هــيــل القصـــيد .!

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,9,black" type=2 line=0 align=center use=ex num="0,black""]
ياهبايب نجد ياهيل القصيد وزعفرانه=دَلِّتَك فاحت على جمر الحسايف والهقاوي
كل ماشمّيت أنا ريح النفل مع قحويانه=قلت يانجد الهبايب ضمَّها صدرٍ خلاوي
منتظر بس انتظاري مَلْ من كثر هذيانه=والفرج قالوا يجي بعد المصايب والبلاوي
المكان اللي تركته صاح من همه مكانه=مابقى بالوقت غير المعضله والشوق ناوي
الرياح العآتيه شقَّت خفوقي من حنانه=والحنان اللي لقاني راح بعيون الهواوي
ارتويت الحزن من كف البخيل ومن زمانه=مافزع لي غير دمعي يامحطات العزاوي
رحت خيَّال العبيَّاء وجيت ما أملك عنانه=ياسرابي انتبه ماعاد بالجوزاء نخاوي
ذقت نكبات السنين ولا تعلَّمت اللعانه=وشفت طعنات الصديق ولا توسلت الرجاوي
ولاخذيت من الصبر إلا مواعيد ومهانه=ولانعيت من المهانه غير هدَّات النداوي
آآآآه من ذيك الفياض اللي خذا حزني ضمانه=طار عصفوره يغرّد فيك ياالقلب الشقاوي
ابتسم لي ياعذابي لو بداياتك خيانه=بالنهايه ينتهي فينا الأمل والصمت خاوي
يامشاعر رحلتي تكفين حمّلتك أمانه=إرحلي في كل وادي دامني شاعر وغاوي
إسهري فيني شجاعه وارقدي فيني جبانه=واعتليني منكبين وفوقها بشتٍ حساوي
ارسميني لوحةٍ ماله على عذري ميانه=ماأبي فيها غموض الظل والقاع متساوي
ياهبايب نجد ياخيل السباق وخيزرانه=فارسك طال التأمل في معاناة الجلاوي[/poem]

[align=center][tabletext="width:70%;background-color:black;"][cell="filter:;"][align=center]


صح لسانك
شاعرنا الراقي
اسطورة الشعر الجميل والذوق
قلما مميز وحبره نادره
ينثر اعذب الكلمات ويرسم اجمل المعاني والكلمات
يسطر الاحرف التي تلامس القلب والعقل
قلم معبر عن رقي وفكر صاحبه
اسمح لي ان ابدئ اعجابي بما تخطه انا ملك
من قصيد جزل
و كلمات معبره وجميله
ربي لايحرمنآ من نزق
قلمكـ المميز والرآئع والمتآلق
دمت ودام ابداعك
تح ـيـآآآتــي

[/align][/cell][/tabletext][/align]

صح لسانك اخوي

ذوق الحنان انتي على اسمك ذوق الله لايهينك

جنوبي صح بدنك

لله درك ماأبدعك يابيرق شــــــمر وصــح لسآنك مــــــــدد
تقبل إعجآبـــي وأجمل تحيآتـــي لاعــــــــدمنا وجووودك.