عبدالله التاريخ

بسم الله الرحمن الرحيم
قلتهااا بمناسبه مرور سته اعوام على بيعة خادم الحرمين الشريفين الملك عبدالله بن عبد العزيز حفظه الله
والقيتها على الهواء مباشره في قناة المرقاب الفضائيه مساء الثلاثا الموافق28/6/1432هجري


[frame="9 70"]
[poem=font="simplified arabic,6,white,normal,normal" bkcolor="green" bkimage="" border="double,10,green" type=2 line=0 align=center use=ex num="0,black""]
المملكه دار الامن والنظامي= واكبر دليل محاربتها للارهاب
ماله ملف اجرام مظلم ودامي=عكس اليهود وعكس دستور الاحزاب
شعب السعوديه دعاة السلامي= دستورنا من والي العرش بكتاب
الرجل والمرأه بكل احترامي=تسمع لهم كلمه ويفتح لهم باب
والطب والتعليم والالتزامي= يرعنه عيون العداله والالباب
في ظل عبدالله صروحه تقامي=يوم اشرقت شمسه ظلام الجهل غاب
الحق يرقد في سهول الظلامي=ماهمته سود العقارب ولا الداب
لوكثرن سود الذحاح التنامي= تولد بلاشوكه ولا ملقط اجناب
واللي تشيل الموت وسط الافامي= الفك ابو نابين مابه ولا ناب
رفرف بجنحان السعد ياحمامي= مادام لسيوف العدل غمد ونصاب
سلالة التاريخ روس ومقامي=اللي لهم بالمجد روضه ومحراب
عين المواطن في حماهم تنامي = والرمل تقطف مدهم قطف الاعناب
اهل الشداد اللي براس السنامي= تلبسهم السنه جلابيب وحجاب
لهم ولانا والوفا كل عامي= نبقى لبيت الحكم عمدان واطناب
شعب الحرم بأمر المليك الايمامي= كل الوطن بسمه هتف حب واعجاب
عبد الله التاريخ والاهتمامي=به يرتقي مجد العرب كل مرقاب
ليثٍ اليازمجر غضب واحتدامي= اقفت سباع الغاب تخدع بالارقاب
شعبه بحبه كل ابوهم هيامي= صوبه ترف قلوبهم رف الاسراب
مادام ابومتعب سليم القوامي= خلك على روس الشماريخ ياعقاب

[/poem]
[/frame]

الله يحفظ ابو متعب ويطول بعمره
ويديم علينا نعمة الأمن والأماان .

صح لسانك
وتسلم يمينك ع الأبيات الراائعه .

يستاهل ابو متعب
صح الله لسانك .
وسلمك الله على القصيده


بننتظر الجديد القريب

الله يحفظ ابو متعب ويديم عليه نعمة الصحه والعافيه

وصح لسانك شاعرنا القدير \ متعب بن طواله
على الابيات الجزله
والرائعه والمليئه بالصدق والوفاء
سلمت ولاهنت

يطولنا بعمره
وعمرك شاعرنا متعب
صح فكرك وبوحك ياعساك سالم وغانم

بارك فيك وصح لسانك مليون
اللهم طول بعمر والدنا عبدالله
واجعله ذخرا للحرمين

وجه الخير يستاهل الخير

لله درك اشهد بالله انك اجدت كل شي وزن وقافيه
صح لسانك

صح لسانك وكلك .. نص باذخ وقلم مميز .. طاب مدادك شاعرنا القدير

الشاعر متعب الطواله
طال عمرك وعمر من جابك
صح لسانك على سطورك وفديت حضورك
امتعتنا بمعانيك الطيبة ولاعدمت تواصلك
دام لنا شموخ نبضك وَ رقي حرفك بكل جميل المعاني


تحياتي

رائع شاعرنا بكل شي
يدوم عزك
وحرفك

بسم الله الرحمن الرحيم

الاخوان الكرام
خواتي الفاضلات
السلام عليكم ورحمة الله وبركاته
اشكركم جزيل الشكر على مروركم وتعليقاتكم المشيده ابهجني وسرني
تواجدكم جداً تشرفت بجميل اطرائكم الله يجمل حالكم
اعزائي ممنون لكم كل الامتنان
والله يديم وجودكم الباهي
كل الشكر لكم
دمتم بكل خير

الله يديم الامن والامان على هالبلد الطيب
ويطول عمر ابو متعب ويحفظه
متعب بن طواله ماهي بغريبة عليك هالبادرة
والشاعرية والوطنية السباقة دائما
صح منطوقك ..

اقتباس: المشاركة الأصلية كتبت بواسطة انفاس الرحيل    الله يديم الامن والامان على هالبلد الطيب ويطول عمر ابو متعب ويحفظه متعب بن طواله ماهي بغريبة عليك هالبادرة والشاعرية والوطنية السباقة دائما صح منطوقك ..

مرحباااا بك اختي الفاضله الله يستر عليك ويثبتك على الطاعه ان شاء الله امين ياربي
تحيتي لك وتقدير على التواجد الطيب
اشكرك

:

صح لسانك وطاب فالك
شاعر فــذ وهذه الابيات دليل على شاعريتك
لاهنت على هالنص الابداعي وتقديري لسمو شخصك الكريم
لله درك

اقتباس: المشاركة الأصلية كتبت بواسطة ضحكة الدنيا    : صح لسانك وطاب فالك شاعر فــذ وهذه الابيات دليل على شاعريتك لاهنت على هالنص الابداعي وتقديري لسمو شخصك الكريم لله درك

اشكرك جزيل الشكر مراقبتنا الله يحفظك ويسعدك
كل الشكر لك ودمتي بكل خير