الشاعر/مبارك طناء مبيريك التبيناوي يشكر إبن طوعان الشمري

بسم الله الرحمن الرحيم
مهداة للأخ/ حمودبن نايل بن طوعان السويدي الشمري واللذي عفى عن جاره لوجه الله تعالى
[poem=font="traditional arabic,6,white,bold,normal" bkcolor="black" bkimage="" border="double,10,gray" type=0 line=0 align=center use=ex num="1,burlywood""]
خير البدايه في ذكر حلال صعبات الأمور = الواحد الفرد الصمد حي(ن) على خلقه بصير
يقول جَلَّت قدرته أحببكم العبد الشكور = والمبتلاء والمحتسب للعفو بالوضع الخطير
أبشر بخير وفي رضاء الرحمن يالعبد الصبور = جلّ جلاله جابر العثرات والعظم الكسير
كَرّم وعَلَم باالقلم خير الملاء والعلم نور = من بعد ذكرك ياإلهي هاض مكنون الضمير
زادالفخربأهل الشَرَف تشريف وأفراح وسرور = تشريفكم للحفل وأهل الحفل مقداره كبير
بدع المثايل شاقني قدر ومعزه للحظور = لو حَيََّرَتْ غيري بعون الله فكري مايحير
شعار شمر يوم قمعة بيد شيخ(ن) مايبور = يوم الفطاير ناركود أبكار ياإشتب المثير
أسلم وسنجاره هلي والناس مافيهم قصور = وعبده سناعيس الجبل ربعي لياصاح النذير
من دون قاصر في جميع الناس والكذب معثور = طيور الفلاح مقسمه والمرجله دربه عسير
نقش(ن)على صم الصخريبقى على مر العصور = أفخر وأفاخر وأفتخر بك يازبون المستجير
أبفتخر بحمود إبن نايل وكم غيري فخور = إبن السويدي موقفه هذا فلا عمره يصير
موقف تفاصيله فخر من لا أفتخر فيه محرور = وشمر لهم تاج الشَرَف بالعهد الأول والأخير
قدرآل سويد للابت إبن هذيل وآفين ال شبور = وإبن هذيل أكبردليل العلم بشداد البعير
عصلاء عمودي روس شمر والطناياء بالصدور = ماهي غريبه ياهل الطولات والفعل الشهير
تقول سجن الجار ماهو لك ولو دمك يفور = ولا تسولف به عباد الله كبيرولاصغير
نرفع لك البيضاء يابن طوعان والفعل مخبور = نبع المكارم من جبل شمر مسيله والمحير
عفوك لوجه المعتلي ماهو على شأن الظهور = الله يعفو عنك يابن العم ويجازيك خير
من شفت باب الجار مجفا قلت سبب لك فتور = من قو بأسك ياعريب الساس ياريف القصير
تأمر وتبشرلو يشال الباب من حد الجسور = المصطفى وصى بسابع جار ياالوجه السفير
يالآدمي دنياك لو زانت تواليها دبور = العمر يفنى والعمل يبقى ولو طال المصير
ننسا وطبع الناس تنسا إنه على نقطة عبور = إلى الصراط المستقيم الخلد وإلازمهرير
الله عطانا نعمة النسيان والدنياء مرور = تفجع ولا تجمع ولا ترحم غني ولافقير
يارب تجعل بيت راع الجود باالعز إمعمور = شرفت هامات الشَرَف إخوان نوره والوزير
وفيت يوم أعفيت يعفوعنك تواب(ن) غفور = اللـه قَدَّر ثم قَدَّر مايشاء والله قدير
يالله تعين اللي صبر وتعز وافين الشبور = ياشعب أبومتعب تواصوا خير بإخلاص وضمير
المعذره ياالسامعين إذا حصل مني قصور = وأزكى صلاة الله على خير الملاءالهادي البشير[/poem]الشاعر/ مبارك طناء مبيريك التبيناوي الشمري

يستاهل حمود كثر الله امثاله
صح الله لسانك ايه الشاعر المبدع



ابيات ذهبيه من شاعرنا وهاذا ماتعودناه



وتقديري لك

بحق يتساهل اكثر
اشكرك صح لسانك وبوحك الاخاذ دمت ودام نبضك

تقديري

كفو كفو والله
شاعر سخرت ابداعك لرجل يستاهل كل المديح

أخوي المزيون الأخ / خالد الشلاقي الأخ / سمو الذوق أشكركم وتستاهلون كل مانراه طيب ليليق بمقامكم وبذوقكم

الرفيع و عسى أن أكون عند حسن ضن كل الأحبه والأعزاء وأسأل الله توفيقي لحسن الإختيار ودمتم بخير والسلام

أخوكم / مبارك طناء التبيناوي

صح الله لسانك ماقصرت وربي
كفيت ووفيت اخوي الشاعر مبارك
يسلم بوحك وابداعك

عشت عشت والله يالطيب
مبارك
سجل متابعتي لنزفك الطاهر

مبارك طناء

صح الله لسانك .. والله يعطيك العافية

تقديري لكـ.

ارق سنود
صح لسانك وبنانك واعتلا شانك على هالباذخه
الشيخه

أعشق دروب الوفاء وأبحث عن الوافي = ومشاكل الناس ماتقضي برامجها

أفرح بعلم الحياء والصاحب الصافي = لو كان بأطراف ديرتنا وخارجها

الأخ العزيز / جيتك وله أخوي الفاضل / بداح العتيبي أختي الكريمه / غريبة الروح أخوي الغالي / الحساس

حساس لكم كل الحب والتقدير والشكر على كلامك المشرف وأساليبكم الرائعه دمتم بخير وموده والسلام

أخوكم الشاعر/ مبارك طناء التبيناوي

صح لسانكـ
وسلمت يمينكـ
ويستاهل أخونا حمود كل خير

مبارك طنا
الله يعطيكـ العافية

صح لســآنـ ً قايلــهــآ

الأخت الفاضله / مناهي
الأخ الفاضل / عازف المشاعر
تحية طيبه وبعد
أشكركم على التشجيع المشرف والجهد الدؤوب والمتواصل لكم من كل المحبه والتقدير لاهنتو جميعا
دمتم بألف ألف خير والسلام
أخوكم محبكم الشاعر/ مبارك طناء

أولاً:
أنت شاعر متميز تستحق المتابعه والثناء يامبارك
كل قصائدك تصب في المكان الصح والجميل


ثانيا ً:


بن طوعان رجل نبيل شهم كريم صبور وافي الخصال
نحسبه والله حسيبه أنه تنازل لوجه الله تعالى ونسأل الله تعالى
أن يكتب ذلك في ميزان حسناته وميزان إبنه رحمه الله


وفيت وكفيت على هالصدق في الحروف المميزه

إستاذي الغالي / أحس إحساس
تحية عطره من القلب للقلب
يقال أن الشعر (أعذبه ، أكذبه ) وأقول لربما يكون ذلك في مجال الغزل ولكن حسب رأيي الشخصي أن الشعر( أصدقه ، أوثقه )
مراقبنا المميز صاحب الذوق الرفيع والنقد المشرف صح بدنك وبقيت لي وللشعر في هذا الصرح الغالي على قلوبنا بإهله
والشامخ برواده والقائمين عليه للجميع جل تقديري وإحترامي ساده وسيدات فخور بكم وبتواجدي بين أهلي وأحبتي دمتم
بخير وتوفيق وموده والسلام
أخوكم شاعركم / مبارك طناء مبيريك التبيناوي