الثالثة.الذكرى.

مرآ عقيل مسيرآ عقب ماغاب ،
ياليت طالت غيبته والسكينه
من غير شرآ حيث لاخطاء ولا صاب ،
لاكنه اذهبني ذهاب العيينه
العام غاب وخاطري بغيبته طاب ،
تركت اناء الدخان ماسئلت وينه
حول الشهر لاشك ابومتعب ألآب ،
ورحنا انتمشى بين رفحاء ولينه
ورجعت ادخن مثل ما كنت شراب ،
النفس تأمر وابومتعب عوينه
واليوم يطريلي ويضحك باالانياب ،
ياما استفاض الهرج بيني وبينه
حل المجال وجاب من عرض ماجاب ،
طاريه لاجاب الدبش من جهينه
ذكر هبيل القلب بيام الاحباب ،
وقتآ قديمآ راح و اقفت سنينه
يوم الشباب وشايب اليوم ماشاب ،
وهيض على العود المقفي حنينه
حنين سقسآ يانطح ظلع ديراب ،
الحمل زايد والتعب باالمكينه
ذكرى تلين قاسي القلب له ذآب ،
كما يذوب الملح وسط العجينه
كيف الزمان اللي لها عد وحساب ،
عشرين عام وعشرتآ حاسبينه
عرضه خيال الذاكرة تقل ماغاب ،
ما كنه الأ اليوم والأ امس حينه
يلعنك ياجرح الندم ماله اطباب ،
اشعر بذنب النفس و اكتم غبينه
يابنت عمآ للغنادير مهزاب ،
كانت تحداء البيض كله بزينه
اللي جمعت عقلآ وثقلآ مع أدآب ،
وترمي سهوم الموت برموش عينه
زين وعفاف وبنت عربين الانساب ،
ربت بعز ارجال حصنآ حصينه
بيني وبينه عشرت صغار و اقراب ،
عفويتآ ماطبها اعمال شينه
مع الغنم مابين تلعه ومرقاب ،
بتلى البداوة ما سكنى المدينه
ويوم الله أمر باالمفارق والاسباب ،
خناجر الشيطان سود الضغينه
العجز صارة بينهن حرب بحراب ،
تزارقآ مثل السيوف السنينه
وكلن تشكل له عصابات و احزاب ،
وكلن على كيفه تقود السفينه
وجنبت اناء وجنب وكلآ دخل باب ،
ياحافر المدفون هذاء دفينه
وباالغصب راحت بين شاري وجلاب ،
سلعة حراجآ باالمزايد ثمينه
مابين ناسآ شرعها شرعت الغاب ،
حق الاناثي باالرضا تستهينه
وعوب العجايز عجزآ عكف الاشناب ،
في كيدهن يا لعنبوا والدينه
مذكور باالقرآن مكتوب بكتاب ،
في محكم الأيآت والمستبينه
وياما غدت بآسبابهن جرد الارقاب ،
كم و احدآ باالسيف يشخف وتينه
ويااللي تحسبك عن خفاياي جذاب ،
تموت مثلي ما تبيح كنينه
لاشك شفت بليلة الحفل لي شاب ،
عليه من وصفه ملامح وعينه
وسئلت عنه عيال جيله والاصحاب ،
وقالولي العلم المؤكد جنينه
ولاني عن الموضوع مخفي وهياب ،
قصدي شريف ومذهبي عارفينه
ومن لايبوق ويفعل العيب مإيعاب ،
العيب والله والردى خابرينه
والي بغاه إيؤصله حزم كلاب ،
وياقرب شمس الغد عن ناظرينه

صهد النماصي

وقصيدة سويداء عراقيب
التي اعجبت الجميع
بطرافتها وسهولتها وموضوعها الهادف

اما هذه الحروف وهذا التسلسل الممتع
جعل الشعر في اجمل حلّه
صح لسانك وترك شباب وقلبك خضر
تو المشيّب يالخال

صح بدنك وعافاك الله ياالخال انت الخال باالحقيقه ليسى مجاملة

صح فكرك
ولا تهون على القصيده

تقبل مروري

صهد الشمري


صح لسانك وعلا شانك


قصيده رائعه ووممتعه وعذبه


سلم رأسك وبؤح قلبك ولاهنت


دمت بالف خير


تحيااااتي لك

صح بدنكم وشكرآ للجميع

صح لسانك روعه بصراحه

صح بدنكم وعافاكم الله جميعآ

السلام عليكم ورحمة الله وبركاته

الله عليك صح عقلك ودام ابداعك ودمة بصحه
كتبت فاامتعت لله درك


تحياتي


(( الثريا ))

شـكــ وبارك الله فيك ـــرا لك ... لك مني أجمل تحية . ]
وصح بدنكم جميعآ