۩۝۩ 19/9.. مع الحكواتي ..} جبلاوي { ۩۝۩

}{ 19/9 }{

نرى في مساء اليوم نسيم عليل ..

حكواتي الليلة

*۩* جبلاوي *۩*

فـل يتفضل في صدر المقهى .. للجلوس على كرسي الحكواتي ..

.. بتوفيق له ..

هلا بعزوتنا
هـــــــايدي
يسلم لي قلبك لي رجعه
بعطر صفحتك البهيه

السلام عليكم ورحمة الله وبركاته
بسم الله الرحمن الرحيم
هذي قديمه الحكايه
وبتكلم بلهجه حايليه

ماتقولون ابوي شرا لي طيور حمام

اجي وحط لهن عشه بالسطح
وبدأ كل عقب عصر اطلع لمهن
اقعد اصوفر لهن وحط لهن ماء وعيش
وكل مارقيت لمهن لقيت بنت جيراننا تغسل وتنشر اثياب اخوته

ماغير تغسل وتنشر

انا طبعا على نياتي

المهم جتنا عمتي اللي بالرياض ومعه اولده الدحمي

قلت له قوه اوريك حمامي

ويوم رحنا وقعدت اعلمه وش عندي من الحمام

هذا قطيفي وهذا فرنسي وهذا زاجل وهذا نجدي

ويوم التفت عليه واثر الأخ يقز بنت الجيران

قلت حرام عليك يالدحمي هاذي اهله امهبلين به

كل مارقيت لم حمامي لقيته تنشر اثياب اهله

قال طيب ماعمرك قلت له شي

قلت وشلون اقول له شي

قال ماعمرك غمزت له او عطيته بيجرك

قلت استح على وجهك هي بلشه بشغله

قال اقول الله يرحم حالك

البنات لعبتي

وهاذي تبيك

بس انت دلخ وعلى نياتك

يالله امش بسرعه

قلت وينتبي

قال هالحين اعلمك

رحنا تحت ننزل لم البيت

قال ماعندك صحيفه

قلت الا

صحيفه معطين اياه استاد العلوم يقول ارسم الجهاز الهظمي
قال بلا جهاز هظمي بلا هم

عطنياه

قلت اخاف استاد العلوم يدبغن هايدي تعرفين معناها يدبغن ؟ يضربني يعني

قال ماعليك اشريلك غيره
والله اعطيه الصحيفه
ويجي ويشقه نصفين
وياخذ المائيه ويكتب رقم بيجري
هاك السنه توه طالعه البياجر عندنا
المهم يجي ويمسك الصحيفه ويلزقه بالدريشه

قلت طيب وبعدين

قال ياثور هالحين تلقط بنت جيرانكم البيجر وتدق عليك

بس اول مايدق بيجرك انطلتز للتلفون ودق عليه

المهم وبعد ساعه يدق بيجري

واقوم منخرش على التلفون

والله ادق على الرقم

قلت انتم داقين بيجر

قال ايه بكم مسيوم البيت

قلت وشو بيته

قال هالبيت مهب للبيع

قلت لا من قال لك

قال اجل وشوله محطين رقم البيجر

قلت لا هذا رقم البنك العقاري يالله ضف وجهك

يوم صار بعد اشوي يدق البيجر ثانيه

والله واقحص لم التلفون

هاه انتم داقين بيجر

قال ايه بكم حادن هالبيجر

قلت اومن قال لك اني ابي ابيع البيجر

قال اماك هذاك طاقه بجداركم

المهم زهقت وبغيت اشق الصحيفه

قال ولد عمتي اصبر اشوي

الخير بالطريتز

صلينا العصر

قال ابوي لبو جيراننا تفضل القهوه زاهبه

عاد ابو جيراننا والم مايبي شي

لو بس تناظره تسان قال يالله افتح الباب

المهم ادخلو وجبت القهوه

عاد ابو جيراننا الدله ماتاكل معه عيش
ههههههههههه
اشوي وهو تافه يعني شاربها

قال ابوي قم خل امك تزل على الدله

انا قمت ومن زين الحظ نسيت البيجر بالارض

المهم دق بيجري

عاد ابو جيراننا به لقافه مهب بالعالم كله

اخذ البيجر واثر الرقم رقم بيته

قال لبوي يابو مخاوي رقمي رن على بيجر الولد

لايصير اعيالي بهم شي ويدورونن

قال ابوي اتصل شف

المهم اتصل

اثره بنته راعية الثياب

هي على طول ماتسذبت خبر

اول مادق تلفونهم ارفعت السماعه

وعلى طول امسكت السكه

آه ياحبيبي

يابعد تسبدي

اموت بك يامخاوي

لي اسنين اتمناك

بس انت ماعطيتن وجه

تسان مبطي عطيتن بيجرك ادق عليك

يابعد كل حمام الحاره

اامممممممممممممممممممطخ

ابو البنت ارتبش

وبعد اشوي قال حصه وجعن يوجعتس

هي اسمعت صوت ابوه ودردب بالسماعه

وعلى طول هو علم ابوي

يوم جيت ومعي الدله قال ابوي حط الدله وتزرب اعلمك

يوم تزربت ويصطرن ذيتس الصطره يوم تزادحت اعيوني

قال وش انت امسوي يهالخبيث

وقبل مايشيل الدله يبي يرقعن به والله وهج ولا آقف الا عند خوالي

وشهرين اهلي مايدرون عني

اشوا يجي خالي قال مايصير يالله قوه لم اهلك

ونا ابي اتوسط لك عند ابوك اقول انه يبي يتوب ولا يعود له

والحمدلله انفعت الواسطه

وكله بسبة الدحمي الداشر
وسلامتك يالعزوه

جبلاوي

اقتباس المشاركة الأصلية كتبت بواسطة جبلاوي آه ياحبيبي يابعد تسبدي اموت بك يامخاوي لي اسنين اتمناك بس انت ماعطيتن وجه تسان مبطي عطيتن بيجرك ادق عليك يابعد كل حمام الحاره اامممممممممممممممممممطخ جبلاوي

ههههااااااااااي وش صار على البنت نفس اعرف من اولها امممممطخ هههههههههههه
يا المقرود مانسيت بيجرك الا يوم ارسلت لك

يا الله تعيش وتاكل غيرها اوما شهرين والله مده طويله الحمدلله انك رجعت سالمن للبيت


... جبلاوي ... الله يونسك با الخير والعافيه

جـــــــــــبــــــــــلاااااااااااااااااااااااااو ووووووووي
<< تصيح بأعلى صوووووت ..

الله يسامحك ..
<< كنت تراعي مشاعرها .. ما تعرف حايلي ..
الله يعطيك العافية ..
بس شكلها قصة ظريفة ..
عشان أنوار الشمال تضحك .. ههه
<< زكيه .

المهم .. لي رجعة ..
بطلب إتصال بصديق ..

طاب يومكم

اقتباس يوم جيت ومعي الدله قال ابوي حط الدله وتزرب اعلمك يوم تزربت ويصطرن ذيتس الصطره يوم تزادحت اعيوني قال وش انت امسوي يهالخبيث وقبل مايشيل الدله يبي يرقعن به والله وهج ولا آقف الا عند خوالي وشهرين اهلي مايدرون عني اشوا يجي خالي قال مايصير يالله قوه لم اهلك ونا ابي اتوسط لك عند ابوك اقول انه يبي يتوب ولا يعود له والحمدلله انفعت الواسطه

الحمدلله علي السلامه

ربك ستر



الله يعطيك العافيه

ماشاء الله هالغسيل حرمه سنعه

تلقاها تدور اي شي وسخ علشان تغسله او شي نظيف تروح توسخه كله علشان تشوفك

هههههههههههههههههههههههههههههههه
هههههههههههههههههه
ههههههههه
جبلاوي والله وطلعت منت هين
مسكينه هالبنت متولعه فيك ههههههههه الله يخلف عليها ما تولعت الا بواحد عنده حمام ولا هو يمها
ماعليه تعيش وتاكل غيرها
بس ودي اعرف شنو صار للبنت اكيد دبغها ابوها
تسلم اخوي امتعتنا الليله بحكايتك الحلوه ربي يحلي ايامك دوم

هههههههههههههههههههههههههاي هذي نهايه المغازل لووووووووووول

صدق ان الدحمي من الرياض<<حركاتهم لوووووووووول<<تراي من الرياض يعني بكيفي اسبنا خخخخخخخخخخخ

بس عاد تصدق وناسه انك متكلم حايلي عرفت كلمه جديدهـ الا وهي قوه= وفهمت انها يعني روح :dعاد لاتصير غير هالمعنى فشله<<بروووووووووح افهم هايدي:d

جبلاوي تسلم عالقووصه اللي ضحكتن كثير كثيرات<<ماتقلد انوار لول

جبلاوي
الله يسلمك ع القصة صراحة الله يعينك وأنت ماكلمتها عطاك أبوك كف قعدت شهرين عند خوالك وشلون لو أنك مكلمها
والله ماتشوف الحياة كان أبوك دافنك في أرضك
تسلم
دمت في حفظ الرحمن

ههههههههههههههههههههههههههه
اما صحيفه مدرسه
صراحه قويه
اقول جبلاوي
انا بجيك البيت اذا فيه صحيفه ثانيه
وملابس بالسطوح
هههههههههه
شكريايت لك مبدعنا
وشكرياتي لك هايدي المبدعه دائمااااااا

مسوي على نياتك .. وعنيك ناطه عند البنوته ..
وعارف شغلها ..

اقتباس يوم تزربت ويصطرن ذيتس الصطره يوم تزادحت اعيوني

تستاهل التكفيخ ..
<< بكيفها .

اقتباس اول مادق تلفونهم ارفعت السماعه وعلى طول امسكت السكه آه ياحبيبي يابعد تسبدي اموت بك يامخاوي لي اسنين اتمناك بس انت ماعطيتن وجه تسان مبطي عطيتن بيجرك ادق عليك يابعد كل حمام الحاره

والله الواضح تحبك من الصميم ..
مندفعة بكلامها .. ما عندها فرامل ..

هي البنوته للحين جارتكم ..؟

الله يعافيك ويسعدك ..
استمتعت بالقصة الحلووووه
شاكر لك من القلب ..
لقبول الدعوة ..

طاب يومك .

ههههههههههههههههههههه
طيب المفروض تحط حيلك بولد عمك الداشر ...
ههههههه مشكوور يالغالي ..

ههههههههههههههههههههه

صرااااحه ربك سترها معك

كان قعدت مع حمامك احسلك

وخليت كلام ولد عمك<<<وش نفعك

بس جد قووووي ياووواد

جبلاوي

تسلم على هالقصه الحلوه

واحلى مافيها لهجتك الحايليه<<<<فديتكم يا أهل حائل

هههههههههههههههههههههههههههههههههههههه


جبلااااوي وش الي قاردك وخلاك تقهوووي ابو الجيران بعدين المفروض بيجرك منشبه بمخباك لانك

منتظرلك شي حلووو هههههههههههههههههههههه خبره هاه الي قاهرني ان الدحمي طلع منها وماحصله كم الطراق

يالحكواتي المبدع اتحفتنا بحكايتك الحلووووه ربي يونسك بالعافيه