سمن الردى حذرى يخالط سمينك

بسم الله الرحمن الرحيم
الشاعر مشعل عسام التريباني الشمري
((سمن الردى حذرى يخالط سمينك))في 26\2\1436هـ

بعض البشــــر ودك تحطه بعينك(1)وتظفي عليه عــــن الـــهبايب هدبها

ســـــيفن مجرّد تحمله فــي يمينك(2)يقضي على الصعبه ويقطع عصبها

وبعض البشــــر كفّه ينجّس يدينك(3)اغســــــــــل يدينك كان كفه قضبها

حـــــاول يحـــول البعد بينه وبينك(4)انحـــش عـــن الجربا وتامن جربها

ناســــــــــن تبدل كل زينك بشينك(5)ومــــــــن الحقد والكيد عبت قربها

لاتبســــــــط ايدينك للـــي مايعينك(6)ونفسك على قرب الردي لاتغصبها

وللـــــواحـــد القهار عـفـّر جبــينك(7)اللـــي خلق نفســــك يخفف نصبها

واخــــتار مــــن خيرالاوادم قرينك(8)واحــــذر مــــــن الانذال لاتقتربها

واحـــذرتبيع بزود الامــــوال دينك(9)النار حـــــذرى لايحوشــــك لهبها

واحــــذركـثيرالهـرج يظهر دفينك(10)اكــــبح هوى نفســك وقلل غضبها

وسمن الردى حذرى يخالط سمينك(11)ونارك مــن الطولات زوّد حطبها

ولاتـترك الجـاهل يطلّــع خــــزينك(12)لاتبتلـــش فـــــي مهرته لو ركبها

والعوج لاترخــــي لها مســـمعينك(13)لوشــــــــفت خــيال الكحيله هذبها

انت الاســـــد والفعل يحمى عرينك(14)لوالثعالب جتك تمشـــــي ســـربها

لو حاولو بالمزرعة حاســــــــدينك(15)المـــزرعة حــامض عليهم عنبها

قصيده شااااااااااامخه
صح لساانك
ولا هاان شاانك مشعل
شكرا لقصيدتك ولك ولقلمك يارااائع

اخي مشعل
قصيده مليئه معنى وقصد جزل صح بوحك ودام
نزف قوافيك

الف صح ... لسانك ابو عسام ... قصيده تميزه من البيت ( 8) بالشعر الجزيل المملوء بالمعنى والشعر.. ننتظر القادم ...

شكرا للجميع على المروروالاطرى الله لايهينكم