ولا ذقت من ماها ولا الوقت بي لاقي

يقولون يا شاعـــــــر قصيدك كثير احزان
واقــــول الشقى نبضي واحاسيس خفاقي

سألت القـــــدر مرة .. متى ترحل الاحزان
وقـــــــــــال انت ما تبرى ولا بالأمل باقي

فلا عــــــــاد ياتيني من اصحابنا شرهان
وينشد عن الفرحـــة وسيع الفضا ضاقي

انا الياس والحسرة وانا موطن الحرمان
وانا الوجــد والعبرة على ساقي اشواقي

تواريت عن ذاتي وانا حاضــرٍ لي شان !
اسوق الصبر نوبٍ وهــــــو نوب سواقي

واشد النضى حـــــربٍ على ظالمٍ ما كان !
ولا نلتقي ظــــــــــــــالم ولا جفت احداقي

تمثنى النكـــــد روحي وانا واردٍ عطشان
برمضى الغبن حـافي سطا الجور باعماقي

عـــــــــــــزومي تقدّيني وانا ميّسٍ بحلان
خـــذ الروح ياربي ترى الموت لي راقي

هــــــــلا بالكفن دامي على دنيتي شفقان
ولا ذقت من ماهـــــا ولا الوقت بي لاقي

عمر بن عبدالمحسن

الله يبدل الاحزان افراح


صح لساااانك شاعرنا

الله يعطيك العافية

تقديري لك

يسلم هالراااس
ياعمر
شاعرنااا الرااائع
كل التحااايااا لك
يالقرم

.
.
قصيده جداً رآآئعه رغم ما بهآ من ألم
أبعد الله عنك الحزن وطآبت أيآمك بسعآده لآ تنقطع
سلمت وسلم نبضك وقآفك ,,,,

الله يبعد عنك الالم والحزن
،
يسلم احساسك ومنطوقك على روعة
دي الابيات الاليييييمه ، ربي
يسعدك شاعرنا ولا يحرمنا جديدك ،

صح لسااانك ي الغالي ابيات جزله

صح لسانك وسلم نبضك وأحساسك

على ماأتحفتنا به من رائع الحروف

وبديع القوافي . .

أخوووي عمر
رائعه هي حروفك

فصح لسانك

وعلا شانك"

روعة مشاعرك طغت على روعة القصاااائد

فصمت قلمي مستحيا ان لا يفى بحق قصيدتك

صح لساانك ابووي عالابياات
يعطييك الف عااافية
ولاهنت,,