لـو كـل واحـد يجـي ودّه علـى ودّه ( ماطال صبر العقيم لشـوف مولـوده !!

الصدر ممحل غرام .. ومرتوي صـدّه
والعين غصن السهر فيها ثنـى عـوده



لولاي رجل ٍ محد وايـق علـى سـدّه
فضحني الشوق في باسـه ومجهـوده !!



أدلّـه البـال بيـن الضيـق والـشـدّه
الوقـت دوّار .. والأعمـار مـحـدوده



لـو كـل واحـد يجـي ودّه علـى ودّه
ماطال صبر العقيم لشـوف مولـوده !!



راعي القناعه ليـا مـن الزمـن حـدّه
يرضى بحظ ٍ ذخـر جـوده وماجـوده



يابيض الأحـلام لاتمسيـن مسـودّه !!
بشايرك في نواصـي الخيـر معقـوده



حي الله اللي عليـه القلـب مـن مـدّه
كنّـه سحـاب ٍ يمـد يديـه للـسـوده



أبطى وحـس الضلـوع يقـول لابـدّه
رجله على الدرب !! وعيونه على العوده



إيّ بالله أقبل جفـول الريـم مـن قـدّه
يشيـل روض الجمـال بكامـل وروده



كنّه بيجزم ولْـه !! وأنـا علـى حـدّه
وأغضيت شوفي يمين شوي .. ياكوده ..



.. إليا تمثنى قفـص صـدري ولا ردّه
ما ياخذ القلب في رمحين من سـوده !!



اللي قلـوب أكثـر العشّـاق فـي يـدّه
تسعى لغاياتـه .. وتطّمـح لمقصـوده



لو كان ماهيب ورث ابـوه عـن جـدّه
لكنّهـا كسـب حجانـه وعنـقـوده !!



سلمتـه الـروح وأغليتـه علـى البـدّه
يرعا مفالي حشاي .. ويـارد عـدوده



من كثر مـا أتـوق لـه وأغليـه وأودّه
تنقص مقامات بعض النـاس مـن زوده



عليـه الأشـواق .. محتـرّه ومبـردّه
ويلي على نفحة النسنـاس مـن نـوده



ما والله أقسى على العاشق مـن الصـدّه
الا أن كبـده بحـد المـوس مـقـدوده



لكنّـه العشـق لامـن زاد عـن حـدّه
ياكثـر ماياخـذ !! وياقـل مــردوده



أن حطّك براسه .. ونـواك مـن جـدّه
مايحترم نفسـه !! ولايمسـك حـدوده



فيه التناقض وجمع الضد مـع ضـدّه !!
حاجات معدومه .. وحاجـات موجـوده



الله عطا (السوده) اللي ماعطـا (جـدّه)
والله عطا (جدّه) اللي ماعطا (السـوده )


رااااااقت لي قلت انقلها لكم
منقوووول

صح السان شاعرها وسلمت يمينك ع النقل
قصيدة جزلہ عز الله انها جات ع الجرح

ما والله أقسى على العاشق مـن الصـدّه
الا أن كبـده بحـد المـوس مـقـدوده



لكنّـه العشـق لامـن زاد عـن حـدّه
ياكثـر ماياخـذ !! وياقـل مــردوده



أن حطّك براسه .. ونـواك مـن جـدّه
مايحترم نفسـه !! ولايمسـك حـدود


مميزه كلماتها عذذبه يسلم اختيارك الرائع يعطيك العافيه

نواره نورتى وربي
بحظورك
تقديري

نص اكثر من رائع
تعودنا منك الجميل دائماً شاعرنا الجميل
دمت كما تحب وأكثر

سلمت شاعرنا على هذا النقل الرااائع ...
دام لنا تميزك الراقي ..
تحياتي ...

كنت أقرأها ولم يخطر ببالي أنها لغيرك
حتى وصلت إلى أخرها وجدتها منقوله
ولكن مثل ماتكتب الشعر تنتقي أجمله
رائعة بحق سلمت يمينك على نقلها
ودمت بخير

همس الجنوب
ربي يسلمك ويسعدك
منوره
تقديري

آنيق يَ عقآإب
آبيآت في منتهى آلروعه
تسسلم و يسلم لنآإ ذوقك

جنة من الجوري لـ إحسآإسك يَ فآإتن

يسلم ذوووقك على هالابيات الروعه
انتقاء ولا احلى يعطيك العافيه
ربي يسعدك والله ..

رآآآآئعه
وانتقآء بآذخ الجمآل
سلمت ذآئقتك الوآرفه
وطبت ,,,

ماتجيب الا الطيب
عمدتنا لاخلا ولا عدم هالحظور وانقل
الاكثر من رائع
تقديري لك

صح لسان الشاعر
الله يعافيك على النقل

عطر الورد
زاد المتصفح بها بحظورك
تقديري

رواء الروح
الجمال يكون حيث ما يكون لحظورك مكان فيه
نورتى
تقديري