طب البحر محد ٍ من الموت جرك

بسم الله الرحمن الرحيم

اضع بين ايديكم هذه المتواضعه واتمنى ان ترتقي لذائقتكم وتنال اعجابكم
لربما انني مقل بالكتابه ولكن تقصيري يشهد الله اسعي للافضل ولكن ربما لم
اجد مايليق بمقامكم فاقبلوا مني هذه المتواضعه


صلوا على رسول الله



ملاحظه العجز من البيت بشد الراء

0

0

0



[poem=font=",6,darkred,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
لابليس سجه تالى الليل ملعون=ناداه هم ٍ بالمعاليق شرك
يسرح ويمرح بالضماير علي هون=والي جلس مابين الاكتاف ورك
ابلي وهمي كنهم لي يتحدون=قالوا لى اقنعنا من اليوم برك
عطنا الصراحه مانبي شي مكنون=تفرح بنرحل يكفي الله شرك
قالوا قرايب فيك يمكن يحسون=الصدق حسوا بس محد ٍ تحرك
جيران قالوا عن بعض مايتخلون=وصي النبي بالجار لله درك
الي ذكرت اسمه ابي له تصلون=ما قال من امر ٍ لك الله سرك
قلت العفوا جيراننا مايشافون=سلام ماشي لو علي الباب مرك
قالوا لولي الاصحاب اذا ً ويش يعنون=وش خانة الاصحاب اذا الوقت ضرك
هو ابصراحه لاشكينا يحزنون=والبعض منهم دمع الاعيان فرك
وبعضهم اللي قال يفدنك اعيون=ليته سكت من حكيه الصدق غرك
قالوا غريبه قلت انا وش تقولون=قالوا تريض وشو اليوم حرك
تجل بشر مثلك تراك انت مجنون=طيب وفي عاقل فلا يعني امرك
قلت السبب قالوا مدام انت مديون=طب البحر محد ٍ من الموت جرك
لكن تخيل لو معك مال قارون= الله يازمول ٍ لعينك اتبرك
حتي الخطا منك يجي رده اتمون=كل ٍ يقول ارتاح بس لاتحرك
ماهو لعينك للمسمي بمليون=كل ٍ يقول امر تر الامر امرك
قاطعتهم لحظة غضب قلت تكفون=مثل اللذى من لاهب القيض درك
قالوا تضايق مايبي شك وظنون=افتق لذعذاع الهوي اليوم زرك
قلت العفوا يكفي علي ماتقولون=قالوا وش اللي عننا اليوم فرك
قلت اطلب اهمومي عساهم يزيحون=والله يكفي الخلق يا ابليس شرك

[/poem]








0

0

0

تقديري لكم واحترامي
عقاب نهار الاسلمي

الشاعر القدير.عقاب النهار
صح لسانك مدى الحياه
شاعر جزل غني عن اﻻشاده والتعريف
تحيتي وتقديري

صح لساااانك
ياااعقااااب القوااافي
ملايييين وسنين
راااائع واكثر
داااام هتاااان حرفك
الجزل يااالقرم

يالبى القصيد الرااقي

حروفك تحمل الجمال والابداع
حقاً انت مبدع
تجيد الرسم بالكلمات
بلوحة أتسمت بالرقي
حرفك عذب كالمطر
عقاااااب الشعر
أنت مذهل في قلمك
راقي في طرحك
رائع في حضورك

الله يحفظك

الله الله الله
ياشاعرنا القدير الف شكر للجزاله
الف شكر على هذه الراااائعه سلمت ودمت

:
:

اللهم صلِ وسلم عليه
صح لسانك وسلم بنانك
ابيات ذوق

:
:

الصراحه من اروع ماقرأت في صباحي هذا


صح لسانك وسلم بنانك ودام قصيدك

جدا اعجبتني

والمعذره مالقيت رد يليق بروعتها

شكرا بحجم الوسيعه لسموك

احترآمي

صح لسانك وسلم نبضك وإعتلا شانك
جزل يا عقاب ولا تأتي إلا بالجزل بيض الله وجهك

يسعد الله صباحك كم يسعدنى التواجد هنا فى روعت التعبير وجمال الحروف هنا الروع صح لسانك اخى الغالي عقاب تحياتي وتقديري

عقاب الشعر والابداع والجزاله

ولله درك على هاذي الباذخه

معنى مبنى وتستحق الاشاده

ولاغرابه من صاحب الذوق الراقي

وتقبل جزيل شكري يالقرم

تحيه من الأعـماق
ياعقاب
وصح لسانك مـلـيار وتريليون
الرائعة مثلك ما يجيب الا درر
أبدعت ,, وامتعت

.
.
اللهم صل على سيدنا محمد
وأبعد الله عنك الهموم وأسعدك أبد الدهر
شآعرنآ القدير عقآب
نص وجداني نسجته بإتقان بروعة البيان
هتان حرفك بلل الصفحه بجمآل وأتقآن
وتراتيل قلمك مشاعر مترفه بـ روعتها
وأحسآسك رسمته بصوره بليغه وممتعه
سيد الحرف أنت
صح منطوق قلبك ولا هنت ,,,

اقتباس: المشاركة الأصلية كتبت بواسطة نايف الناجي    الشاعر القدير.عقاب النهار صح لسانك مدى الحياه شاعر جزل غني عن اﻻشاده والتعريف تحيتي وتقديري

الله يرفع قدرك
وشهادتك وسام لي
صح بدنك مدد بلا عدد
تقديري واحترامي

قيس الحسيني
يسعدك ربي بحظورك وجمال حروفك
وتواجدك بمتصفحي شهاده منك ووسام لي
صح بدنك مليون ولايكفون
تقديري واحترامي

عنود بعد حيي
يسعدك ربي بحظورك وجمال حروفك
وتواجدك بمتصفحي شهاده منك ووسام لي
صح بدنك مليون ولايكفون
تقديري واحترامي