يالرّبع شفت الموت تسعيـن مـره

السلام عليكم ورحمة الله وبركاته

في هالفايت سويت عمليه بسيط مره( حصوه في الكليه )الزبده انهم بنجوني

يوم خلصت العمليه يبوني اصحا من البنج مابي فايده هههههههه قسم بالله ابطيت ماصحيت

وحطو على الكسجين وحالتي حاله يعني بغيت اموت بسم الله علي شكل المصري دكتور البنج مزود الجرعه

يوم صحيت والى جسمي متكسر تقل محمل حصي هههههههه قلت وش فيني قالو يارجال بغيت تموت

والمستشفى مليان من ربعك كلهم جايين مسوين استنفار طبعا اللي يقولي هالحكي والد اخوي

قلت بالله جب قلم وورقه وكتب اللي انا اقوله

وطلعت هالقصيده




[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالرّبع شفت الموت تسعيـن مـره=الموت يلعب في محاني ضلوعـي
نوبن يلز القلـب وفنـوب جـره=ومن يوم جره كن كبدي تموعـي
الموت تل الـروح والقلـب فـره=نوبن يناطحني ونوبـن خدوعـي
ماغير انا والمـوت كـره بكـره=نشّف عروق القلب وطفا شموعـي
وعرض علي وقت الرخا والمسره=يومي لعيب الوقت والوقت طوعي
واحكم علـى حلقـي بكفـه وزره=وغير علي السلم وغير اطبوعي
الموت حـق وكـل نفس(ن)يمـره=يمزر شتات الروح مزر(ن)يروعي
ياشين طعم الموت ياكـود حـره=من كود حـره غافلتنـي دموعـي
[/poem]

الموت حـق وكـل نفس(ن)يمـره
يمزر شتات الروح مزر(ن)يروعي
ياشين طعم الموت ياكـود حـره
من كود حـره غافلتنـي دموعـي

الحمدلله على سلآمتك اخوي وخطاك السوء
والله يطول بعمرك وأجر وعافيه ..
نص جداً رآآئع جزل ومؤثر ..
طبت وسلم حسك وحفظك الباري ..

اقتباس: المشاركة الأصلية كتبت بواسطة على النيه    الموت حـق وكـل نفس(ن)يمـره يمزر شتات الروح مزر(ن)يروعي ياشين طعم الموت ياكـود حـره من كود حـره غافلتنـي دموعـي الحمدلله على سلآمتك اخوي وخطاك السوء والله يطول بعمرك وأجر وعافيه .. نص جداً رآآئع جزل ومؤثر .. طبت وسلم حسك وحفظك الباري ..

الله يسلمك يالاميره

ومشكوره على مرورك

الحمد لله على السلامه اخطاك السو...وماترى باس

قصيده مؤثره .. سلمت

اقتباس: المشاركة الأصلية كتبت بواسطة اللـجـاوي    الحمد لله على السلامه اخطاك السو...وماترى باس قصيده مؤثره .. سلمت

الله يسلمك يالذيب


وسلم نبض قلبك

حمدلله على سلامتك
وصح لسانك مدد بلا عدد
وعلا شانك
ولاهنت

تقديرى واحترامي

اقتباس: المشاركة الأصلية كتبت بواسطة عقاب النهار    حمدلله على سلامتك وصح لسانك مدد بلا عدد وعلا شانك ولاهنت تقديرى واحترامي

عقاب النهار يابعد تسبدي انت الله يسلمك

وصح بدنك يالامير

:
:

جميل م قرأت لك هذا الصبآح
ألف صحّ نبضك

:
:

اقتباس: المشاركة الأصلية كتبت بواسطة ضحكة الدنيا    : : جميل م قرأت لك هذا الصبآح ألف صحّ نبضك : :

الجميل مرورك يالمزيونه

والف الف صح بدنك

الحمد لله علا سلامتك وصح لسانك اخوي

اقتباس: المشاركة الأصلية كتبت بواسطة عالي مقام    الحمد لله علا سلامتك وصح لسانك اخوي

الله يسلم وصح بدنك ياحيي

اجر وعافيه .. اخوي مطعون .. ولا تخاف ترى عمر الشقي بقي


ولو اني ماني مصدق هالمزره ههههههههههههههههههههه لكن ههههه نمشيها لعيون ولد اخوك اللي جاب الورقه


لكن القصيده ما يحتاج .. شامخه معلقه .. مؤثره من جد ..


لدرجة اني وصيت ولد اخوي يجيب لي كلينكس امسح دموعي



مطعون صح لسانك .. قسم قسمات يا عليك شاعريه تهد جبال .. ويطرب لها الكيف اللي ما يطرب .. !



جميل بكل حالاتك يا جززززل


تقديري

اقتباس: المشاركة الأصلية كتبت بواسطة ][ .. خالد .. ][    اجر وعافيه .. اخوي مطعون .. ولا تخاف ترى عمر الشقي بقي ولو اني ماني مصدق هالمزره ههههههههههههههههههههه لكن ههههه نمشيها لعيون ولد اخوك اللي جاب الورقه لكن القصيده ما يحتاج .. شامخه معلقه .. مؤثره من جد .. لدرجة اني وصيت ولد اخوي يجيب لي كلينكس امسح دموعي مطعون صح لسانك .. قسم قسمات يا عليك شاعريه تهد جبال .. ويطرب لها الكيف اللي ما يطرب .. ! جميل بكل حالاتك يا جززززل تقديري

امين ويخليك يالامير

عاد تصدق ياخالد قسم بالله انه هي القصيده الوحيده اللي قصته صدق ههههههههه

بس انت انت وخشك ماسكه على اني خيطي بيطي ههههههههههه

وياعل الاش فدوه لدموعه يالعتيبي وصح بدنك

الحمد الله على سلامتك ..ماتشوف شر

وصح لسانك على هالأبيات
والله يعطيك الف عافيه .

اقتباس: المشاركة الأصلية كتبت بواسطة ملامح حزن    الحمد الله على سلامتك ..ماتشوف شر وصح لسانك على هالأبيات والله يعطيك الف عافيه .

الشر مايجيك يالاميره




وصح بدنك ومشكوره على مرورك الحلو