۞ يومـ(12)ـيات صائم ،، مع " نور الدنيا " ۞

[align=center]





[mark=#990000]يوميات صائم ،، بعد حيي [/mark]
[/align]

شهر رمضان ،، شهر الرحمة والغفران ،،
وجعله الرحمن ،، مميز ومختلف عن باقي الشهور ،،
له روحانية وعبادة قدسية خاصة ،،
كما أصبحت له عادات مميزة من ناحية الطعام والشراب ،،

والزيارات ،، وقضاء الوقت بين العبادة أو الزيارات و جمعت الآهل ،،، وغيرها ،،

فـ لكل منا يوميات خاصة يقضيها في هذه الشهر الفضيل ،، !
آن شاء الله ،، كل ليلة سـ نستضيف عضو صائم ،، ويخبرنا كيف قضى يومه ،، ؟؟
والله يجعل آيامكم كلها سعادة ،،

اليوم الثاني عشرة من آيام رمضان ،، ؟؟ مع ،،،

[align=left][/align]

[align=center]



درقن درقن درقن
<<<جاية ركض ومنقطع نفسها

مشكورة هايدي يارب عسى يستضيفونك بالجنة قولي آمين
واسفة على التأخير




[/align]

[align=center]

بسم الله الرحمن الرحيم
اليوم بالذات غير عن كل الأيام مدري ليه؟؟
فمت من النوم الساعة 1 ظهرا على جوالي يرن
رديت وانا نص نيمة والعيون متورمة حيل<<بدون ذكر السبب..
سمعت صوت اخوي على الخط الثاني يقول اعوذ بالله وين انتم؟؟!!
قلت سم وش بغيت؟!!
قال افتحوا لي الباب الكبير بدخل السيارة جايب ذبايح..
وانقز<<مجاز لحد يصدق
وانادي الشغالة ونفتح الباب وندخل الأغراض ونمد السفرة بالمطبخ وهات ياسكاكين وسواطير وننزل تقطيع بأم الذبيحة وخوالها..ههههههه
ماخلصت تقطيع وتوزيع الا يأذنون العصر
وهي تجيني الطنخة<<حالة تجيني كل عام..
والبس عباتي وانط بحلق اخوي الا توديني بسلم على عمي وعمتي >>>صلة رحم هالقايلة..
المهم رحت وسلمت على عمي وعمتي وبيت اخوي ومن جاورهم..
ومادريت الا باقي ربع ساعة على الفطور
قلت لأخوي وحنا واقفين عند الأشارة: لحوووول الساعة 6 الحين مير تلطم وادعس..!!
وعلى طول ينفذ الوصية ويدعس لين وصلنا البيت<<قسم بالله ترا كل هالعجلة مو جوع لكن عندنا ضيوف بالبيت ومستحية اخليهم يفطرون لحالهم<<ام السنع..


وصلت البيت بالسلامة وازت العباية بالصالة وعلى المطبخ ارتب السفرة
وانا ارتب السفرة سمعت صوت الأذان
الله اكبر الله اكبر...بعدها عينك ماتشوف الا صحن الشوربة والفيمتو...........
واقوووم اصلي المغرب وانسدح شوي على فراشي
وأول ماأنسدحت سمعت صوت الشغالة تضحك
قلت وجع وش يضحكك؟؟
قالت : انتي يجي من فووووق ويطيح على سرير<<اثاريها تضحك علي قمزتي على الفراش بنت الذينا
قلت هين اوريك بس خليني اقوم
وأنا اهدد واتوعد اثاريني نمت....
وماقمت من النوم الا الساعة 10بالليل

صليت وجلست افرفر راسي ماعندي شغل..

قلت مالي الا أمل اكلمها...
وادق عليها وترد علي اختها قالت من الفطور وهي نايمة..
وافكر ياربي وش اسوي وش اسوي؟؟
وتجيني الطنخة مرة ثانية<<بس ابشركم ماتضرر أحد..
واتصل على اخواني وزوجاتهم واعزمهم على الفطور بكرا
واقوم ازين الحلى واتفنن بالطبقات

واسوي فطيرة التفاح <<يم يم اموت فيها

وأنا جالسة الف الفطاير اتصلت امل قالت وينك هايدي تحراك بالمنتدى منزلة اليوميات..
قلت شلون؟؟ ماعندي خبر؟؟
قالت الا هي قالت لك بس انتي ناسية
قلت ايه اكيد قالت بس قسم صرت افوت هاليومين
المهم خلصت اللي بيدي وانقز للمنتدى



واول ماسجلت دخول لقيت الخاص يبرق الرسايل الواردة=2
وافتح الرسايل والقى وحدة من سهر يابعد قلبي قلبها تطمني على احوالها
والثانية من هايدي تصيح تقول وين انتي لاتبطين عن اليوميات
وقالت كم كلمة مافهمتهم بس الوعد بعدين اسألها وش معناهم..

وبس انتهت اليوميات
اتمنى تكون اعجبتكم
ونستقبل ملاحظاتكم على الرقم التالي:0987654321


[/align]

وتروحين تسلمين على اقاربك والضيوف اللي معزومين عندك للفطور في البيت ؟؟

لايكون هم اللي سنعوا فطورهم

اعجبني يومك احسه نشيط طالما ان اول قومتك على ذبايح

الله يوفقك يا قموره

هههههههههههههههههههه روعه يومياتك وأسلوبك في سردها يجنن بس حلوة يوم الشغاله تضحك عليك ههههههههههههههههههههههه
نوار تسلمين أستمتعت كثير ع اليوميات
دمتي في حفظ الرحمن

[align=center]


هههههههههههههه
يالله حي شادن
قسم الضيوف اللي عندي مو ضيوف أحسهم اهل بيت من قبل رمضان وهم عندي يبون يونسوني..
صرت اسحب بهم يمين وشمال
واحتمال بكرى اخليهم يسنعون الفطور وانام

مشكورة حبيبتي نورتي اليوميات يالغلا




[/align]

شباصة اجودية
الأحلى مرورك ياعسل
تسلمين حبيبتي

[align=right]



يا آهلين ،، وسهلين
بـ نور الدنيا ،،
منورة التوبيك الرمضاني ،،


مشكورة هايدي يارب عسى يستضيفونك بالجنة قولي آمين
واسفة على التأخير

اللهم آآآمـــين ،، لبى قلبك ع الدعوة الحلوووه << ما تقلدكم
مو مشكلة التآخير ،،
آهم شي نورتينا ،،


ما شاء الله يومك حلووو والله ،،
<< قريت الموضوع مرتين ،، عجبتني طريقة السرد

بس كأني عرفت ليش عيونك متورمة ،،
آما الحالة السنوية عجيبة ،،
عندك عزيمة في البيت ،، وتعزمي حالك في بيت ثاني
هههههههههههههه
مره ما تيجي ،،


يم يمي فطيرة التفاح ،،
عليكم بالعافية ،، مطرح مايسري يمري ،،
بس والله متفشلة ،،
والله العظيم جهزتها ،، من العشا ،، ونسيت



ههههههههههههه ،،
معقول مافهمتي الرسالة ،،
غريبة ،، انتي دايم تفكي رموزي وهي طايرة
في الصبحيه حبئه ئئولك ،،



مشكورة نونه على سرد يومك ،،
ربي يسعد آيامك ،،


[/align]

هههههههه

اهم شي ان الضيوف افطرو
ولاتعودين للمساير الضهر والوقت الضيق

تسلمين على اليوم الرائع

الله عليك نورالدنيا يومك ونااااااااااااسه

على قولت هايدي اسلوبك في السرد روووعه

الله يعطيك العافيه ويحلي جميع ايامك ...

حياكـ الله
والله انكِ سنعه يابنيه

وراعية واجب<<<<

نور الدنيا
أستمتعت بيومكـِ الحلو
وربي يسعد أيامكـِ

بصرااحــه يوميــك حلو ^^

وبخااصه انــك تصرين على اخوك يوديــك تسلمين على عمتك >> قبل الاذان واهوه تعبــان .. ^^


ومسكينه خرب عليك نومتك ..


واهم شي الضيوف انهم افطورا ^^


وكل الشكرا لك اختي على سرد يومك }}

وربي يوومك رووووووعه
استمتعت بقراءته
ربي يسعدك يالغلا

والشكر موصول لهيوده ع الاستضافه الجميله

اعجبتني الحاله السنويه هههههه

الله يسعد ايامك يالغاليه يومك ممتع ورائع استمتعت بقرائته الله لايغير عليكم

ولاتنسيني من فطيرة التفاح

الله يعطيك العافيه نوراتنا ماقصرتي والله

والشكر موصول لهيوده على استضافتها الجميله

دمتي بخير وهناء..

ماشاء الله عليكي يومك حلوو ونشيطه تبارك الرحمن
ست بيت والله
وتسلم يمينكـ على الحلى والفطاير
استمتعت بيومك
تقبل الله صيامك وقيامكـ،
وبلغك ليلة القدر ولاتنسي تدعي لنا بالفوز بالجنه < أهم شي