{ .. ميـّت وانا حيّ .. } ... !

السلام عليكم ورحمة من الله وبركاته ..
كلماتي نثرتها متمنيا ان تجد بعض القبول ..


.
.
.
.
.

قالت تحب ؟ وقلت ميّت وانا حيّ .. !
.......... شوفيْ عُيوني واسْبحي في بحرْها

عُوميْ على موج المدامع بلا مَيّ
.......... واقْريْ من اصداف الحقيقه خَبَرْها

هاتي كفوفك واشْبعي ضامري كيّ
.......... محتاج لك بين الضلوع وْ نحَرْها

تسْمر مع عْيونك على عتْمتي ضيّ
.......... كل النجوم بْحانتك يا قمرها .. !

بعْض الخيال فـ ليلهم لامس الغيّ
.......... كلّ ٍ لقاها وانتشاها وسِكَرْها .. !

ياللي شفاة الورْد بانفاسها زيّ
.......... عطْر الحنين اللي شَرَب من نهرْها .. !

دام الهوى يطْوي معاليقنا طيّ
.......... ليش الخطاوي مِنْك حظّي قِصَرْها ؟

ركِّز معي يا حظّي الظالم شْويّ
.......... بعْض الذنوب { الله } عشانك غفَرْها .. !

يا سايق المزنه على هامتي فَيّ
.......... كَمِّل جميلك واسْقني من مطرها

ذا لي سنه يابس ولا ذقْت لي شيّ
.......... ريقي نِشَف دون المزون وْ قدَرْها

طالبْك انا وانْ عدْتها ثانيه عَيّ
.......... { ليله } أبَرْوي خافقي من سهَرْها




.
.


سوالم ,, يا عزوتي

شآعرنا الرائع \ خالد


آبيآت رآئعه بحق
ونص انيق وعذب
ولوحة فنية راقية .. وألوانها زاهية ..
تلونت بعذب الشعور .. وعالي الآحساس ..
فصح لسانك وطاب قلمك ..
دمت بفرح ,,

اقتباس: المشاركة الأصلية كتبت بواسطة على النيه    شآعرنا الرائع \ خالد آبيآت رآئعه بحق ونص انيق وعذب ولوحة فنية راقية .. وألوانها زاهية .. تلونت بعذب الشعور .. وعالي الآحساس .. فصح لسانك وطاب قلمك .. دمت بفرح ,,

صحيتي كلك يالغاليه

لي الشرف بتواجدك الباكر على صفحتي ..

بعض ما عندكم شاعرتنا .. وكلك ذوق

شكري وامتناني

اخوي القدير خالد
صح السانك
نص رائع وراقي بمعانيه وقوافيه

تقبل مرور اختك

اقتباس: المشاركة الأصلية كتبت بواسطة عنود الصيد    اخوي القدير خالد صح السانك نص رائع وراقي بمعانيه وقوافيه تقبل مرور اختك

مرورك على العين والراس اختي الفاضله

يسعد قلبك .. على هالحضور الرائع .. ما ننحرم تواجدك يالشيخه

شكري وتقديري

خالد

صح لسانك وعلا شانك

سلمت ولاهنت

اقتباس: المشاركة الأصلية كتبت بواسطة كبريــاء شـــمر    خالد صح لسانك وعلا شانك سلمت ولاهنت

هلا وغلا والله ..

شرفت ولا كلفت يا بعدي ..

وانت سالم .. لا عدمتك يالغالي

كل الشكر والامتنان والتقدير لحضورك المميز

ركِّز معي يا حظّي الظالم شْويّ
.......... بعْض الذنوب { الله } عشانك غفَرْها .. !


شاعرنا المميز خالد

صح لسانك وعلا شأنك

ابيات قمه بالروعه والعذوبه

يسلم قلبك

كل الشكر لـ سموك ..

اقتباس: المشاركة الأصلية كتبت بواسطة بسمه طلال    ركِّز معي يا حظّي الظالم شْويّ .......... بعْض الذنوب { الله } عشانك غفَرْها .. ! شاعرنا المميز خالد صح لسانك وعلا شأنك ابيات قمه بالروعه والعذوبه يسلم قلبك كل الشكر لـ سموك ..

صح قلبك وفكرك وكلك .. اتحفتيني يالغاليه بحضورك الغير عادي

الروعه هي تواجدك على صفحاتي .. لا عدمتك

وانتي سالمه وغانمه يا اميرة الذوق

كل الشكر والامتنان

كالغيث أنهملت...وأرض منتدانا...كم هي

عطشى لمثل هذه الأبيات...شكرا

تحيـــــاتي....اللــــجــــاوي

اقتباس: المشاركة الأصلية كتبت بواسطة اللـجـاوي    كالغيث أنهملت...وأرض منتدانا...كم هي عطشى لمثل هذه الأبيات...شكرا تحيـــــاتي....اللــــجــــاوي

ما عليك زود شاعرنا .. وشهادتك وسام أعلقه على جبهتي يا كل الذوق

حضورك مختلف بكل ما تعنيه الكلمه اخوي اللجاوي ..

كل كلمات الشكر لن توفيك حقك

ودي وتقديري

ذا لي سنه يابس ولا ذقْت لي شيّ
.......... ريقي نِشَف دون المزون وْ قدَرْها






صح لسسسسسآنك ي خآلد .
آول رد لي بهالصرح واتشرف انه هنا
نص آنيق وعذب ..
لاهنت ولاهان عزفك

اقتباس: المشاركة الأصلية كتبت بواسطة بنت يام    ذا لي سنه يابس ولا ذقْت لي شيّ .......... ريقي نِشَف دون المزون وْ قدَرْها صح لسسسسسآنك ي خآلد . آول رد لي بهالصرح واتشرف انه هنا نص آنيق وعذب .. لاهنت ولاهان عزفك

هلا والله ببنت يام

انا اللي حظيت بشرف تواجدك هنا .. اسعدني بالحيل حضورك يالغاليه

يخليك ربي وما يحرمني تواصلك العذب

كل الود والتقدير

الله يسعدك احاسيس راقيه وفقك الله

اقتباس: المشاركة الأصلية كتبت بواسطة اسير هواك    الله يسعدك احاسيس راقيه وفقك الله

حضورك هو الراقي شاعرنا اسير .. بارك الله فيك يا بعدي

كلي سعاده بتواجدك وثنائك الطيب

ودي وتقديري