{ديوان الشاعر \ طارق السلمي}

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

الشاعر \ طارق السلمي
(ذيب الغداري)

شاعر مختلف صاحب شاعريه مميزه
وكلمه راقيه وحرف جميل
و فكر وجزالة المعنى
واحساس عذب
سطرت احرفه من نور ..
عبر صفحاتنا فكانت عنوانا للجمال
والتميز والرقي..

[/ALIGN][/CELL][/TABLE1][/ALIGN]

الهــــــــــم بحرً وغبه مالها قاعة


http://www.b3b7.com/vb/showthread.php?t=69517

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

الهم بحـرً وغبـة مالهـا قاعـة=
سواة ليلً غدى من غير مصباحي
أسير في لجتـه والنفـس ملتاعـة=
لولايه اصبر خفي السـد ينباحـي
تمر فيـه الثوانـي كنهـا ساعـة=
يوم إن غيري غفى بالنوم وإرتاحي
ماذاق طعم الهجر وقسوة أوجاعـة=
وأطلال حبً غدت تلعبها أشباحـي
أويق رجم الغلا وأشتاق مطلاعـة=
ليا ذكرت الغضي وأيام الأفراحـي
راع العيون النواعس ندّر أطباعـة=
لا مر ذكره هموم القلب تنزاحـي
واليوم فرقاه غصبً ماهو بطاعـة=
لا شك الأقدار طيرً حام بجناحـي
ماشفت مثله ولا لي غيره طماعـة=
أذكره ما ناح ورق وصاح صياحي
[/poem]

يالله يافارج الي تعقد حباله


http://www.b3b7.com/vb/showthread.php?t=72337



[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يالله يافـارج الـي تعقـد حبـالـه=
ياسامع الحوت في بطن البحر غادي
يازايل الهـم يالـي مرتجـى فالـه =
عظيم مدك عن الـي شحهـا بـادي
وعظيم مدك على الي بيضً أفعالـه =
تغيث منه حداه مـن البـلاء حـادي
يصيح من جور وقتً شانت أحوالـه =
أشوف وقتً مضى ماهـو بمعـوادي
أراجع الوقت الأول وأبكـي أبطالـه =
حرار ما تجلب ألا نـادر يصـادي
ويشوم عن طعمة الي ما أحتمى جاله =
يطاوي الجوع يصبر والبـلاء زادي
وأشوف ذا الوقت يمدح من هفى خاله =
عليه يثنى مديح بصـوت وإنشـادي
ضعوف تمـدح رديً كثـرة أموالـه =
وراعي الكف الأبيض فقـره ينـادي
ياليت وقتً تقافـى يعـود برجالـه =
يطيب ذكر الزمان الي به أجـدادي
ياجعل مـزنُ تزبـر شايـل ثقالـه =
يسيل بارضً حوتهم نصبهـا بـادي
[/poem]

اليوم بان الهوى وبانت أكداره

http://www.b3b7.com/vb/showthread.php?t=57320





[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

اليـوم بـان الهـوى وبانـت أكـدراه=
واليوم حسبت وقتً ضاع مـن عامـي
في رجوة الـي يشـق القلـب بنظـاره=
مجدوله الـي يحـط الصبـح فقتامـي
لاغضى برمشه يبيـح السـد بسـراره=
في زبرة الجوف ما أخطى سهمه الرامي
ياليـت يكتـب لروحـي يمـه زيـاره=
وتعيش نفسً تشـوف المـوت حوامـي
من دونه المـوت اشوفـه موقـدً نـاره=
وأشوف ضول العرب من بيننا طامـي
بسبـاب عـذال قـومً تنقـل الــزاره=
وقلوبهـم للعـذل عـطـاشً هيـامـي
يابنت مرسول خطـي ياصـل بشـاره=
إني علـى شوفتـك جيعـانً وضامـي
والله ما أطيـع فيـك النـذل وأشـواره=
وأنتي تعرفين بالـي فالصـدر كامـي
ميـر النـوى علقـمً يسقينـي أمـراره=
ودرب وصلك غـدى ماينبـت النامـي
من عقب ما كان وردً تنبـت أزهـاره=
وأنهار لايبس ريـق الحـب وهيامـي

[/poem]

آواه من رمش عينً غط للنومي


http://www.b3b7.com/vb/showthread.php?t=67931


[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


آواه من رمش عينً غط للنومـي=
والقلب دون الهموم يغلـق ابوابـه
والغير للسهيل مرقب والسهر دومي=
لاهجع الخلق صوت النود هبابـه
يجيني الهاجس الي مكثر الحومـي=
أجول بنظار كني في وحش غابـة
ولا كما تايـهً والفكـر منجومـي=
تساوت الأرض عنده دربه اخطابه
هذاك حال الذي فاقد لـه قرومـي=
رفيق وعيال عم وقربـة أقرابـه
غريب في دار نازل كثرة همومي=
مغير أعد الزمان وأحسب حسابـه
الناس فيها تخالف طبع وسلومـي=
لولاية اصبر لهج بليـل يسرابـه
ألفيك ياعقاب وهذي جملة علومـي=
والرد منك الدواء للجرح وطبابـه
[/poem]

يامل قلب تجره باقي اوجاعه

http://b3b7.com/vb/showthread.php?t=64019

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


يامل قلبً تجره باقي أوجاعة =
لا نامو الناس عمت فيه الأوجاعي

ياشين ليلي لاصار الخلق هجاعه =
ونين صوتي يجر همومً جياعي

ياجابر العظم فك الهم لو ساعة =
معاد يبرد غليلي بين الأضلاعي

جريح قلبي وصدري ترجف أضلاعة =
ياكيف أبنسى عيونَ سحرها شاعي

عيلكي الله وكبر وأمركِ طاعة =
نويتي الصد وقلبي يمك إنصاعي

ياكيف يرحم ذليًل يقاد بذراعة =
غريم روحه قريب لسمعه يعاعي

لي عام والقلب ماربع في مرباعه =
مابل عرق الوصل ومزونه شباعي

ياعود ذبَح قلوبً في تهزاعه =
لا صرت مبعد بحفر القبر بذراعي

مرير وقتي وأنا مافيه طماعه =
لغير وصلك وهذا مجمل أطماعي
[/poem]

ياليلي الي يفك من العنا طاقه


http://b3b7.com/vb/showthread.php?t=59480

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]



ياليلي الي يفك مـن العنـاء طاقـه=
أشوفه همه تزبـر طـاق وأطباقـي
لا زان قمران ضوه فوقنـا شعاقـه=
أسير يم الخـلاء ولهـا ن مشتاقـي
يازين هبـات نـودً جـات منساقـه=
يطيب جوي وهمـي جالـه عتاقـي
أجيب سمـرً تعـلا ضـوه إشراقـه=
يفـوق جملةعطـورً فيـه مفراقـي
وصنـع بغـداد دلـة جالهـا فاقـه =
طرايبً تخرج الي جوف الأعماقـي
يازين راع الحمس لا جانب إحراقه=
لاراجف النجر صير حبهـا دقاقـي
لاشفت صبغً رميتـه بعدهـا دفاقـه=
ما أقول غير الذهب من جوفها يحاقي
لا خالط الراس منها تبـري فلاقـه=
أوانـس إجرايهـا فالـدم ينساقـي
وأقول يا ذا الزمن مرير مـن ذاقـه=
وعدوده الراهيه مـا بلـت أرياقـي
يا موكل الذيب سـورً كـره حواقـه=
القرم مونس بلاك في مخة الساقـي
المـال حشـم رديً ساسـه رقاقـه =
عبيد مالً ويشيـخ بعملـة أوراقـي
وأقول بالـي تـردى مالنـا طاقـه=
يجيك دون الجمايـل ثوبـه خراقـي
أصيح يابدر بالـي ضيـع صداقـه=
ياكيف فعل المراجل بيـع فأسواقـي
يجيك بالعـذر دايـم دونـك دراقـه =
سحاب صيـفً ولـو يشـع براقـي


[/poem]

جريت حبر القلم


http://b3b7.com/vb/showthread.php?t=77409

[poem=font=",6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


جريت حبر القلـم والهـم يقفـاه=
جريت حبر القلم والدمـع قافيـه
يضيق وسع الخلاء لا زان ممشاه=
حتى ربيع الفياض الدهر كاسيـه
باسباب ريمً تنحى وأبعـد خطـاه=
عهدي به العام يوم الشوق يدعيـه
واليوم صار الوصل قديم ذكـراه=
وأوراق مرسال منه لعين مغليـه
وشلون أبل العطش والهجر مضماه=
والبيد عاذل لحبل الوصـل يفليـه
بارجيك ياحبي الي مات في صباه=
بارجيك دام الأمل فالنفـس مبقيـه
وأرجيك دام العتيم النـور يجـلاه=
تشفق على الي عطاك القلب مهديه
وأسقاك كاس الغلاء ماكدر صفـاه=
ولاباح بالسر يـوم الغيـر يبديـه
[/poem]

يطيب لي جو خالي فيه مدواجي

http://www.b3b7.com/vb/showthread.php?t=79824

[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


يطيب لي جو خالي فيـه مدواجـي =
لاسابق الشوف ريحً وأبعد أميالـي
ما تسمع ألا هبوب تصافق فجاجـي =
ما كنها ألا تنادي وتنـدب لحالـي
وأقول من ضيق وقتي جيت عراجي =
بعيد عن قول قيـل وقيـل ماقالـي
لاجيت حافي القدم وفيـه دراجي=
ثم فاح ريح الثرى من عقب المحالي
وجاب والطير ونبتً توه إخراجـي =
في روض نبته تشابك شبك سلسالي
ماكني الا سجينً عقـب الإفراجـي =
قد ذاق غدر الزمان سنينً طوالـي


[/poem]

مظلوم

http://www.b3b7.com/vb/showthread.php?t=82876


[poem=font=",6,crimson,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/13.gif" border="double,4,crimson" type=1 line=0 align=center use=ex num="0,black""]





مظلوم والحب ليلً مطفـي سراجـة=
والضيق بين المحاني والهوى فاتـي
والوصل باب تقفـل حِـط مزلاجـة=
ورسومنا الماضية جروح وإشتاتـي
وش عاد برجي وش الي عاد بحتاجة=
لا مات فينا الهوى من يبعث أمواتـي
مشيت دربك ولـو يطـول منهاجـة=
أكـن همـي ولـك تبسـم شفاتـي
من أجل خاطرك ماني ناوي إزعاجة=
ما أرضى ولا أرضى بهمك يومً تباتي
والدمعة الي غـدت فالعيـن دواجـة=
اليوم جادت بها صـدوف الأوقاتـي
وأنا من أجلك ما هاب البحر وأمواجة=
من عام دمي لربعك صار مشهاتـي
ولاني الي مشى في دروب منعاجـة=
ولاني الي لعيـب الجـار نظراتـي
والي علينا بكـذب القـول هراجـة=
فالقاع قـدره وقولـي جالـه إثباتـي
اليوم ببعـد وقلبـي نـاوي علاجـة=
ولو فرقى العشير تزيد فـي آهاتـي

[/poem]