خلك مع البيداء

اد الفروض الخمس سنّة ومنهاج
واشرب قبل تغور جمة دحلها
وان صار لسهيل اليماني توهاج
وغدى يقلقل بالجهامة فحلها
وحطت على روس المساريح ثجاج
وارخى الودق ردنه وسيّف هللها،
خلك مع البيداء خلاوي ودواج
فيافيٍ راعي الغنم مانزلها
ريضانها عقب المطر له تنجناج
تدله بها النفس الحزينة وتلها
ترفع مقامك عن غثا كل هراج
خل المقوقيّة تقوقي لهلها
لو كان ماتملك بعارين ونعاج
لك الفياض الخّضر ذروة وبلها
لاتمدح المقدي ولا تشذب الداج
والله يجزى كل نفس بعملها
متعب بن فارس

هلابك ابوفارس وصح لسانك ملااااييين وبيض الله وجهك
رااائع ماكتبت
أسأل الله تعالى أن يحفظك ويمتعك بالصحة والعافية

والمعذرة على عدم التنسيق لأن تنسيق القصائد لايعمل في الوقت الحالي
وسيتم معالجة المشكلة من إدارة المنتدى قريباً إن شاء الله.

أبيات ذهبية
من شاعر كبير
حكمة جزالة وروعة
صح لسانك وبيض الله وجهك

شكراً لك ابو طارق والله يسعدك اهتمامك سالفاً وحاضراً الله يبيض وجهك. امتناني لك

اقتباس: المشاركة الأصلية كتبت بواسطة بنت السحاب    أبيات ذهبية من شاعر كبير حكمة جزالة وروعة صح لسانك وبيض الله وجهك

شكراً لك ينت السحاب. ممنونك

تسلم ويسلم لسانك اخوي متعب

كلمات نقشت على ورق الابداع
هطول لحروف عذبه تنحني لها الرؤوس اعجابا
لتعلن أن طرحك الشجي سيعبر الأرجاء
يسلم بوحك وتسلم آناملك ..
تحيه لك ولـ إبداعك

اقتباس: المشاركة الأصلية كتبت بواسطة بنت البدو    تسلم ويسلم لسانك اخوي متعب

الله يسلمك اختي الفاضلة

اقتباس: المشاركة الأصلية كتبت بواسطة ولد القصيد    كلمات نقشت على ورق الابداع هطول لحروف عذبه تنحني لها الرؤوس اعجابا لتعلن أن طرحك الشجي سيعبر الأرجاء يسلم بوحك وتسلم آناملك .. تحيه لك ولـ إبداعك

ولد القصيد. اشكرك على مرورك الطيب والمشيد لاهنت يابعدي والله يسعدك

حياك الله استاذنا وشاعرنا متعب ابن طواله وصح لسانك مليار

ياسلام عليك وصح الله لسانك مليون ومايكفون
ابدعت وامتعت شاعرنا الرائع
دمت ودام مداد قلمك ورقي حرفك الفاخر
تقديري لسموك

اقتباس: المشاركة الأصلية كتبت بواسطة متعب بن طواله    اد الفروض الخمس سنّة ومنهاج واشرب قبل تغور جمة دحلها وان صار لسهيل اليماني توهاج وغدى يقلقل بالجهامة فحلها وحطت على روس المساريح ثجاج وارخى الودق ردنه وسيّف هللها، خلك مع البيداء خلاوي ودواج فيافيٍ راعي الغنم مانزلها ريضانها عقب المطر له تنجناج تدله بها النفس الحزينة وتلها ترفع مقامك عن غثا كل هراج خل المقوقيّة تقوقي لهلها لو كان ماتملك بعارين ونعاج لك الفياض الخّضر ذروة وبلها لاتمدح المقدي ولا تشذب الداج والله يجزى كل نفس بعملها متعب بن فارس

صح لسان متعب بن فارس
قصيدة توصية تمسكك من يدك: تبدأ بالفرض، وتختم بالجزاء… وكأنها تقول إن الطريق واضح لمن أراده.


تقييم