ياقربهم لي لا صرت بالدنيا مستريح

بسم الله الرحمن الرحيم
السلام عليكم ورحمة الله وبركاته

أتمنى تروق لمسامعكم ولذلئقتكم
نقدكم وتعليقاتكم شرف لي

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يا قربهم لي لا صرت بالدنيا مستريح = ويا بعدهم عني لا صحت عليهم بالصوت
أحدن قبل تزهمه على راس عليا يصيح = وأحدن لا صار ما صار يدس راسه بالبشوت
أعرف عونك بعيون الناس تطير وتطيح = ما همها غير الظاهر والمعدن المنحوت
ولا كل من بيّن اسنون ضحكاته تسيح = بعض العرب قلبه من الحقد جهازن موقوت
أضحك بالصوت وأكتم أوجاعك لا تبيح = وأستر ادموع عينك على خدودك لا تفوت
وأكرم هلا العليا وقلّط لهم المفاطيح = وأرقى فوق هامات الكرم وأصهل ابجبروت
الطيب صعبن طلعه على الرجال الطحاطيح = بعض الرجال وصل صيته لشّام قبل الموت
إنبليت بالهوى ولا دوّرت المرابيح = يكفي أطبع أشواقي من قلبي لك بكروت
سقت القدم لجل عينك إبليا تصاريح = ولجل عينك من الشوق ما عرفت طعم القوت
ما قلت قولن يقوله راعين المسابيح = قولن داخل الحنايا والشفايف ابسكوت
[/poem]

وسلامتكم أخوكم / فتى الأسلم

فتى الاسلم

صح لسانك وعلا شانك

ولاهنت يابعدي على هالقصيدهـ

تحياااتي لك

[read]
مشكور يسلم لسانك
وبنانك

لاتحرمنا الجديد
[/read]

صح لسانك يافتى الاسلم

ولا تهبط شانك


كلمات في منتهى الروعة

صح بوحك وفكرك
ولا حرمنا
من هطول ابداعك

صح لسااااااااااااااانك فتى

ابدعت
وخالقي

تسلم فتى الاسلم
درك ودر القريحة التي امتعتنا بهذ الفن الراقي
لاهنت وبيض الله وجهك
تحياتي وفائق احترامي

نثرت بين ايدينا انواع الجواهر ؛
تأملت روعة بريقها الذي يسلب الألباب
ويجعلنا لانمل من النظر إليها ؛
دمت ودام نبض قلبك ونزف قلمك السيال؛؛؛؛
ارق التحايا لروحك الزكية

فتى الاسلم
سلمت ودمت
شاعر جزل وافي صح الله لسانك

أخي فتي الاسلم

الله يعطيك العافيه رقت لى رائعه وفقك الله

فتى الاسلم
صح لسانك على الابيات الرائعه
سلمت وسلم بنانك
لاهنت

اقتباس: المشاركة الأصلية كتبت بواسطة كبريــاء شـــمر    فتى الاسلم صح لسانك وعلا شانك ولاهنت يابعدي على هالقصيدهـ تحياااتي لك

صح الله بدنك يا الغالي
لا هنت والله اخوي كبرياء شمر
تسلم والله يعطيك العافيه

اقتباس: المشاركة الأصلية كتبت بواسطة دلوعة الغيم    [read] مشكور يسلم لسانك وبنانك لاتحرمنا الجديد [/read]

العفو والله يعطيك العافيه
وتسلمين اختي دلوعة الغيم
على المرور الطيب والهادي

اقتباس: المشاركة الأصلية كتبت بواسطة السنعوسي    صح لسانك يافتى الاسلم ولا تهبط شانك كلمات في منتهى الروعة

صح الله بدنك يا بعدي
ولا هنت والله يا الغالي السنعوسي
على هالمرور الطيب
لا تحرمنا من وجودك

اقتباس: المشاركة الأصلية كتبت بواسطة ابو اسرار    صح بوحك وفكرك ولا حرمنا من هطول ابداعك

صح الله روحك يا بعد حيي
لا هنت تسلم يمينك على الكلمات الطيبه
بارك الله فيك ولا هنت