عقب نايف

[frame="9 70"]
[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
الله يغفر ذنب ابو سعود ويبيح=على الرجال النادره واحسايف
ليث تصاريحه تهز التصاريح=اليا اصدره كنه دوي القذايف
مودع كلاب الفرس خرس مباطيح=اهل المعام مسوقين الخرايف
بانت عقب مامات خضر التماسيح=ولايفٍ فرس العجم له ولايف
فرِح النمر والشعب يبكيه ويصيح= لو مهو صاقرهم صقر ماتكايف
وشلون راكى عين هداج والسيح=خبرة تنك ومخرزات الخصايف
غيده تهزع بالبساتين وتميح=لو سولف العوجاء علومه طرايف
كبر دماغ ملقح الطلع تلقيح=اللي عيونه وسمتها السعايف
من قرب الافعى جزته المكاليح=عوجٍ من السم الذحاحي رعايف
وشلون نامن في طوال المسابيح=على النوايا السود كلٍ مظايف
نايف منه تاقف على رجل وتطيح=كبر الركب ماينقلن الهدايف
اسمه يقبح مارق الدين تقبيح= اللي على السنه تعض الشفايف
يقطع وياصل دون صجه وتفضيح=يقدر ضحى ومن الدهاء تقل حايف
ماحصلت منه الصحافه مرابيح=يدب ولا تنشر خبره الصحايف
ماوصلته اقصاه طوقن نوابيح=جدع الاذان اللي تعاوى غلايف
يسهم اسهام مسدحات المصاليح=مسلوعاتٍ تقل حنكة حلايف
اللي يطوح مجرم الدمغ تطويح=بالشرع والمخطي دواه الرهايف
عقبه تبي بعض السياسات تنقيح= الحكم مهو حوك حمر القطايف
المملكه دوله وقوه وتسليح= محدن لديه شكوك والكل شايف
على الحطب فرقك سما يااخضر الشيح= روضك ابد ماله شبيه الوصايف
وين انت ياضل الجبل لحتما الريح= مامن مقيلٍ في رجوم الحتايف
ماتذري الحمْر زوال الصحاصيح= ياحيف ياظل الطويل المهايف
في فيته عكف المخالب مفاجيح= شيخان قومٍ في صدور المظايف
نايف حجا سنجار ياشوب الريح=عن لاهب الجوزاء ذعاذيع طايف
الله خلق لقفول بقعاء مفاتيح=مرحوم يامفتاح الامجاد نايف
اللي دماغه ينسف الرعب ويزيح= منه العدو لهو وراء الصين خايف
بحرٍعليه تسير سفن الملاليح=شال الحمل عنها وسارت خفايف
له غبةٍ تخشاه كل السوابيح= وفي جوفه اللولو جميل الوصايف
نهر العطى مروي الكبود المشافيح= اللي لحقها من ضماها كلايف
لوهو على الكرسي بعيد المطابيح=عين الدها تبصر شعوب وطوايف
ياقمة القمه ودونه لواليح=يامودع الارهاب مفلس وعايف
يانهر دجله يافرات الفلاليح=مروي النخيل اللي عذوقه تهايف
الجدي تقدابه هل الفطر الفيح= وجدي السياسه للسياسات نايف
قلته ولا ارجي من وراها المرابيح=والصدق ينفي كل مفهوم زايف
نطلب له الغفران ونحل ونبيح=وعسى العوض في مصقره والخلايف



[/poem]
[/frame]

[/CENTER]

رحم الله سيدي صاحب السمو الملكي الأمير / نايف بن عبد العزيز رحمة واسعه ..وأسكنه فسيح الجنان ..

الله يجعله في قبره الآن يرى منزلته من الجنه ..

رجل الهيئة الأول نايف بن عبد العزيزز ..


أخي متعب الطواله ..

قصيدتك رائعه من شاعر ٍ أروع ..

تقبل مروري ,, ولك تحياتي وتقديري ..

والسلام عليكم روحمة الله وبركاته ..

رحم الله الأمير نايف واسكنه فسيح الجنآن
قصيده وآفيه جزله
من شاعر جزل
سلمت يمينك وفكرك الرآقي
وصح كلك
ولآهنت ,,

:
:


رحمه الله واسكنه فسيح جناته
صح لسانك
يعطيك العافيه اخي


:
:

الله يرحمه
وصح لسانك يابعدي
ويسعد قليبكـ

رحمة الله عليه
وصح لسانك يالسنافي
لا فض فوكـ