مساجلة ..شاعرها .. وبرق

أرسل على أخي الغالي والشاعر العلم واستاذي
الفاضل : عبدالله الراجحي
(شاعرها)قصيده ولي الفخر وربي شاهد
حيث أعجبته أحد قصائدي
وقام بالتعليق عليها تعليقا وافيا
كوفاه طال عمره
فشكرته وكان الرد منه هذه الفاتنه وردي المتواضع عليها
أتمنى لكم المتعه مع القصائد




يامرحبا باللي على واردي مرّ
ترحيبةً تتلى بصدق وحراره

من خاطرٍ طربان لاجلك ومنسرّ
كن بقدومك سايقٍ لي بشاره

براق ياحرٍ مسمى نسل حرّ
من روس قوم ٍكاسبين الاماره

شاعر وله فالنادره كرٍ وفرّ
يقطف من البستان طيّب ثماره

الظاهر ان فكره من الوضع محترّ
والقرم مايرضى بذلّ وحقاره

لامرت الهرجه وفي حرفها جرّ
الجــرّ حرفه جـــرّ كل العبــاره

ودك تبينها ولا عاد تسترّ
ومن جابها تقلب عليه الشطاره

بعض العرب روابعه كلها شرّ
حتى مع الادنيــن مابه نعــاره

يكد حاله فالدنايا ولاقـــرّ
ولاهو محصل كود نقص وخساره

ياصاحبي مانته من النذل منّضرّ
اشهرّ / وكلا ماشياً في مساره



وهذا ردي المتواضع


تبقا وحرفي في مجاراك كاالدر
في جيد غيداً دلعتها الحضاره

أهلا هلا مليون والله منوّر
ومن خوتك كني وزير الوزاره

معزتك في وسط روحي تكّور
وأغلي انا شرواك راع السطاره

ياصاحبي دنياي مع حلوها مر
ويبخص بضاعتنا وزير التجاره

اليا أقتنصنا نقتنص شجرة الدر
ولانهيم بحب خدرات ساره

والله ياشاعرها وهي دامها بر
وافين وان ثارت نفوز بجداره

يابن الشيوخ اللي لها الطيب يزهر
والطيب منهم زاد منهم وقاره

تدري ياعبدالله قبل عام وأكثر
مثل ( الحويفي ) مولعن بالصقاره

واليوم والله يانديمي ترى البر
أبرك ولا سكناك أفخم عماره

ولاآني أنا مصعب ولا آني .. أبوذر
لاكن على الطولات عندي جساره




ملاحظه
الحويفي : بدر بن عواد الحويفي
أحد اشهر شعار وصقاقير الجزيره العربيه
ورجل كفو


ودي للجميع

يسعد صبآحك يّ أنيق
يسلم منطوقكم على هادي الروعه
عوآفي ، أبيآت جميله كثير شآعرنآ
الله يسعدك ولا يحرمنآ جديدك المميز ،

انت الرائع يابرق
على الجرح
دام هالحرف الرائع

رائعه هي الكلمات صح لسانك برق ولسان عبدالله
لِروحَك عـِبقَ المِسـك وأطواقَ الثــَناء

برق البروق


وصوت وصدى ولا احلى

اطربتوني انت وشاعرها

سلمت اناملكم وصحت السنتكم ولا هنتوا

سجل الاعجاب



تحيتي ...

يابرق البروووق
انت راااائع بحرفك ومشاااعر الجميله
امتعتنا بصفحاات شعرك ياعزيزي
فهنيئا لنا بك يا ممتع

مسآجله رآقيه شآمخه
صحت ألسنتكم برق وشآعرهآ
أمتآآع وابدآآع
دمت بوهج عطآءك وتفردك شآعرنآ برق
لآهنت ,,,,

حوآر راقي وحروف مُطرزة ب الود والتقدير
لصهيل الحرف هنا
تعويذة اِمتنان له و لك
صحْ كلّك
و دام قطاف الكرز بك دهرًا
معجبة ب حرفكِ الأنيق
ل همسك ول روحك كل التقدير

الله يسعد آيامك اختي وتم على المرور العذب سلمتي ولاهنتي

أخوي الحسيني تسلم من ذوقك ربي يرعاك

تسلمين اختي همس من ذووقك ربي يسعدك ويرعاك

الشاعر الرااقي بندر الساكت
انرت المساجلة ربي يسعد حياتك ويرضى عليك

هلابك عنود
حيي من ذووقك هالاطراء سلمتي ولاهنتي الله يسعدك ويرضى عليك

هلابك شاعرتنا الرااقيه
على النيه انرت متصفحي بحضورك المهيب الله يسعد خياتك

أهلا بك رواء وحضور مضئ
لهذا المتصفح ربي يسعد
حياتك ويرضى عليك