الراتب مايكفي الحاجة

أعتذر عن إنقطاعي المفاجئ وألتمس العذر منكم ..




( الراتب ما يكفي الحاجة ) للاستماع :-


http://cdn.top4top.net/d_cb0410b0691.mp3


سلامي على دولة هل الجود وانتاجه
تغنّت هواجيسي طريبه وانا غنّيت
بعد ما التحايا نورها بالسقف وهّاجه
تعالوا نناقش به قضيّه لها خطيت
على مركب العيشه تلاطم بنا امواجه
تركّد على ارواحن تعيّش بعلّ وليت
مساكين ما ذاقوا من الحلو ثجّاجه
وهي تسكن بدارن بها جنّتن لوحيت
فراشه رصيفن والعنا صار منهاجه
دموعه ملت محجر عيونه ولا حنّيت
مواطن على وش هو مواطن ؟ ولا حاجه
والاحلام سودا معتمه حظها شتّيت
مطاليب شعبن ما طلب سوق وابراجه
مطاليبها يا سيدي ترتكز لا جيت
نبي سوقنا يثبت على صوت حراجه
بحيث الفقير اللي جمع دمعه وصدّيت
يحصّل لجوعه ما يكفيه لاخراجه
ونبي نهجر الشقه ونسكن براحة بيت
قصور المعزه للمشاليح وافواجه
قنوعن بما ربي قسم لي ولا ضجّيت
ليا منّها طاحت بيدّيني ابهاجه
حمدت الله اللي مرجع الحيّ له والميت
عيون الرجاجيل اتّقادح وهدّاجه
على ما لقينا ولّعت نارها وكبريت
عن الناس متغيّب والاحوال مرتاجه
قضيت العمر مديون واموالنا حتّيت
ليا شفت ضيفي اسبق الباب مزلاجه
صلاتي بوسط البيت وبحرمتي صلّيت
سواليف بسمه والمخاليق هراجه
شهاداتنا برفوفنا احزنتها وبكيت
ألا وين ابلقى فاهم القول وعلاجه
حوالين ربعي شعبها حطوا وحطيت
كسير العظم يجبر ولو طال معراجه
واذا ما جبر نكسر عصب فكره السحيت
على اموالنا سلم ولا داعي احراجه
منافع بلدنا ومخزني يصرف بموكيت
ديار الخليج اقرب مثل تطلق احجاجه
حكوماتها لشعب وبفرحته سجيت
على ايش نستغرب والاقدام دواجه
تدور الليال بثورتن صاحت وناديت
حصيل الشهر بالعون ما يكفي الحاجه
وانا مدمعي بيح على بسمتي وغطّيت





وسلامتكم أخوكم / طلال حمود الاسلمي

صح السانك يارائع تقييمي وتحياتي لك

صح لسانك ولاهنت

الله يغني عبادو يارب
،
يسلم منطوقك شاعرنا على دي الابيات
ربي يسعدك و مايحرمنا جديدك المميز خيو ،

::رآآآئع وما أجمل أن يكون للقصيد معنى وغايه نبيله أبدعت وأجزلت

آهلاً بعودتك شآعرنآ طلاآل
وكل عآم وأنت بخير
وصح لسآآنك ع الأبيآت الجزله معنى ومعآني
سلمت يمنآك وسلم فكرك
ولآهنت ,,,

صح لسانك ولا هنت

على الابيات الرائعة

يسلم راسك ومنطوقك على هالابيات
والتي تحاكي مطالب كل سعودي
ينتمي لهذا الوطن ..
كتبت فعبرت فابدعت لله درك ..
واصل..

صح بدنكم جميعا وكلن باسمه

وكل سنه وانتي طيبه اختي على النيه

وكل سنه وانتم طيبين جميعا

القتاعة كنز لايفناء

الراتب فيه الخيروالبركة

صح لسانك وعلا شانك

لك ودي

الجميل طلال الاسلمي

صح لسانك وطاب فالك كفيت ووفيت لاهفيت

سلمت ولاهنت على شعورك الجميل الرائع

تقبل كل التحايا