ياضاق صدرك للولي نقح ايديك

[poem=font="simplified arabic,7,black,bold,normal" bkcolor="white" bkimage="" border="groove,9,gray" type=2 line=0 align=center use=ex num="0,black""] ‏ياضاق صدرك للولي نقّح ايديك=الواحد اللي مايخيّب عبيده

واعلم تره من رحمته مايخليك=ربك كريم وكل الارزاق بيده

يامصخّر الارزاق منج المداريك=نفسي من التقوى تزوّد رصيده

يارب اناعبدك فقيرٍ وناصيك=واطمع بغفران الذنوب العديده

اسجد لوجهك وابتهلك واناجيك=وارجيك توفيق وحياةٍ سعيده

مايلحقن في رحمة الرب تشكيك=مؤمن من اهل الدين واهل العقيده

مسلم سليم من العقد والشرابيك=ولي اسوةٍ باهل العقول الرشيده

واسجد لوجهك في صلاتي واراجيك=يوم ان ميت القلب ضيّع حصيده

اشدق ورع من خوف بطشك واناديك=وارجع واكرر سجدتي لك واعيده

ياسامعن صوت المنادي وداعيك=يامحيي العود الرميم وهضيده[/poem]

مشعل عسام الغافل التريباني الشمري في 22/12/1441هجري

تســـلم يابوعبدالرحمن وصح لسانك وتقبل الله دعواتك
تحياتي لك لاعــــــــدمنا وجووودك.

تم التنســـــيق

عشت وعاش راسك واحساسك مشعل التريباني

تحياتي لسموك

ونعم بالله ماخاب من يطلبه سبحانه
صح لسانك مشعل التريباني
طاب لي ما قرأت هنا وأستمتعت بهذا الجمال والأبداع متع الله ايامك
تحياتي لهذا الحس السامي
ودام قلمك نابضا وقلبا ساميا

اخواني الافاضل
اخواتي الفاضلات
صحت ابدانكم جميعا شكرالكم على المرور والاطرى الله لايهينكم جميعا

صح لسانك قصيده جميله شكرا

يسلّم منطوقك شاعرنا العذب
إلهي يسعدك دومات يّ مبدع

اميرالشمال
حلم متمادي
صحت ابدانكم جميعا شكراللمرور

ونعم بالله سبحانه
صح لسانك حد الرضا
شاعرنا القدير للقصيدة الجزله والراقية
سلمت ولا هنت