تفداك شمس وجنبها أريام تفداك ....

[align=center]متواضعة وأتمنى أن تنال إعجابكم واستحسانكم[/align]

[align=center]أخوكم:[/align]
[align=center]محمد الفريدي[/align]


[poem=font="Arial,6,black,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
يامنيتي يازهوة البيض مأزهاك=ياللي عليك الزين نادر وغالي
شتتني في موقعك بين الأفلاك=ولا شفت نورك قلت ياهملالي
ماشفت زولك بين ذولا وذولاك=ولا شفت مثلك في زمان ٍ مضالي
مع رحلة الدنيا أنا أصير وياك=ويشهد على ذلك قدوم الليالي
برحل مع أحلامك وبعيش ذكراك=واطوي زمان ٍ فيه مر ٍ وحالي
مع بسمتك بسلى وأسولف بطرياك=ومع دمعتك بسكت ووبكي لحالي
لاتحسبن القلب في يوم ينساك=ولاتحسبني أنساك يارأس مالي
كل الذي عندي بسخره لرضاك=حب ٍ وشعر ٍ والعمر لك حلالي
أحلا كلام الحب يكتب بحسناك=وأكتب كلام الحب لك من خيالي
وش عاد لو شفتك وأنا أريد لقياك=كان الحكي ياقف وأضيع مقالي
يامنيتي بالقلب يازين مبناك=طوبه ورى طوبه بها القصر عالي
تفداك شمس وجنبها أريام تفداك=ومعهن بعد نجوى وزينب ودالي[/poem]


[align=center]وســــلامـــتــكــــم[/align]

محمد الفريدي

صح لسانك وسلم بنانك وزان حالك ..
كلمات قمة في الروعة شاعرنا الرائع ..
استمتعت كثير برائتك لاعدمناك ..
احترامي لسموك ..


تقبل مروري ..
بقايا حلم ..

يامنيتي بالقلب يازين مبناك
طوبه ورى طوبه بها القصر عالي
تفداك شمس وجنبها أريام تفداك
ومعهن بعد نجوى وزينب ودالي

والله مادري ايش اقول يالعزوه
صراحه اقف لك وارفع القبعه
لك يامحمد الفريدي
بصدق انتا مبدع
وفقك الله

[frame="3 98"]حقيقه والله انها قصيده قمة في الروعه
والقوه والمتانه وفي نفس الوقت

لا تخلوا من دفىء وشوق ولهفة
استطعت يالفريدي
ان تصورها اجمل تصوير

بكلمات من صلب بيئتك اضفت المزيد من الروعه والجاذبيه على الابيات



اخ محمد
صح لسانك


ولا تحرمنا من الجديد [/frame]

بقايا حلم صح بدنك

وجودك عطر القصيدة

أخوي جبلاوي

يعجز الكلام على الرد عليك

ولك مني كل التقدير والأحترام

راعي النفود

صح بدنك

وأسعدني مرورك يالغالي

ياسلام عليك
ياراااااائع محمد الفريدي

هذي القصيده السنعه ولا بلاش
تسلم..على الوزن والمعنى الطيب

منذر

ياسلام على الرد الرائع

تسلم ويسلم عمرك يالغالي

وش عاد لو شفتك وأنا أريد لقياك
كان الحكي ياقف وأضيع مقالي

؛؛؛


صح لسانك ولا هنت اخي محمد الفريدي؛؛

ننتظر دائما منك المزيد ؛؛

صح لسانك اخي الكريم
على هالرائعـــه
مدد بلا عدد
تقبل مروري

الفريدي

رائع في نظمك

وممتع في حسك

ومتوهج في قلمك

صح لسانك مليووون

محمد الفريدي

صح لسانك وسلم بنانك

كل الشكر للجميع على المرور والرد

ولكم مني كل التقدير

أخوكم

محمد الفريدي

صح لسانك ولا هنت
يالفريدي
اين مانذهب بالنت نجد لك بصمه بكل منتدى وفقك الله
ودمت برقي ولك تحياتي