محــدن نـشـد عـن فـهـد مجــلاد وشـنـوحـه

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
الجيب روحه على المشوار مشفوحه=لاصار فـوقـه شجـاعـن مـثـل شولاحي
يـتـبـع طريقن عفاشن عازلن روحـه=والطـعـس ماجـاء عـلـى باله ولاراحي
سبعه خليجي جـديـد الـرقـم واللوحه=تصمـيم رجـلن فـهـيـمـن حاز الامـداحي
ماداج حـافـي بـنـار القـيـظ بسروحه=ونـار الـقـوايـل بـكـبــده تـقـل قـداحي
واليارجـع حـرمـتـه عـوبا ومكلوحه=صاحـت بوجـهـه وقـالت يامـلا الـماحي
من ديرتن صنـعـتـه بالطيب ممدوحه=ومن قبل يصدر خذى بالسير مـشـواحي
وقال المـهـندس حـقوق البيع ممنوحه=فوق البواخر يـشـم اصنـاف الارياحي
والشارقه تـنـتـظـر والسوق مفتوحه=وشاله شريـطـي يـدور فـيـه الارباحي
وجاه الذي يشتري والروح مفضوحه=في حب جيبن بـثـالـث غصب يـنزاحي
الجيب غـايـة هـواه وراس مصلوحه=يشــدا لـذيـبـن رقـى فـي راس لولاحي
هابت فلوسه عفون الناس وشحـوحه=ويشـريه قـلـبـن مـع الخـلـيـان ينساحي
لاقيل هـذي بـروقـن ثـايـرن ضوحه=او جـاه رجـلـن ويـذكر مـاطـرن طـاحي
يسري وربـعـه تهـيل القلب بمزوحه=صوب الـمسايل مـع اول فـج الاصباحي
يشفق لشوف الخـلا والـسـيل بسفوحه=من قبل يظهر سـنـى فجـره ويـنـبـاحي
حـس المكينه مـغـانـج بـنـت مـملوحه=والنور يكـشـف طـريقه تـقـل مصباحي
ماقيل كـنـداسـتـه بالدرب مـطـروحه=او نـام تحـتـه مـعـه حـبـه ومـفــتـاحـي
شكواه ردمـيـتـن ماهي بـمــمـسـوحه=او حـط تحـت الكـفـر صلبات الالواحي
نفسه لـمـرقـى طـعوس الرمل مفتوحه=يقـطـع نـفـود الـدهـانـي تـقـل سباحي
حـس الـدداسن بـجـنـبـه تقل مـبحـوحه=واللي يـسـوقـه تـعـيـبـن تـقـل فلاحي
والجـيـب ذيـبـن هـريـفن شاف ذابوحه=جـايـع وفـي سـاقـتـه عـشـرين نباحي
او مـثـل طـيـرن جليلن صار له مـوحه=اشـقـر صـرومـن لقلب الخرب ذباحي
يـنـزل بظـلـعـن يـنـام الـغيم بسـطوحه=والا الهـلايـم مـنـامـه دور الاشـبـاحي
جـمـر الغضى في عيون الطير مقدوحه=طيبه شـهـيرن بلا وصفات وايضاحي
فـيـه الـشـنب رمز عز الجيب وصروحه=ومن يجحد الجيب وفعوله مهو صاحي
لانـيـش فـيـه الـدبـل كـنـك بـراجـوحـه=عاقل ولايـفـضـح الجـيـران بصياحي
وتكـيـيـف يـطـرد شـمـوسـن زاد لافوحه=عـاقـت طـيـورن جـنـاحه كان لفاحي
وانـتـه تـقـل قـاعـدن مـبـسوط في دوحه=شـهـمـن شجـاعن على الشدات نطاحي
مايصلح الجـيـب بـيـن اسـواق مـنـفـوحه=خـلـه يـدوج الـمـفـالـي تـقـل مـسـاحي
راعـيـه يـضـمـن رفـاع النفس ونجـوحه=كـسـبـان مـلـيـون جابه جورج قرداحي
ودفـاتـر الـمـشـتـرى بـالـدرج مـفـسوحه=يقـطـع دروبه عـزيـزن وانت مرتاحي
والله بلا الجـيـب درب الـزيـن مااروحه=ياكـود نـركـب على زيـنـات الاجـناحي
للي رمـى الـروح مـن فـرقـاه مـبــذوحـه=والجـفـن مـايـهـتـنـي فـي نـوم ومـراحي
بالجـوف نـار الـســعـاير ثـايـرن فـوحـه=من رمشه اللي رمى شيـنـات الارمـاحي
عـامـيـن روحـي بـسـيـف الهجر مجروحه=لاداج بـالـبــال صـدرن تـقـل تـفـاحي
والله فـلا هـي بـهـجـر الـروح مـسـموحه=والـكـبـد تـشـكي جـروحـن تقل زنـاحي
وقـبـلـي رجالن بـرمـش الـريـم الـعـشـق مسدوحه=مهدي والاطرق وابن مجلاد والضاحي
محـدن نـشـد عـن فـهـد مجـلاد وشـنـوحه=فـجـره يجـاوب حـمــام الــورق لانـاحي
وهــذا نـديـم القـوافـي واضـحـن بـوحـه=قـافـه يـشـادي مـحـمــد وابـن قـرقـاحـي
ودام الجـمـاعـه شـكـت مـن قـل مـربوحه=مجبور نـصـبـر على قـصاف الارواحي
وناخـذ على الجـيـب مـن ضيـقـاتنا شوحه=دام الـمـحـبـه بـلا قـاضـي ومـنـصاحـي[/poem]

[align=center]صح لسانك وبيض الله وجهك وماقصرت

قصيدة رائعه

انتظر جديدك[/align]

اقتباس: المشاركة الأصلية كتبت بواسطة دخـــون    [align=center]صح لسانك وبيض الله وجهك وماقصرت قصيدة رائعه انتظر جديدك[/align]

[align=center]
هلا وغلا عزيزتي ومشكوره لمرورك النبيل والغالي

تحياتي العطره لك00[/align]

اله لايهينك
فواز
قصيده جزله من جزل
ياعساك سالم وغانم

اقتباس: المشاركة الأصلية كتبت بواسطة ولد القصيد    اله لايهينك فواز قصيده جزله من جزل ياعساك سالم وغانم

[align=center] اخوي ولد القصيد هلا وغلا يالعزوه لاهنت

تحياتي العطره00[/align]

الغالى
ودى امدح شعرك بس
مصيبتى شهادتى بك مجروحه
وانا المشفوح لكل جديد لك
والله وصح لسانك
عدد ماطش السحاب
على سبك وحبك هذه الرائعه
والف الف صح لسانك
واعتلا شانك
ولاهنت

خالص ودى واحترامي
اخوك
عقاب الشمري

اقتباس: المشاركة الأصلية كتبت بواسطة عقاب النهار    الغالى ودى امدح شعرك بس مصيبتى شهادتى بك مجروحه وانا المشفوح لكل جديد لك والله وصح لسانك عدد ماطش السحاب على سبك وحبك هذه الرائعه والف الف صح لسانك واعتلا شانك ولاهنت خالص ودى واحترامي اخوك عقاب الشمري

[align=center] مشرفنا الغالي عقاب النهار000


روعة تعليقك تفوق روعة الحروف التي كتبتها

فكم سعدت لذلك واثلجت صدري كثيرا يالعزوه لاهنت00

ابن غسلان00[/align]

وقبلي رجالن برمش الريم العشق مسدوحه
مهدي والاطرق وابن مجلاد والضاحي


صح لسانك وعلا شانك

ودام عزك يابوفهد ,,

لاهنت يالعزوه

اقتباس: المشاركة الأصلية كتبت بواسطة دكتور صنهات    وقبلي رجالن برمش الريم العشق مسدوحه مهدي والاطرق وابن مجلاد والضاحي صح لسانك وعلا شانك ودام عزك يابوفهد ,, لاهنت يالعزوه

[align=center] الاخ الدكتور صنهات000


سعدت بمرورك وتشرفت بتعليقك الغالي والنبيل0


لكم مني كل الود والتقدير والتحيه العطره الصادقه0


الراوي[/align]

فعلا قصيدةحلقت

فيني للمدى البعيد

وفجرت فيني كل

ينابيع القصيد

وجعلتني اطيييييير

وامتزج بالوان الطيف

ويغرد قلبي

كالعصافير

وجعلت حروفي

تنثني وتنحني

وتعلن استسلامها

امام تلك الاحاسيس

صح لسانك لا هنت

[align=center]الرااااوي أمـــيـــر الشــعراء / فواااز الغــــســــــلان

ابو فـــــــهــــــــــــــد


معزوفـــهـ أميــريهـ , , فــاخرهـ , , نــادرهـ

لايمكن عزفها الا بكمـــان أبياتك . . واحساسك النـــاي


دائما يخذلني التعبير عند سماع روائعك . . لأني عندما أقرأها أسمعك

صح لسانك ولاهنت يالعزوه


مـــــــــــــــــــــودتي[/align]

[align=center]ابوفهد

صح السانك ملايين ولايكفون

وقبلي رجالن برمش الريم العشق مسدوحه
مهدي والاطرق وابن مجلاد والضاحي
محدن نشد عن فهد مجلاد وشنوحه
فجره يجاوب حمام الورق لاناحي
وهذا نديم القوافي واضحن بوحه
قافه يشادي محمد وابن قرقاحي

لله درك ولايضرك

ابدااااااااااااااااع ليس بغريب عليك

الف شكر على هذه الدره

تحياتي العطره[/align]

[align=center]صح لسانك فواز

على هذي القصيده الرائعه


ننطر يديدك




تقبل مروري



عاشق[/align]

[align=center]صح لسانك اخي فواز وشهادتي فيك مجروحة
ولكن من حبي لشخصك وتقديري لك أحب
أبين اعجابي بقصيدتك في أبيات متواضعة للفاية
فتقبلها ولك الشكر[/align]
[poem= font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
اخي فواز لك بصمة فريدة=تخلي من يراها يحترمها
أخي فواز ما أجمل قصيدة=عيون الشعر بافكاره رسمها
ترا الغسلان يسعدني جديده=جزال المفردات أرسى علمها
يصوغ الشعر في جملة مفيدة=ومن يقرأ عباراته فهمها
عسا فواز في عيشة سعيدة=حياتها جعلها تبطي نعمها [/poem]
[align=center]
تقبل مروري[/align]