Made in Saudia

...
..
.

السلام عليكم

الإهـداء .. إلى كل حـواء طاهرة .. تعيش على هذا البلد الطـاهر

...


لا زين مصري .. ولا شامي .. ولا عراقي
غير السعودي .. فـلا هـو جايـزٍ ليّـه
بنت البلـد زينهـا يفـرق عـن الباقـي
تفرق .. كما تفرق ال(10) عن ال(100)
والزين .. نصفه جمال .. ونصفه أخلاقـي
وبنـت البلـد جامعـه هـاذي معـا ذيّـه
(بنت الرياض) .. أجوديّه .. ذوقها راقـي
زودٍ علـى زينهـا .. ذربـه وعفـويّـه
إليـا حَكـت حكْيَهـا بلـسـم وتريـاقـي
ومـا تلحـن بلهجـةٍ ماهيـب نجـديّـه
وإليـا عطـت للوفـا عهـدٍ وميثـاقـي
صانت وفا عهْدهـا .. مـا تِخلـف النيّـه
و(بنت الشمال) .. إن تردّت هقوة الهاقـي
مـا بدّلـت بالطبـاع الحسْنـه السـيّـه
ما لبْسَت الموضه اللـي تكشـف الساقـي
وْلا هزّت الطولْ .. فـي شاشـه فضائيّـه
وْلا شاركت مـع بنـات الغـرب بسباقـي
وتتويـجٍ مزيّـف .. لبـنـتٍ يهـوديّـه
محلا من أكل العسل مـع فـك الأرياقـي
إلاّ التصابيـح فـي وجـه (الشمالـيّـه)
و(بنت الجنوب) .. أشعلت بالكون برّاقـي
وغار القمر من سناهـا وأختفـى ضيّـه
حسن التعامل بها مـن طِيـب الأعراقـي
وفيهـا المحبـه .. وفيهـا زود حِنـيّـه
وفيها اللطافه .. وفيهـا راحـة الشاقـي
يا سِعْـد عيـن الـذي حَـبّ (الجنوبيـه)
والشرق .. منه ابتدت شمسٍ بالأشراقـي
إستوحَت أنوارهـا مـن نـور (شرقيّـه)
غنـدورةٍ .. قلبهـا ينضـح بالأشواقـي
سمحه .. رزينة عقل .. ترفه .. حياويّـه
وأسرارها في بحـر مجهـول الأعماقـي
دُرر .. وعـن شوفـة الغـوّاص مخفيّـه
وكل ما ذكرنـا هـل الطيبـه والأذواقـي
سبّابتـي وجّـهَـت لـديـار (غربـيّـه)
جدّه بهـا المتـرف اللـي حسنهـا فاقـي
حسْن العذارى .. وكل جادل .. وحوريّـه
لو غِيرة الغيـر منهـا تحـرق إحراقـي
عـادي .. مـدام السجايـا غيـر عاديّـه
ما آقول : كل العذارى بـ(1000) طقّاقـي
ولكـن الله فـرَق بنـتٍ عــن بنـيّـه
والصوره اللـي تمركـز داخـل أحداقـي
ما همّنـي لـو تقـول النـاس .. سلبيّـه
(الذوق) .. لو هو شجر يزهى بالأوراقـي
قالـوا : أصـل موطنـه بالديـره الحيّـه
ولو (الحلا) مُنتجٍ فـي وسْـط الأسواقـي
تقرا علـى علبتـه (ميـد إن سعوديّـه)



...
..
.
احترامي

الغالى
كتبت وابدعت
لله درك وصح لسانك
مدد بلا عدد
ولاهنت



تقديرى

عساف القلوب

(
)

تشرفت بمروري هنا

لاهان راسك أخوي

وصح لسانك ملايين

عشت عشت على البوح الصادق
لله دركــــــــ
سجل اعجابي

يسلم قلبك اخي عساف القلوب
ابدعت اخوي ربنا يوفقك
ماقصرت والله

و(بنت الشمال) .. إن تردّت هقوة الهاقـي
مـا بدّلـت بالطبـاع الحسْنـه السـيّـه
ما لبْسَت الموضه اللـي تكشـف الساقـي
وْلا هزّت الطولْ .. فـي شاشـه فضائيّـه
وْلا شاركت مـع بنـات الغـرب بسباقـي
وتتويـجٍ مزيّـف .. لبـنـتٍ يهـوديّـه
محلا من أكل العسل مـع فـك الأرياقـي
إلاّ التصابيـح فـي وجـه (الشمالـيّـه)


عساف القلوب
لاهنت اخوي اييييه هذا الكلام يابعد حيي

صح لسـانك

وبنت البلد مافيه مثله

رغم ان ماتراه بحياتك الواقعية يجعلك تتأكد بأنك تعيش تغريبة فكرية جديدة
الله يستر على بنات المسلمين


تقبل مروري ،،

[align=center]الغالي /// عساف القلووب


لاهنت على هذا البوووح الصااادق تجااااه بنت السعوديه


وصح الله لساااانك واعتلى شاااانك


وبيض الله وجهك



لك الغلا[/align]