طبعي كــــــــــــذا

[poem=font="Simplified Arabic,6,limegreen,bold,normal" bkcolor="transparent" bkimage="backgrounds/32.gif" border="solid,6,red" type=2 line=0 align=center use=ex num="1,red"]

من عادتي يا صاحبي ماحمل الغيض=العفو طبعي والسماحة شعاري
إن شفتها تمشي بطيب وترويض=مشيت أنا معها بنفس المساري
وان كان شفت الوضع حوسه وتحريض=وقّفت ممشايه وجبت اعتذاري
طبعي كذا. ما اطلب من الغير تعويض=أحاول أمشي والفكاك اختياري
بعض البشر يبني على فكرة الهيض=يمشي مع ليام ماهوب داري
يجحد وجود الشمس في ضحوة القيض=ما يقتنع لو تربطه بالسواري
يبغاك تكتب له وترسل معاريض=حتى يبين كلمتك ما يجاري
هذاك يبغى له عناية وتمريض=حتى يميّز بين بايع وشاري
والا يوكل له وكيل بتفويض=يكتب على الصك . الوكيل اضطراري
هذا حسب ما شفت ما فيه تنقيض=قلته وهذي بصمتي يابن جاري
واظن ما يحتاج للقول تقريض=لني كتبته من صميم اعتباري
ناس خططها سود واقوالها بيض=يمنى الوفا. في ناظرتها يساري
ما تغمض اعيون الحسودين تغميض=تسهر على ظلم البشر يا مشاري
أفلامها من دون عكس وتحميض=تظهر على الكاشف بوسط النهاري
في طبعها قسوة وفالهرج تغليض=الله عليها ما تحاول تداري
يالله عسانا بالسعادة محاضيض=يا واحداً له ذلتي وانكساري [/poem]
[align=center]
وسلامتكم [/align]

محمد العمري:

مساك الله بالخير ..


صح لســانك على هالقصيده والتواضع اللي فيـــك ..



عيبتنـــي الكلمات و الاســلوووووب ..



تشكر عليهــا وفي انتضـــاار المزيد من الابداع

بعض البشر يبني على فكـرة الهيـض
يمشـي مـع لـيـام مـاهـوب داري
6 يجحد وجود الشمس في ضحوة القيض
مـا يقتنـع لـو تربطـه بالسـواري

الله االله
ماروعك يامحمد
صح فكرك يالطيب
طاب فالك
الله لايهينك

الغالى
لقد قرأت هذه الرائعه مره ومرات
وسوف اعود لها من جديد
لما فيها من ابداع
فلله درك
وصح لسانك
مدد بلا عدد
واعتلا شانك
ولاهنت

تقديري

رررائع يامبدع وشاعر كبير
محمد
يسلم بوحك
سجل ترقبي لروائعك دائماا

اقتباس: [align=center]من عادتي يا صاحبي ماحمل الغيـض العفـو طبعـي والسماحـة شعـاري 2 إن شفتها تمشـي بطيـب وترويـض مشيت أنـا معهـا بنفـس المسـاري 3 وان كان شفت الوضع حوسه وتحريض وقّفـت ممشايـه وجبـت اعـتـذاري[/align]

[align=center]محمد العمري

بصراحة ماشاءالله عليك!!

كل قصيدة أجمل وأروع من اللي قبلها

صح لسانك يالغالي

على هذا الأبداع المميز!![/align]

الشاعر

محمد العمري

صح الله لسانك ياخوي قصيده تفيض روعه وابداع
سلمت يمينك المميزه على هكذا تميز

لك تقديري واحترامي

اختك

وردة العين

اقتباس: المشاركة الأصلية كتبت بواسطة سنافيه    محمد العمري: مساك الله بالخير .. صح لســانك على هالقصيده والتواضع اللي فيـــك .. عيبتنـــي الكلمات و الاســلوووووب .. تشكر عليهــا وفي انتضـــاار المزيد من الابداع

الأخت الراقية سنافية أشكرك من أعماقي
على مرورك الجميل وحضورك البهي
سعيدا بوجود قلمك في متصفحي
وهذا يعتبر تاج شرف تتقلده قصيدتي
انتظر مرورك وحضورك على كل مشاركة لي

قصيده عذبه للغايه
صح الله لسانك العمري

لله درك
دمت بكل تقدير

صح فكرك يالطيب واعتلا شانك
وبنانك
ياعساك للقوه
محمد العمري سجل اعجابي

رااااائع يامحمد كلماتك رائعه بروعتك
صح الله لسانك
يالسنافي