أقواس الأمل

[poem=font=",7,blue,bold,normal" bkcolor="transparent" bkimage="http://www.b3b7.com/vb/mwaextraedit4/backgrounds/4.gif" border="double,4," type=2 line=0 align=center use=ex num="0,black""]
حاولت أنام وطيّر النوم كابوس=والقلب من هجمات الأفكار حساس
طب القلوب اللي بها الهم محسوس=مشياً مع البيدا ليا هب نسناس
فجٍ خلا ماهو من الناس مانوس=فيه السراب لصورة الأرض عكاس
يسوى من الدنيا عمارات وفلوس=وأخير من قربة غثيثاً من الناس
قفر الأماني رد من دونه عسوس=لقى العطش واستصعب الأمر عساس
كان اللبيب ملجلجاً تقل مضروس=كيف الهبيل اللي بالأوهام غطاس
تاهت خطاوينا وهب الهوا كوس=وضاعت هقاوينا وردت بالأتعاس
شفنا من الأيام ميلات وعكوس=نصبر وننطح داعي الضيم بالباس
ناخذ من أخبار البشر عبر ودروس=ونشفق على علماً لنا فيه نوماس
كلاً على ما كان بالنفس مغروس=وكلاً على ميراث والعرق دساس
بين النشاما بيرق اللاش منكوس=وبنكه من التقصير يعلن بالإفلاس
على جباه اهل الردى رسم هندوس=مثلث الحقران والبخل والياس
الموت جوع بعز تحيا به نفوس=ولا شبعت الذلاّن ببيوت الأنجاس
لولا الغرور وشور بايس ومنحوس=من زخرف الهقوات بعيون جساس
للدير والرهبان لمات وطقوس=وأشباههم حول الكنيسة والأجراس
يا هاجسي غرّد ترا ما انت محبوس=حرّر خيالك ما على الفكر حراس
وارسم مساراتك من القوس للقوس=وازرع ورودك بالأمل بين الأقواس
لا للنفاق ولا لتطمينة الروس=موت الشجر واقف وهو شامخ الراس
[/poem]

فخور بك

[glow=ff0000][glint]اسطوره الشعر[/glint][/glow]

ابو نايف

صح لساااانك

مــــــدد بلا عــــــدد

على هالراااائعه

دمت استاذ لشعر
ودام ابداعك يالامير
كل التحايا

ما اجمل بوحك وقلمك
فانت متالق بقصااائدك دوما
لا خلا ولا عدم

صح لَسانك ..
كلمآت راقية ..
لآ عدمناك ..

عبدالله المفضلي

صح لسااانك

الله يعطيك العافية على روووعه هالابيات

تقبل مروري

يسلم منطقوك شاعرنا على دي الابيات
الله يسعدك ولا يحرمنا جديدك ،

صح لسانك شاعرنا
يعطيك العافيه ولاهنت

:
:

تهت بين أسطرك
و بوحك العذب
تجبرنآ حروفك على السكوت حتى لانخدش عذوبة
الكلمآت الرآئعه هنـا
اشكرك على هذا السكب الرآئع

:
:

وارسم مساراتك من القوس للقـوس

................وازرع ورودك بالأمل بين الأقـواس

لا للنفـاق ولا لتطمينـة الــروس

..............موت الشجر واقف وهو شامخ الراس

لله درك شاعرنا
أغدقت علينـآ بلوحه شعريه راقيه تنطق
بـ كُل الْجمآل ..
أمتآآع وأبدآع لآ حدود له
فصح نبضك وقآفك
ودمت برضآ ,,

يا هاجسي غرّد ترا ما انت محبوس=حرّر خيالك ما على الفكر حراس
وارسم مساراتك من القوس للقوس=وازرع ورودك بالأمل بين الأقواس
لا للنفاق ولا لتطمينة الروس=موت الشجر واقف وهو شامخ الراس



ابيات رائعه ونابعه من القلب الى القلب

كيف لاوهي من ابداع شاعرنا القدير

ابو نايف

صح لسانك عدد وبل السحب

قصيدة قيمه وتستحق الاشاده

تحياتناااااالاخويه

صح منطوقك اخوي ورايع وجزل

وبوح شاعر متمكن وزن ومعنى وقافيه

دمت بود

لكل من شرف هذه المتواضعه بمروره القيّم جزيل الشكر والعرفان 0 فائق تقديري للجميع