رد على عزتي بعزوتي

[color="black"]

بسم الله الرحمن الرحيم

السلام عليكم ورحمة الله وبركاته

أسند هذه القصيده لشاعرنا / مشعل التريباني وله مني التحيه والتقدير

وبالحقيقه انا ماني شاعر ولا أجيد الشعر مثل مايجيده ولاكن هاوي وخرجت معي هذه الابيات ويعلم الله اني كتبتها في محل انشاء الموضوع مداعبه خفيفه عفيفه لشاعرنا مشعل

أترككم معها


البارحه ليلي قضيته مساهير
ماهو علل لو قيلي فيك عله
..
أقرا بيوت ِ وافيات المعـايير
بحر الجزاله والجزل مورد له
..
يامشعل العسام مسيت بالخير
شمس الشعر شفته معاكم وظله
..
شاعر تصخر وافي القاف تصخير
حتى المعاني وافيه في محله
..
يشهد على قولي جميع الشواعير
بالمنتدى واللي قراء مايمله
..
وأخلاف ذا موضوعنا وجهته غير
أشوف شعرك يشتكي فاقدله
..
طرق الهوى بوصوفهن الغنادير
سود العيون اللي رموشه مظله
..
أبو خدودن ماخدشته الأظافير
مع زينه المكياج مايصلحن له
..
مبسم شفاته مامشابه حمارير
وسنونها من شافها ينفطنله
..
صفة جيوش الشمري بالطوابير
عبدالعزيز اللي خصيمه يذله
..
الله ليامن فرعة حزة عصير
ذيل الكحيله والهوى ملفحله
..
أم النهود البارزات الدواوير
الثوب يصعب فيه عقده وحله
..
والورك والفخذين والساق تحسير
والزول مايوصف بدقه وجله

مدري خذاك الي خذا سالم الزير
ولا عليك من العواقب مذله
..
الشيب عزن في وجيه المناعير
اللي حياته بين نجرن ودله
..
بيته مقر اجواد ملفى مسايير
وأكبر دليل نشوفها بصورتن له
..
هذاك شوق الي تحط المناكير
كل العواطف بالخفوق رهفن له


وسلامتكم






بسم الله الرحمن الرحيم
الشاعر مشعل عسام التريباني الشمري
((رد على الاخ \الشاعر عزتي بعزوتي في 14\5\1433هـ ))
هذه القصيده رد على عزتي بعزوتي عسا ان تنال اعجابه واعجاب الجميع واعتذرعن القصور لاني كتبتها بوقت قصير على نفس الكيبــــــورد

يا مرحباعداد مارفرف الطيــــر (1) واعداد من يقرا حــــــروف المجلـــــه

واعداد ماهبّة هبوب المعاصيــــر(2) واعداد خلق الله مــــن كـــل ملـّـــــــه

واعداد عيدان الشجر والنواويــر (3) وعد النجوم البينـــــــــات المطلـّــــــه

واعداد من يضرب بعيد المشاوير(4) واعداد رمل القــــاع والنبت كلـّـــــــه

بالشاعر اللي سطر القاف تسطير (5) اللي جزيل القاف يحمــــــل سجلـّــــه

قرمٍ شكا من ظيم حب الغناديــــر (6) يقول تلعات الرقــــــاب احبلــــن لـــه

يشكي هوى غرون نهوده مزابير (7) راعي جديلٍ فــــــوق الامتان فلـّـــــه

شقرن على متنين خله دعاثيــــــر (8) والقلب من همه بدافيــــــــه خلـّـــــه

يقول خلي دمر العقل تدميـــــــــر (9) وشيّــــد بوسط القلـب منزل وفلـّــــه

ياشبه صفرى مع عقيد المناعيـــر (10) فــــــوقه عقيدٍ والظفــــرعادتلـّــــه

(ياجا نهارٍ فيه شرٍ بلاخيــــــــــر) (11) ثم شاف زينات البنـــي زغرتلـّـــه

يصلها وايدوس وسط الطوابيــــــر (12) ياشافهن بشيالهـــــن غطرفلـّــــــه

سبحان ربٍ صور الزين تصويــر (13) حسن الوصايف في وصوفه تجلـّه

واقول رايي يازبون المقاصيــــــر (14) ادفع بها الاموال دقـــــــه وجلـّــــه

ادفع بها لو زوّدو باالمخاسيــــــــر (15) والرزق عندمكوّن الكــــون كلـّـــه

الحب له في داخل القلـــــب تاثيــر (16) قلب المولــــــــع لازمن يستحلــــّه

الخل كالملواح والقلب كالطيـــــــر (17) يفزبه وايعــود لـــــــــه مشفيلـّــــه

مالك ومال مكسر الهرج تكسيــــر (18) خبلٍ بليدٍ والبنــــــي ماضحكلـّـــــه

انارقيت الظلع مـــــره وتكريــــــر (19) ولقطت طلـــــع الظلع ورده وفلـّه

هذا قبل تبدي بوجهــــي مغاتيـــــر (20) يوم السنين بوجههــــا مسفهلـّـــــه

واكدلك ان الحب يا مسندي غيــــر (21) راع الهوى يفدى بحيّـــــــه وملـّه

واليوم حان الشيب مابه معاذيــــــر (22) وقلبي هوى الخفرات مهو هولـّـه

[/co

lor]

مشعل ابيات شعريه رائعه سلمت وسلم نبض قلبك

صح منطوقك وكن حذرا في المرات القادمة
فالشاعر فيما يبدوا اوقعك في شراك الخضار
الذي يعلق عليه كثير من الشعراء تجاوزهم لبعض الحدود في بعض الاوصاف
..

شكراى للجميع على المرور
وانا لم اتجاوز الحدود في الوصف ولله الحمد
ولا ارغب بمثل ذلك ابدا اماهو فقد تجاوز الحدود
ولكن هذا الشي لايعنيني هذا عايد له هو

هلا هلا يا مشعل

والله الواحد مدري وش يقول امام هالشامختين

الشيب عزن في وجيه المناعير
اللي حياته بين نجرن ودله
..
بيته مقر اجواد ملفى مسايير
وأكبر دليل نشوفها بصورتن له
..
هذاك شوق الي تحط المناكير
كل العواطف بالخفوق رهفن له


ياسلام وصف وتصوير رائع والف نعم فيك وعز الله ان الطيب بينن وجهه ما يحتاج تجاريب

هذا قبل تبدي بوجهــــي مغاتيـــــر (20) يوم السنين بوجههــــا مسفهلـّـــــه

واكدلك ان الحب يا مسندي غيــــر (21) راع الهوى يفدى بحيّـــــــه وملـّه

ياسلام اعجبني وصف الشيب بالمغاتير جزل يالعزوه جزل

صح لسااانك مليووون ولسان الشاعر

تحياتي وتقديري واعجابي..

اخوي سالم الشمري
صح بدنك ولاهنت يالغالي الله لايهينك

.
.



والله اخوي مشعل تعجز الكلمات عن وصف مشاعرنا تجاه هذه الجزاله والصور الشعريه

شعرك من النوع الطربي اخوي مشعل .. يحرك المشاعر ويهززها هز .. ويهيض القريحه .. للي عندهم قرايح



عز الله انك كفيت ووفيت .. صبيتها صب .. ورسمتها رسم .. وما تعديت الحدود ابد ابد ..



صح لسانك واعتلا شانك



تحياتي وتقديري

اخوي خالد
شكرالك على المرور وشهاده نعتز بها الله لايهينك

صح الله لساانك ولا هنت يا بعدي
على هالوصف الطيب منك

وتوك ترك شباب وقلبك خضر

طلال الشمري
شكرا لمرورك الله لايهينك شجعتني وانا صدقت اني توي هههههههههه

ماشاءالله
روعه
صح لسانك مليون ولايكفون
وتسلم يمينك ولاهانت يسارك
كن بخير

اختي الفاتنه صح بدنك الله لايهينك