كيف يودع حائل أهل حائل ..( توديع حائل )

[align=center]
أولا : السلام عليكم ورحمة الله وبركاته

وعساكم دوم بخير

اليوم الجمعة في تمام الساعة الخامسة عصرا غادرت حائل مسافر للمدينة التي أعمل بها
بعد إجازة دامت أربع أشهر وحز في خاطري فراق حائل وكتبت هذه الوداعيه بحائل التي بالفعل تستحق الشعر كله( وهي غزلية لكن في أغلا محبوبه حــــائــــل)

أترككم مع القصيدة عسا أن تنال إعجابكم وتسمو لذائقتكم وأرجوا منكم المعذرة فحائل تستاهل أكبر من قصيدتي[/align]



[poem=font="Simplified Arabic,6,firebrick,bold,normal" bkcolor="transparent" bkimage="" border="solid,4,gray" type=2 line=1 align=center use=ex num="0,black"]

مقدر على التوديع يانور عيني=عندي ترى فرقا المحبين شينه
غمضت عيني لا تلدين فيني=دمعه بوسط العين حارت حزينه
ودي بكم مير أزعجتني سنيني=والله يعين اللي شقا في سنينه
قلبي على الفرقا بنبضه حزيني=كنه يقول العذر لو تعذرينه
والرِجل حارت ما مشت خطوتيني=أسوقها بالغصب سوق السجينه
لو تسّتمع لا قفيت صفقت يديني=كني شجاع ٍ باللقاء غالبينه
أو تسّتمع للي صدر من ونيني=في داخل ظلوع المعنا ونينه
ونت سجين ٍ ضاع عمره سجيني=حتى من الزوار هم حارمينه
ذي حالتي عسا الولي بي يعيني=واللي يفارق جعل ربي يعينه
لاتحسب الفرقا قسا ثم تليني=لا والله الفرقا قسا عارفينه
ياشين فرقا من نبيه ويبيني=ياشينها لا صار قلبي رهينه
كتبت حزني بين نفسي وبيني=وغنيتها بمفارق أطلق مدينه
تدرون من هي ماخفت للفطيني=حائل بها عشق ٍ صفا شاربينه
يدري بها شام العرب واليميني=ويدري بها التاريخ ومترخينه
فيها الكرم والجود ماله وزيني=والظيف له حشمه ولا أحد ٍ يهينه
من عهد حاتم لين تفنا السنيني=تاج الكرم بين العرب مالكينه
ودعتها والشوق يزداد فيني=والصدر يحرجني بكثرة حنينه
ودي بها مير القدر مايزيني=ودي بها وأثر الليالي فطينه
ماتترك الولهان لحظه وحيني=دستورها فرقا المحبين زينه
وحائل ياحظ اللي بها ساكنيني=حائل وأكررها هي أطلق مدينه[/poem]
[align=center]
أخوكم
محمد الفريدي[/align]

[align=center]
مانقول وداع نقول الله يردك سالم وغانم
وترجع لقلب من احبك
صح لسانك ملايين
واعتلا شانك
ولاهنت


تقديرى

[/align]

صح بدنك ياعقاب

ومرورك شرف للقصيدة

مشكور يالغالي
وعساك ماتفقد غاليك
صح لسانك حايل أطلق مدينه

المليفي

صح بدنك

وتولمني لاقصدت وتغزلت بها

اقتباس: قلبي على الفرقا بنبضه حزينـي كنه يقول العـذر لـو تعذرينـه والرِجل حارت ما مشت خطوتيني أسوقها بالغصب سوق السجينـه لو تسّتمع لا قفيت صفقت يديني كني شجـاع ٍ باللقـاء غالبينـه

صح لسانك لا هنت

الحيراااان

صح بدنك

وشكرا لمرورك الطيب

اي والله وداع ياحايل
ياملا السيل والله كالديار
لاهنت يالفريدي وصح قافك
جزل يابعد راسي والله

عشوق

عز الله انك وافي
وحايل تستاهل
وقصيدتك وافيه بكل ماتحتويه الكلمة من معنى
والله اقولها وانا صادق لو انها لي لاكتفي بها عن باقي القصايد
صح لسانك يا محمد ولاتحرمنا من جديدك

عسى الله انك كفيت ووافيت بهالقصيدة لو ان حايل تستاهل اكثر بس عز الله انك شاعر

وحاس باللي انت حاسبه يامحمد تراني مغترب والبعد ينهش ضلوعي والله

صح الله لسانك يالغلا وترجع لمغليك سالم باذن الله وتقبل مروري

صح لسانك ملايين
واعتلا شانك

ماتترك الولهان لحظـه وحينـي
دستورها فرقـا المحبيـن زينـه
وحائل ياحظ اللي بها ساكنينـي
حائل وأكررها هي أطلق مدينـه

تسلم يالداهيه
ترجع بالسلامه

فيها الكرم والجود ماله وزينـي
والظيف له حشمه ولا أحد ٍ يهينه
من عهد حاتم لين تفنا السنينـي
تاج الكرم بين العـرب مالكينـه



يابعد حيي ياحايل اي والله ياملا السيل اشتقنالها

صح لسانك يالمبدع

عشت عشت ولا هنت
يلبسك الف عافيه
وحايل تستاهل اكثر

الله محمد الفريدي انت مبدع وشلون اذاكتبت في حائل انت اضفت للابداع ابداع بنور حائل وهلا يانور حائل