بيت الشعر ياجماعه شيلو اطنابه

بسم الله الرحمن الرحيم
الشاعر\ مشعل عسام التريباني الشمري

((بيت الشعر))في 20\12\1433هـ

بيت الشعر ياجماعه شيلو اطنابه(1)شـــــــيلوه ياماهلا العارض يروحوني

حنّـّاكلاناالخلا كله مــــــن اسبابه(2)شــــيلوه تكــــــفون لين الربع يمشوني

وقولولعوده يعود لديرت احـــبابه(3)خــــلوه يرجع قبل ربعه يصــــيحوني

وقولوله العودعــقبك مافـــتح بابه(4)مضرب عـــن الناس لوهم له ينادوني

خــــــلوه يرجع ترا مانصلح الابه(5)وقولوله العود عـــقبه تقل مســـجوني

المشكله كان عناطــــوّل غـــــيابه(6)ان طـــــــــــولت غيبته فانتم تحرّوني

امســــي بداري واصبّح بعتبة بابه(7)ان طـــــــــوّلت غيبته لازم تشوفوني

النفس ماتســــتلذ بغــــيبة اصحابه(8)والياكـــــتـــبت المــثايل لاتلومــــوني

حرٍ يكب الحمرمن ضرب مخلابه(9)مـــــــن ماكرٍ يفرح اللي منه يجنوني

اغليه وافخـــــر بذكره واتعزوابه(10)وافرح اليا اوحيت صوته في تلفوني



ابيات للشاعر\فهاد سيار مرد على قصيدتي بيت الشعريقول فهاد
في 21\12\1433هـ

يالعود بيت الشـــــــعر مانصلح الا به = وشيلته صعبه على اللي له يحبوني

نبيه يامــــــن مـــــزنه زاد ســــــكابه = وقامو نشاط العـــرب عنها ينايوني

واليا اكترب مــن حقوقن رخو اطنابه =ونزل رواقه من شا ن الربع ياتوني

ورفيقك اللي تدور له مـــــــن احزابه = ولو ان مشــــو يمكم ماظن يبطوني

وان طعت شوري تعال وترك اجـنابه = لديار ربعـــــن بعانيهم يحــــــيوني




وهذه الابيات مردي عليه في 21\12\1433هـ
الشاعر\ مشعل عسام التريباني الشمري

يامـــــــرحبا با القصــــــــيد وحــي كتـّابه (1)عـــدد حجيجن ببيت الله يطـــــــوفوني

وعـــد الحصا فـــــي فيافـــــي نجد وترابه(2)وعـد النجوم المطلّه فــــي فضا الكوني

هلــــيت بالخــــط واللـــــــــــــي يمنا جابه(3)انا مــــــن الخـــــط والمرسال ممنوني

القلب قــــــبل اللســـــــان الخــط هـــــلابه(4)وفــــــزيت كني سمعت اسمي تنادوني

وصليت فـــــــرضي عسا الخلاق يرضابه(5)ورجـــــــــعت للبيت ثم بيّحت مكنوني

القلب ياخــــــــــوك فـــــــــيه النمل عشّابه(6)مـــــيلاف قلبـــــــــي ولكن لاتلوموني

احبكم والله الخــــــــــافــــــــــي هو ادرابه(7)انا بحـــب الرفـــاقه حــــيل مفــــتوني

اناشـــــــهد انــــــي فخــــورولابتـــي لابه(8)اولاد الادهم عســــــــــــاهم مايزولوني

افـــــرح بجــــمعا الجـــماعه واتباهــــــابه(9)هم تاج راســي ودرعن يكسي امتوني

وهم سيفـــــي اللي يخاف الخصم وايهابه(10)اضرب بهم معجزات الكون واتهوني

وهم زينة السيف واصل السيف وانصابه(11)وثقله واساسه وفــزعت كل محزوني

وهم درعـــــــي اللــــي الياضقت اتذرابه(12) وهم شوفـــي اللي مع العالم يقدّوني

ياهلا بك شاعرناااا القدير

مشعل التريباني
صح لساااانك
اجل بغيت ترثع بالربع هههه
وتشيل البيت على وجه هالشتاء ياعله خير
اكيد عاشق ياعمنا القدير
اذكر البليهد لقالك لك مره هو انت غيرت رائك هههه


ونعم والف نعم بالتريبان


والله يرفع قدرك على القصيده الجميله ونقلك لقصيده فهاد السيار
خالص التقدير عمنا القدير
وتستاهل (التقييم)

صح لسانك

ويعطيك العافيه
قصيده شامخه كسنجااار
الله يرضى عليك
أرويتنا طربآ
شكرا لك

صح لسانك ملايين شاعرنا
قصيده رائعه
يعطيك العافيه ولاهنت

يسلم منطوقك على هالابيات
ربي يسعدك ولا يحرمنا جديدك شاعرنا

ابدعت مشعل ص فكرك وبوحك
وصح السانهم الشعراء الكرام

شكرا للجميع على المرور وزالاطرى الله لايهينكم جميعا