انا حبيت يا خوفي من اللي جاي ياخوفي=اخاف ارجع مثل مبطي اهد الفرح وابنيبه
اخاف ارجع مثل مبطي اناضر لايع طيوفي=واصفصف للشقا اوراقه وأدنق بالهوا خيبه
عسى بالأمر لي خيره عسى حبي بها يوفي=عسى ملقا تعاساتي من اسبابي وانا اجييبه
عسى ما ترحل الضحكه ولا يعتال في جوفي=عسى ما يرسم الخافي سهام النار وأدريبه
صدفت اللي تساوي في عيوني داهية شوفي=هنوفن ضاحكة تسلب هوا بالي وتسريبه
جمعنا القدر قلبين ضمتهم دفا كفوفي=ولا ندري وش اللي بالخفا واللي يبي يعيبه
انا عاهدت نفسي من قبل لاجي بلا حوفي=ولاكن القدر عاكس صفاة البال شفي به
وانا احسبني تعلمت وعرفت الحال من صوفي=ابتعب يازمن وألقا ردى حالي من الطيبه
انا لا يا بعد عيني طلبتك بالهوا روفي=اخاف اجيك انا كلي وأهد الحال وأشقيبه
وانا من قبل لا تاتيين وأصد الشوف بسيوفي=اطري لحالتي حالة سلا بالي وأغنيبه
رمست بلوعة الحرمان صفحه زاهت حروفي=ولا ادري وش اللي بالخفا يمسح معاريبه
قبل تصدف خواطرنا اشيل جبال بكتوفي=وهمي لايع بصدري وبي من خايلي ريبه
تركت الناس من حولي وعدابي علا نوفي=وشديت وعرفت الحال قبل يظهر مكاتيبه
انا ياصاحبي والله لولا شاين ظروفي=نحرت اللي تعدا في غيابي شاين الغيبه
ولاكن البحر هايج وانا بي عابت جدوفي=اناضر للبحر وافي ولا بين عذرايبه
انا حبيت مره يا حياتي ظاهر دفوفي=كما العاده يبين للفرح والليل ما ادريبه
ولاكن عفت مابي من يلوم خبال في عوفي=نسيت اللي مشقيني بهالدنيا محاسيبه
وشفني راجع وحبيت ياخوفي ويا خوفي=اخاف اهد فرحي في يديني وارجع ابنيبه
وعليكم السلام ورحمة الله وبركاته//
قديمه:
لكن مازال الجمال يكسوها
ولم يعتليها الغبار لو لحظات
كل الشكر لك حين عرضتها للحياه من جديد
صح لسانك
وتسلم يمينك من الشر
دمت بخير لاينتهي
ياحزن تسمح أرفع عـــــــــــيوني لفوق!
لون السماء مبطي ترى مالمحته’
ياحزن من فضلك على القلب برفوق!
أسم الفرح قفى وأنا مانطقته’