۩۝۩ 25/9.. مع الحكواتي ..} محمد الفريدي { ۩۝۩

}{ 25/9 }{

نرى في مساء اليوم نسيم عليل ..

حكواتي الليلة

*۩* محمد الفريدي *۩*

فـل يتفضل في صدر المقهى .. للجلوس على كرسي الحكواتي ..

.. بتوفيق له ..

،،،
أول شي كل عام وأنتم بخير لو إنها متأخره بس يالله تنفع للعيد ههههههه

وأشكر الأخت هااااايدي على الأستظافه والموضوع الرايق

وأنا والله أحترت مادري وش أجيب قصه القصص كثير

بس بما إنا في رمضان خطرت لي قصه قبل ثلاث سنوات

والقصه ياأخواني كالتالي

قبل ثلاث سنوات تعينت مدرس والحظ الأقشر وداني لوادي الدواسر ماهو نقص بأهلها الله ومليون نعم بس لبعدها عن مدينتي حائل

المهم سكنا هناك عزابية لا وكنا في قرية لا لا وش قرية هجره 250 كيلو صحراء المهم مالكم بالطويلة بهذله في بهذله وكنا 13 مدرس ساكنين في بيت شعبي يهبل يأخذ العقل لا جاء المطر يخرخر علينا الله يعين
جانا رمضان والله وكيلكم عزابية في رمضان وبهجره لا مطاعم ولا محلات تجارية
أتفقنا كل يوم يكون الطبخ على اثنين وطاح بي الحظ مع صاحبي فريح العنزي من عرعر وأنا من حائل يعني كلنا من الشمال
عدا أول يوم على أهل مكه وكان يمشي الحال
وثاني يوم على أهل جيزان وكان حلو
وكان اليوم الثالث علينا حنا أهل الشمال أمحق شمال ( مانعرف إلا القهوة والشاي والكبسة )

جيت أنا وصاحبي العصر نبي نسوي شي والمطبخ يجنن كل المقادير فيه ههههه مابه إلا الشوربة والمكارونه وشوي أغراض حوسه

كنا نتسابق على القهوة أنا وصاحبي ونتهاوش عليها كل واحد يبي يسويها

وسوينا قرعة

طاح علي الشوربة والكريما ( أبشركم كان عندنا كريم كرمل )

وصاحبي عليه المكارونه والقهوة والشاي <<< ياحظه

بدينا بالشغل وماكنت أعرف لشوربة ولا خويي لمكرونه

ماطول عليكم سوينها

سويت الشوربة والكريم كرمل

الكريم كرمل سويتها وحطيتها بالثلاجه

والشوربة تطبخ بالقدر <<<< تكفي 100 رجال هههههههه

وخويي ظبط القهوة والشاي و المكارونه تطبخ

أذن الغرب والشباب ينتظرون الفطور من أهل الشمال

جاء الفطور

وياسلام الشوربة ماء سامجه مابه ملح ( اكتشفت إني قللت الشوربة وكثرت الماء ونسيت الملح وماقدر أذوقها صائم )

والمكارونه ملح ومحترقه ( أثر صاحبي ملحها مرتين وزاد النار عليها علشان تستوي بسرعه قبل الصلاه واحترقت )

الشباب بدو يتشمتون علينا وزعلانين وش هالحاله لافطور ولا شي

وقال خويي هذا عرفنا وتقهوو ترى القهوة والتمر مظبوطات ويرزقكم الله

وثواني وطق الباب علينا وقمت ولقيت وأحد من شباب الهجره يقول أبوي يقول تعالوا للفطور كلكم قلت وأنا فرحان عساكم على القوة دقايق وحنا عندكم

ورحت أبشّر الشباب وبسرعة رحنا نتسابق على الغرف نلبس الشمغ ونتكشخ ورحنا بسرعة للرجال وأفطرنا والحمد لله وعينا من الله خير

الكريم كرمل بالثلاجه إلا الساعه 12 ماجمدت أثر نسيت الحليب أحسبها بدون حليب ههههههههه


المهم عدت الأيام وراح رمضان ونقلنا من ذيك الهجرة

والحمد لله

وعساي ماكنت ثقيل عليكم

وهذا ماخطر في بالي إلا هالقصه عساها نالت إعجابكم

أخوكم
محمد الفريدي

اول شي الفريدي ونت بصحه وعافيه <<< حقت العيد مو رمضان
ومن ناحيت القصه حلووه رجعتني سبعين سنه يوم كنا مانلقا فطور العصريه برمضان تلقنا نتصيد جراد ولا ضبان نبي نفطر عليهم ههههههههههههه
انا لو منكم كان مستاجر شغاله في رمضان تطبخ لي وبعد رمضان اسفره

اقتباس:

المشاركة الأصلية كتبت بواسطة العم روسي

اول شي الفريدي ونت بصحه وعافيه <<< حقت العيد مو رمضان
ومن ناحيت القصه حلووه رجعتني سبعين سنه يوم كنا مانلقا فطور العصريه برمضان تلقنا نتصيد جراد ولا ضبان نبي نفطر عليهم ههههههههههههه
انا لو منكم كان مستاجر شغاله في رمضان تطبخ لي وبعد رمضان اسفره

العم روسي


ودنا بالشغاله بس مع 13 عزابي ماتنفع هههههههههههههه

شكرا لمرورك الكريم

هههههههههههههههههههههههههه
صراحه الفنادق بتتهاوش عليكم عشان تصيرون طباخين درجه اولى عندهم
الحمدلله اللي جاب لكم اللي يفطركم والا كان صمتوا اليوم الثاني بدون فطور ولا سحور
تسلم اخوي محمد فقد امتعتنا بحكايتك والله يعيد عليك هالشهر وانت بصحه وسلامه
وكل عام وانت بخير

اقتباس:

المشاركة الأصلية كتبت بواسطة سهر

هههههههههههههههههههههههههه
صراحه الفنادق بتتهاوش عليكم عشان تصيرون طباخين درجه اولى عندهم
الحمدلله اللي جاب لكم اللي يفطركم والا كان صمتوا اليوم الثاني بدون فطور ولا سحور
تسلم اخوي محمد فقد امتعتنا بحكايتك والله يعيد عليك هالشهر وانت بصحه وسلامه
وكل عام وانت بخير

أختي سهر أسمحي لي أن أطلق عليك لقب ( المحترم يفرض عليك احترامه )

بصراحه قصه متواضعه وأسعدتيني بقراءتك لها

دمتي بكل الخير

هههههههههههههه

الباب رحمكم يوم طق

يعطيك العافيه ماقصرت
امتعتنا بالقصه

تقبل مروري

احترامي

اقتباس:

المشاركة الأصلية كتبت بواسطة جــــود

هههههههههههههه

الباب رحمكم يوم طق

يعطيك العافيه ماقصرت
امتعتنا بالقصه

تقبل مروري

احترامي

أختي جود

هلا بك وهلا بمرورك العذب

وشكرا لقراءتك القصه

هههههههههههه
ههههههههههههههههههههه
ابو حميد لاعاد تطبخ ثاني مره
هههههههههههه
شكرياتي لك على القصه المؤلمه بجد

اقتباس:

المشاركة الأصلية كتبت بواسطة منذر

هههههههههههه
ههههههههههههههههههههه
ابو حميد لاعاد تطبخ ثاني مره
هههههههههههه
شكرياتي لك على القصه المؤلمه بجد

هلا بالغالي منذر

أبشرك تعلمت صرت أظبط الشكشوكة هههههههههه

حلوووو وصفك للكوخ .. ذكرتني بكوخ( جد هايدي )
أكيد حسيتوا بمعانات السحالي وهم يطبخوا ..
بس كويس جاتكم عزيمة ..
والفرحه مو سيعاكم ..

ربي يعافيك ..
أستمتعت بالقصة الظريفة ..
شاكر لك من القلب..
لقبول الدعوة .

طاب يومك .

اقتباس:

المشاركة الأصلية كتبت بواسطة هـــايـــدي

حلوووو وصفك للكوخ .. ذكرتني بكوخ( جد هايدي )
أكيد حسيتوا بمعانات السحالي وهم يطبخوا ..
بس كويس جاتكم عزيمة ..
والفرحه مو سيعاكم ..

ربي يعافيك ..
أستمتعت بالقصة الظريفة ..
شاكر لك من القلب..
لقبول الدعوة .

طاب يومك .

شكرا ياهايدي

وش كوخ الكوخ أصرف ههههههههه

أسعدتيني بالاستظافه والمرور

تسلم الفريدي على القصة
حنا قلنا مايعرف للطبخ الاالسحالي
تسلم
دمت في حفظ الرحمن

اقتباس:

المشاركة الأصلية كتبت بواسطة شباصة أجوديه

تسلم الفريدي على القصة
حنا قلنا مايعرف للطبخ الاالسحالي
تسلم
دمت في حفظ الرحمن

هلا يا شباصه

وشكرا لمرورك الطيب

ههههههههههههههههههههاي<<ماتتشمت

عاد شباب ما الومكم صراحه <<الملح مشكله صراحه بهالرمضان مسويه مكرونه صينيه وسامجه مرهـ المشكله كانت للرجال وفشله بس الحمدلله ماكلوا منها

بس صراحه ربي رحمكم يوم انعزمتواا ..

بس صدق لازم تعرفون للطبخ شي مهم بالحياه خاصتن للعزابيه <<حوسه عالفاضي لووووووووووول

محمد اسعدتنا بحكايتك

تقبل مروري
رجوجه