,,.. بنت الحمايل ..,

لمن طرق الباب

اليه .. يأتي الجواب ..

.,
,.

عسا ان ينال على رضاكم




[poem=font=",6,red,bold,italic" bkcolor="black" bkimage="" border="none,4," type=0 line=0 align=center use=ex num="0,black""] بنت الحمايل يافهد قيدها اسلوم=والبنت ميزتها لا صارت عريبه
اللي نهار الهوش تاقف مع القوم=لا طشت الثام الاصاله مهيبه
اخوانها لامن تعزوو بها دوم=حلّو كبار المعضلات الرهيبه
من دونها فرسان شجعان وقروم=اللي لها شيخن تحظظ نسيبه
دوّر على اللي لا تغرّبت محشوم=تحفظ شعر وجهك ولاهي تعيبه
مستورتن باخلاق ماهيب بهدوم=اللي رديّ القوم دايم تريبه
اللي تعزك لا غدا السوق به سوم=سوم الشرف سوم الطهر سوم طيبه
اللي معاها دايم الدوم مخدوم=هذي سعد منهو تجي من نصيبه
ماقول انا بنت الحموله يازيزوم=يقوله اللي شايفن بي طليبه
الظرف يابن الناس واصلك مختوم=يامثمّن الهرجه تراها مصيبه
وان جات للضيقه فلا طالك اللوم=الضيق له ذيبن بصدري قنيبه
محدن قضا عمره بلا ضيق وهموم=هذي علينا بالليالي ضريبه[/poem]

وسلامتكم
بنت القصيد. القاسميه