالي على قلبي بالحيل ,,

وانت طيب وبخير وعافيه ويعيده علينا وعليك .. ويعافيك ربي ما قصرت بارك الله فيك يالغالي

صحت روحك وسلمت حالك

على ما قالت زميلتنا الشاعره الفاتنه // سلمت يمينك ولا هانت يسارك

الله يمسيها بالخير //

تقديري لك ..

:

كوشششخه
صح لسانك ولافض فووووك
ابيات قمّه على قمّه ويسلم راسك اخي على الإطراء
بشوق لجديدك لاعدم


:
:
:

اقتباس: المشاركة الأصلية كتبت بواسطة ضحكة الدنيا    : كوشششخه صح لسانك ولافض فووووك ابيات قمّه على قمّه ويسلم راسك اخي على الإطراء بشوق لجديدك لاعدم : : :

أطهر وأطيب قلب .. ضحكة الدنيا .. معاملتكم الطيبه تدعو لعمل اكثر من قصيده ,,

خوقاقي اجل ؟

ومن قال يسلم يا قمة الذوق انتي

يخليك ربي ويديم الود بين الجميع ..

تقديري

صح اللسانك خالد

ويستاهلون الاداره كل خير

ربيعطيكم العافيه على مجهود رائع

دمتم بود

اقتباس: المشاركة الأصلية كتبت بواسطة دلوعه ابوي    صح اللسانك خالد ويستاهلون الاداره كل خير ربيعطيكم العافيه على مجهود رائع دمتم بود

يبارك بعمرك ويخليك يارب

وربي كلك ذوق يالغاليه لا عدمنا طلاتك

كل التقدير

تسلم خالد ع القصيده الرائعه وصح لسانك

وفعلا اسماء نورت في سماء بعد حيي والله يعطيك ويعطيهم الف عافيه

والله يسعدك ويحفظك لاهلك وللمنتدى

اقتباس: المشاركة الأصلية كتبت بواسطة رواء الروح    تسلم خالد ع القصيده الرائعه وصح لسانك وفعلا اسماء نورت في سماء بعد حيي والله يعطيك ويعطيهم الف عافيه والله يسعدك ويحفظك لاهلك وللمنتدى

الله يسلمك اختي رواء .. نورتي المتصفح بحضورك الغير عادي .. لا عدمته

ويعافيك يالغاليه ويحرسك ويحميك ويخليك لعين ترجيك

كل الشكر والتقدير

وكل عام وانت بخير وصحه وسلامه
شاعرنا الرائع \ خالد
اهداء رآئع بحق واحسآس جميل
وشعور يملأه روح العطاء والنقآء
فصح لسانك وسلم بنآنك
ولك من الشكر اعظمه
طبت بكل الخير ,,

اقتباس: المشاركة الأصلية كتبت بواسطة على النيه    وكل عام وانت بخير وصحه وسلامه شاعرنا الرائع \ خالد اهداء رآئع بحق واحسآس جميل وشعور يملأه روح العطاء والنقآء فصح لسانك وسلم بنآنك ولك من الشكر اعظمه طبت بكل الخير ,,

صحت روحك اختي وسلم قلبك ..

لا خلا ولا عدم من زياراتك القيمه والتي تثري صفحاتي

تقديري