الحب عصره منتهى من زمن فات 00 مانعتبر نطوي الزمان ونعيده

[align=center][table1="width:95%;background-color:black;border:9px ridge gray;"][cell="filter:;"][align=center]

السلام عليكم ورحمة الله وبركاته
بدون مقدمات متواضعه وكيبورديه
اتمنى ان تنال استحسانكم وبعض من قبولكم
اشكر كل من انار المتصفح
بالتكرم بالنظره
لهذه المتواضعه

مدخلــــــ بلا مخرج

تبي جديد الشعر لك ماطلبته
_______ جاتك تهادا ابيات شعري هدايا
مبطي وانا قلبي لقلبك وهبته
_________قبل اعترف لك بالغلا ياغلايا
انت القصيد اللى بشعري كتبته
_______وانت الامل والروح وغيرك بقايا
كله بقايا اشتات مانى رغبته
_____شخصك بقلبي عاش وغيرك ضحايا
وانت اللذى كاس الغلا لك سكبته
________وبلل عروق القلب وسط الحنايا
ملكت قلب من المشاعر نهبته
_________في غيبتك بالبرد تصبح عرايا
يا أسري كيف الفؤاد سلبته
_________ان كان حبي ذنب فادمح خطايا
لاشك واجبك منك قلب ٍاصبته
_________تعطيه حقه دون قول و وصايا

[poem=font=",6,sienna,bold,italic" bkcolor="transparent" bkimage="" border="double,4,burlywood" type=2 line=0 align=center use=ex num="0,black""]
مدري علامي كل ماجيت بابيات = ابجمعه لك لين تصبح قصيده
كني الاقي وسطها منك ثغرات = ماتوفي حقك وارجع اكتب جديده
واذا كتبته قمت اوسوس بعثرات = وارجع ادقق بالكتابه واعيده
سلام يامالك جميع المساحات = ياللجوهر الياقوت مثلك فريده
يامن لك الخافق يناديك بالذات = كنك بكل الكون عشتي وحيده
في وسط قلبه يلتقي فيك ساعات = ويتوه كالناشر بحب الجريده
عاشق خياله مختصر به مسافات = يرسم ملامحها بعنقه وجيده
يامن تلاعبني المشاعر بلحظات = مدري غرامه صدق والا عنيده
بعطيه جدول بالغلا والبيانات = عني وعن حالي يجيه ابريده
لاصرت صادق بالغلا دون زلات = يحن بأذن اللي عليم بعبيده
والله جرعت الموت انا منه بسكات = عنق المها جافل ولاهي طريده
هي ذبحتني والبلا الموت حسرات = وان مت في حبه فلاني شريده
كم واحد ٍقبلي علي حبها مات = والحب سهم الموت من هو يصيده
الحب عصره منتهى من زمن فات = مانعتبر نطوي الزمان ونعيده
ان جيت ولعنا مع الحب شمعات = وبيدك هموم القلب مني تبيده
وان رحت ياصاحبي قلت هيهات = واختام هرجي فيك فرصه سعيده[/poem]




وسلامتكم
اخوكم
عقاب النهار/ الاسلمى



[/align][/cell][/table1][/align]

صح لسانك ملايين
قصيده رائعه بروعتك شاعرنا
يعطيك العافيه ولاهنت

لاصرت صادق بالغلا دون زلات
يحن بإذن اللي عليم بعبيده
::
صح منطوقك وتسلم يمناك على هالابداع
عوآفي عوآفي شاعرنا , استمتعت بقرائتها
الله يسعدك ولا يحرمنا جديدك ..

جميل ورائع ما سطرت اناملك من حروف وعبارات


تسسسسسسلم ننتظر جديدك

لست شاعرة لكني متذوقة للشعر ..أذوقة رشفة رشفة لين جاتني رعشة...من زين القصيدة...>> يبدو عندي محاولات^ـ^

لكن الشعر لاهلة وأنت من جد جدة اذا كانت القصيدة لك... عشت أخوي ... ولاهنت ..

تحياتي للاسلمي

صح لسااانك الذي يقطر شجناً
أخوي عقاااب
الى اجمل شعر يملئة الصفاء

الى أروع شاعر عذب وأحساااسه جميل
أسمح لي أن أرجع لهذه الصفحه مرة أخرى

سلمت وسلم قلمك وحرفك
اسمح لي ان اشكرك على ماتقدمه لنا من قصائد وخواطر جميله ومتميزه
وتقبل مرور عنود بعد حيي ...

/

تبقى سفير ال بعدحيي تغرد خارج السرب لايجاريك سوى عقاب نفسه

سلمت وسلم ذالك البوح الراقي ,,,,,

هلا بعمده الشعراء
وصح لساااانك ملاييييين
لاخلا هالطله المشرقه
خالص التقدير والشكر لك

اقتباس: المشاركة الأصلية كتبت بواسطة همس الجنوب    صح لسانك ملايين قصيده رائعه بروعتك شاعرنا يعطيك العافيه ولاهنت

الروعه
تواجدك ومرورك
ويعافيك البارى
صح بدنك
ولاهنتى
تقديري

اقتباس: المشاركة الأصلية كتبت بواسطة وتم بعيد    لاصرت صادق بالغلا دون زلات يحن بإذن اللي عليم بعبيده :: صح منطوقك وتسلم يمناك على هالابداع عوآفي عوآفي شاعرنا , استمتعت بقرائتها الله يسعدك ولا يحرمنا جديدك ..

يارب يسعدك
ويعافيك
وصح قلبك وكلك ونورتى وخالقى
لاهنتى ولاهان راسك
تقديري واحترامي

اقتباس: المشاركة الأصلية كتبت بواسطة احساس انثى    جميل ورائع ما سطرت اناملك من حروف وعبارات تسسسسسسلم ننتظر جديدك

الل يسلمك
ويسعدك
شاكر لك مرورك
تقديري

اقتباس: المشاركة الأصلية كتبت بواسطة خجل شمآلية    لست شاعرة لكني متذوقة للشعر ..أذوقة رشفة رشفة لين جاتني رعشة...من زين القصيدة...>> يبدو عندي محاولات^ـ^ لكن الشعر لاهلة وأنت من جد جدة اذا كانت القصيدة لك... عشت أخوي ... ولاهنت .. تحياتي للاسلمي

خجل شماليه
متذوق الشعر يكون اقوى من الشاعر
ولايدخل مزاجه الا مايطرب الذائقه
وانا ماكتبت الا بعض من ماعندك
واكيد انها لى بأذن الله
ربي يعلى شانك ويعز مقامك
ومليون مع مليون صح بدنك
ولاتحرمينا من محاولاتك

نورتى بتواجدك وردك
لاهنتى

تقديري لك واحترامي

دخلت اكثر من مره ومرتين وقرأتها ومن ثم اعود من حيث اتيت والسبب اني لم اجد ردا يليق بهذه المعزوفة الفاتنه

شاعرنا الراقي


لااجيد قول سوى


جدا الابيات مع المدخل مذهله

صح اللسان وسلم البنان ودام القصيد ولاحرمنا الجديد

بنتظار روائعك القادمه وبكل شغف

لسموك شكرا بلاحد

تقبل فائق احترآمي

الحب عصره منتهى من زمن فات
مانعتبر نطـوي الزمـان ونعيـده



نص أخآذ جداً
وشآعريه طآغيه واحساس يفيض عذووبه
تعزف بحروف عطريه يظل شذآهآ عابقاً بالزوآيا والمكآن
مبدع ومتميز دوماً ..
صح لسانك ملايين ..
وطبت يآآشعر ,,,

صح لسانك شاعرنا عقاب
قصيده فريده واكثر ..