قصيده جديده لي من وقف كتبتها

يامدعي للطيب عند القرومي ... قبلك دلال الطيب مبطي تقهويت ,,
الحر مايربا بعش الرخومي ... والذيب ماياخذ دحول الخلا بيت ,,
وان كنت من طيب الزحول محرومي ... تراني بفعلي وطيبي تعديت,,
يمدحني اللي شاف مضرب وسومي ... واللي حسدني في جحيم الحسد ميت,,
بالصيت والوقفات طفت النجومي ... وانت على قول المثل ويش سويت ,,
ماغير بين الناس بالكذب تومي ... وتدور الزله وبالشر زليت ,,
تنذخ بتاج الفوز وانت مهزومي ... مانومسن فعلك ولايوم فزيت,,,
دام الحسد في قصتك له رسومي... داخل على الله فارقن كان شذيت,,
تبي تحكم الناس وانت محكومي... حتى المره تحكمك في داخل البيت ,,
لا عاد تاقف في طريق الصرومي ... وتجيك ضرباتي على ماتمنيت ,,
في وقتها تخنع وتقضب كمومي ... وتردها بجيه اليا فيك لديت ,,
لو ترتدي باجر جديد الهدومي ... الطبع منت مغيره كيف سويت ,,
يانفس عن بعض الرجاجيل شومي ... لاتنقديني لو عليهم تغليت ,,
نفسي عزيزه عن صغار الخشومي ... لاحدرت للقاع عنها تعليت ,,
فوق النجوم المدلهمات احومي ... عذروبي اني حر جارح وهديت ,,
والقرم لو تصعب دروبه كتومي ... وانا على درب الصعايب تربيت ,,
ربعي رجاال المعرفه والعلومي ... مهما حصل عن دربهم ماتخليت؟
ياابيات شعري عن هل الزيف صومي ... لو هاضت هجوس ابن حاضر وغنيت!!
ماهم بكفولي ولاهم خصومي ..., لاصحت بعرير المسمى تعزويت ,,
واليا صنعت الطيب هذي سلومي ... كسبتها مبطي يامدور الصيت

جديد ... شعر { رافع بن حاضر الشمري {

صح لسانك ابن حاضر
ونعم بك وبربعك (شمر)

قول وفعل

سلمت ودمت صح لسانك رافع شمر
قواك الله
على القصيده الجزله

يسلم قافك والسانك
ماقصرت

كتبت فأبدعت صح لسانك
قصيده بمنتهى الروعه والجمال

الف شكر لكم اخواني جميعا وصح بدنكم شرفتوني والله بمروركم الرائع والجميل لاخلا ولا عدم يارب

ماقصرت صح فكرك ونبضك اخي رافع الشمري

الله الله الله

لله درك ياذيب وصح لسانك الف لا وش الف الا مليار ومايسدون

بس عندي ملاحضه على الفكره اللي في هاشطر ((حتى المره تحكمك في داخل البيت))

اشطر هذا يابعد روحي يدل على ان خصمك في القصيده كريم

والدليل قول الرسول صلى الله عليه وسلم

((((((لايغلبهن الا لئيم ولا يغلبن الا كريم))))))

الشمري
ونعم صح الف لسانك

صح لسانك ملايين ولايكفون
وتسلم يمينك

صح لسآنك شآعرنا
رافع الشمري
ابيآت جزله من راس جزل
سلمت يمينك ولآهنت ,,

الف هلا وغلا بكم جميعا والله شرفتو وزادني شرف وسمو مروركم الغالي على قلبي وزبدة القصيدة هو تفاعل الاجاويد والذويقه امثالكم لا خلا ولا عدم يارب
ملاحظه الشطر الاخير اخر شطر بالقصيد يوجد خطاء نسيته لااعرف كيف ولكن نسيته وهو كسبتها مبطي يامدور الصيت ؟ الصحيح هو كسبتها من قبل يامدور الصيت.
واكرر شكري لكم اخواني واخواتي