اللجلجه

بسم الله الرحمن الرحيم

الشاعر\مشعل عسام التريباني الشمري

((اللجلجه))في 3\11\1433هـ

المــــجالس ياكـــــثر فيها الغــلاط(1)اعــــــرف انه قل ذوقه واسمجه

خل عنك اهل اللجاجــــه والهــياط(2)قـــــــوم عنهم خل عنك اللجلجه

كان خطو الخبل با الحكي استشاط(3)يحسب ان الهرج خبزن واعلجه

بس هـــرجه با المجالس واط طاط(4)برمــــــج لســــانه عليها برمجه

مثل مــــاقالويضحّــــــي با الحماط(5)مايفــــــرّق بين جــحــه واحدجه

ينفــرط وســــط الرجاجيل انفـراط(6)وبا السوالف فــــيه ميله واعوجه

ابتعد عـــن مجلــــسٍ فيه الســـقاط(7)لين رب الــــبيت ياتـــــي بفـرجه

مجلسك وحدك علــــى قطعة بساط(8)خيرلك مـــــــن مجلسٍ فيه همجه

اثركـــــثر الهــــذر كاالزاد السماط(9)ســــــامجن ذوقه تقل فــــيه خمجه

لاتكــــــثـّرمع مثل هــــــذا اختلاط(10)كل ماشفته علـــــى الدرب اسهجه

ارفع الاقدام عــــــن راع الخــراط(11)عنه ســــوج الرجل بالممشا سجه

وارض ربك كان تبــــــي الانبساط(12)وعن شرور الخلق وجهك به لجه

الله الخــــــلاق بالاْرزاق احــــــاط(13)بس عــــوج الراس للمولــى عجه

غــــــير توحــــــيده فلاحط اشتراط(14)فارجــن زلات عــــــبده وحـرجه

صح لسانك شاعرنا
قصيده رائعه
لاهنت

شاعرنا الكبير صح لسانك
وتسلم يمينك على القصائد الجميله

عظيم الامتنان لك

تحياتي ....

يسلم يمناك ويحرمها على النار يارب
صح منطوووقك شاعرنا
الله يحميك ولا يضرك
ربي يسعدك ..

شكرا للجميع على المرور الله لايهينكم جميعا
ايها الاخوت الفاضلات

صح لسانك شاعرنا المبدع
على هالابيات الراائعه
الله يعطيك الف عافيه .

صح لساااانك عمنا وشاعرنا القدير
مشعل التريباني
هجو سلس طغى عليه حكم شاعرنا
تقدري لك

ملامح حزن
قيس الحسيني
شكرالكم على المرور الله لايهينكم

؛

قصيده بجد معبره عن مشكله تعاني منها كثير من المجتمعات

أحسنت وكل التقدير لشخصكم الكريم....

صح لسااانك ولاهنت مشعل

اللجاوي
حلا
شكرالكم على المرور والاطرى الله لايهينكم