لاباس ياقلبي من الضيم لاباس

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]

لابـــاس يـاقــلـــبــي مـن الــضـيـــم لابــــاس=وش حـيـلـتــي دام اللـيـالـي عـنـيـده
وش حـيـلـتي مادمـت من جـمـلـة النـاس=والـوقــت حـاديـنــي عـلـى مايـريـده
حـالـة كـسـيـر(ن)عـاقـتـه قـب الافراس=فوقـه شـجـاع الـقــوم والا عـقـيـده
يشكي وجع ساق(ن)غدت تـقـل مقواس=وان صـاح صيحـات الخـلا ماتـفـيـده
فـي لاهـب الـجــوزاء والاريـــاق يـبــاس=الــحـلـق يـابـس والــمــوارد بـعـــيــده
جـمر العـطـش في ضامره مثل الامواس=والـروح بـشـمـوس الـقـوايل وحـيده
ارض(ن)يحوفه بالدجى ذيـب الاطـعاس=اللي يـقـاسـي بـه وقوت(ن)شديده
يـطـوي صـحـاصـيـح الـفـيـافـي والارماس=والـجـوع وسـط الـكبد مثل الوقيده
مـالـــه تــحـــت نـــار الـبـــواريـــد مـجـــلاس=ورزقــه عـلــى اللـي مايـخـلـي عبيده
حـالــي مـثـل حـالــه تـحـت كل هوجاس=وماراح من هـجـسـي غـبـونـي تعـيده
هـجـس(ن)حرمني من مقاعيد الاوناس=وفي كل يوم(ن)له جروح(ن)جديده
مـنـها سـهــر عـيـنــي وهـرجـات الانجاس=مثل الـمـنـاجـل فـي هـشيم الحصيده
الـلـي غـدى عــنـــد الاجــــاويــد بــلاس=والـصـبــح يـرســل بـالــخــبــاثــه بـريــده
من صاحــب(ن)دونــه مـقـافـل وحــراس=وناس(ن)نـفـوسه بالـحرايب زهـيده
حـطـوا لـهـا عـقـد الـحـبايل والامراس=ومن قارب الغالي شباكه تصيده
لاوالـلـه الا حـال مـن دونـه الـيـاس=ياس(ن)سكن بالقلب يشفط وريده
شاد القصور بـغـبـن قلبي على ساس=يودع جروح القلب ينزف صديده
ويلي عـلــى اللي كـنـهـا عـيـن قرناس=له مخلب(ن)يـمـزر عروق الطريده
عينه تشوف بـنـايـد الروض مرواس=ويودع فروق الصيد ماله شريده
اصفى من الجوهر على عقد الالماس=حدت شجون القلب تنثر قصيده
وصبيت قـيـفاني على بيض الاطراس=ماهـي خرابيط الخبول وعصيده
واصبح لـعـقـال الـشـواعـيــر نـبـراس=ولو يدخل الـمـليون يصبح عميده
تشبه طعون كليب من رمح جساس=وراحت حياة كليب منها فـقـيده
لا شاب قاف اللي شكى نار الافلاس=واعـلـن بـقـيـفـانه نـهـاية رصيده
جبت الشوارد من ورى حد تكساس=وسط الجبال اللي يهيلك جليده
والا غـديت لجـزل الامـثـال غـراس=وان ماقـنـع راع الـمـعـانـد نـزيـده
مانـي بغـلـقـات الـتـمـاثـيــل مـحـتـاس=ولا رحت للـقـيفان وسط الجريده
ميراث عـود(ن)له على الـربع نوماس=والـقـاف يشـهد والخـلايق شهيده
طيبه بوسط اهل الجبل يرفع الراس=وحـروف قـافـه بالمراجل سديده
اسقى ضـمـيـري من قوافـيـه بالكاس=وزدته بـجـزلات الـورود الـفـريده
يـشـبه قصيد فـهـيـد وعـبـيـد ودباس=اللي مـزايـاهــا الـحـمـــايــد عـديده
وبعض العرب ماهي للاشعار مقياس=دام الـنــوايـا فـيـه مـاهـي حـميده
مااطـيـع انـا بالـنـقـد دايـس ودربـاس=دام العرب فيها عـقول(ن)رشيده
وانا بـلاء حـالـي غـلاء زيـن الالباس=اللي برمش العـين تـرمـي ضديده
طـيفه يزور البال في وقت الادماس=يسري على روحـي ويـلـعن كديده
يـطـرق خـفـايا ضـامـري طـق هواس=اللي تـشـق الـقـاع رجـفـة حديده
ويرجف بروح(ن)كلها شوق واحساس=وان داج بارواح النشاما يـبـيده
مطـروحـهـا مايـغــفـــي الـلـيـل بـنـعاس=يرجـي وعـايـدهـا ويـخشى وعيده
مثل العنود اللـي خـذت عـقـل عباس=وعمره قضى يشكي رموشه وجيده
وهذا سـبـب قـولــي لـلاحـباب لاباس=وقـولــي تـرى طـبـع الليالي عنيده[/poem]

يسلمو صح اله لسانك
اخوي فواز الغسلان
دايم مبدع يستر عليك

يطوي صحاصيح الفيافي والارمـاس
والجوع وسط الكبـد مثـل الوقيـده
ماله تحت نـار البواريـد مجـلاس
ورزقه على اللـي مايخلـي عبيـده

اسلم اسلم سلمت ولا هنت يالطيب

بيض الله وجهك
فواز الغسلان على هالباذخه صح لسانمك ملاااايين

ويلي على اللي كنها عيـن قرنـاس
له مخلب(ن)يمزر عـروق الطريـده
عينه تشوف بنايد الروض مـرواس
ويودع فروق الصيـد مالـه شريـده
اصفى من الجوهر على عقد الالماس
حدت شجون القلـب تنثـر قصيـده


صح لسانك
ابو فهد

على العاده مبدع الى ابعد الحدود

لاهنت


تقديرى

صح نبضك
وعقلك اخي فواز غسلان

لله دركـــــــــــــــــــــــــ صح لسانكـــــــــــ يارائع

اقتباس: جمر العطش في ضامره مثل الامواس والروح بشمـوس القوايـل وحيـده ارض(ن)يحوفه بالدجى ذيب الاطعاس اللي يقاسـي بـه وقوت(ن)شديـده يطوي صحاصيح الفيافي والارمـاس والجوع وسط الكبـد مثـل الوقيـده ماله تحت نـار البواريـد مجـلاس ورزقه على اللـي مايخلـي عبيـده

بيض الله وجهك لا هنت

صـــــــــــــــــــــــ لســـانــــك ــــــــــــــــــــح

يابو فهد عز الله انك كفيت وفيت بهالقصيده وكل بيت عن قصيدة يالغلا

دائما مبدع وبارع وليس في ساحتك خصوم اقبل مروري يالغلا

اصفى من الجوهر على عقد الالماس
حدت شجون القلـب تنثـر قصيـده


صح لسانك
ابو فهد

صح لسانك
ابو فهد
عساك تسلم على القصيده الحلوه

اقتباس: المشاركة الأصلية كتبت بواسطة نهاوي    يسلمو صح اله لسانك اخوي فواز الغسلان دايم مبدع يستر عليك

هلا وغلا وكل الشكر والتقدير نهاوي

تحياتي لك

اقتباس: المشاركة الأصلية كتبت بواسطة لعيونك    يطوي صحاصيح الفيافي والارمـاس والجوع وسط الكبـد مثـل الوقيـده ماله تحت نـار البواريـد مجـلاس ورزقه على اللـي مايخلـي عبيـده اسلم اسلم سلمت ولا هنت يالطيب

لعيونك اشكرك جزيل الشكر لمرورك المعبر

تحياتي لك

صح لسانك
ابو فهد

على العاده مبدع

سلمت وسلم نبضك لاهنت يافواز الغسلان
صح لسانك مليار