7_شعر الغزل

شعر الغزل عند اكثر الناس مرغوب ،
حتى لوا القصاد ماهو بيمه
لوا كل عمره ماتوللع برعبوب ،
الأ خطات المعرضة كان تمه
ان عارضه مع جانب الدرب محبوب ،
يأخذ معه مرواس والشي ذمه
مهوا بدين وكل شخصآ له اذنوب ،
لاشك فيه اسباب وان قلت سمه
منها الحيا مع قلت العرف وسلوب ،
وبنات حواء به قماره ونمه
وانا صريح واكره القمر وكذوب ،
ولا اطمع اليا طمع الردي ابنت عمه
اسري و اسير دروب و اجنب دروب ،
ان اختلط سم الهدايف بدمه
ماكل عذروبآ إيشابه لعذروب ،
للغرب يمه و آخر الشرق يمه
طبعي كذا بحماية الله مصحوب ،
وكان القصيدة باالتغزل مهمه
وانا علي حق ومشاريه ماجوب ،
بم العيال وغيرها مانذمه
هي ام لافي كان غنيت مسحوب ،
غنيت بااللي للغنادير قمه
لوا تجمع الخفرات من كل ابو صوب ،
وتحط فوق الكم عشرين كمه
ماشاقني غيره من البيض باالنوب ،
خص ابنات العينت لو تعمه
عندي وكلآ له مزاجآ ومطلوب ،
زين وعفاف وخدمتن مستتمه

صهد الشمري

صح لسانك وعلا شانك

وسلم فكرك وبؤح قلبك

تحياااتي لك

صح لسانك والله
روعه ينقصها التنسيق

كل الود والورد

صهد الشمري

لأهنت الغآلي .. وصح لسسآنك

قصيدة جميلة وأكثر من رآئعة

ودي

/

يسعد صباحك والله يخليك لآم لافي ويخليها لك


وصح الله لسااانك ملآآآيين وسنين

آستمتعت بمصآفحة راائعتك

أطيب المنى لروحك

]

صح بدنكم يا اخوان جميعكم دون استثنا واشكر الاخت اوالاخ نور الدنيا على التنسيق والمساعدة واسمحولي عن الغلطات تروني غشيم بأاستخدام الجهاز وحتى طريقة التصفح انا بدوي باالعربي
القصيدة هذي اليوم جدعته باالقسم العام او قسم الاخبار ياما جابته نور
يعني بختصار اطبق من جرف بعدامه

هاالحين انا عندي مشكله ، وهي صغر الخط ياالله اشوفه مع اني احطه على رقم سبعه ويطلع صغير ،،،
عجزت اعرف لها الملوي الجهاز :
لذلك اقول :::


باالله يا اهل المنتدى كاني اخطيت ،
‏ ‏ مثلي غشيم وتسمحون لخماله
العذر يرفا غلطتي كان زالليت ،
اجهل بعرف الاجهزت و اتصاله
مهما على الشاشة جلست وتمريت ،
المسعد اللي ماتربع قباله
يسرق نظر عينه ويجهر بها الليت ،
ولافيه عينآ للبشر باالوكاله

:
:

حشاك ياللي بالنوايف تمركيت
مثلك كريم وذروة المجد جاله

الكل وارد للخطا بكل توقيت
لكن خطاك يعد عندي جماله

ترسل لنا شعرك وتتعب على البيت
ونشوف به نضج الشعر والجزاله

والمسأله سهله مدام انك أبديت
تلقى جواب المسأله بكل حاله





بشرحلك حسب ما فهمت منك شاعرنا الغالي . .

بعد ما تكتب / او تضع النص / أضغط كلك/الزر اليمين بالفاره
تطلع لك خيارات من ضمنها (تحديد الكل) اضغط عليها
يتحدد النص كله
بعدها حط حجم النص على اي رقم .. وتتضح لك الصوره

وإنشاءالله تنحل المشكله
والآخوان ما راح يقصرون أنشاءالله

يسعد صباحك وصح لسانك مره اخرى
أطيب المنى لروحك

صح لسانك يالطيب
ماقصرت كفيت وفيت ياجدي
ننتظر جديدك

صهد الشمري
صح لسانك
وبيض الله وجهك
وتسلم يمينك

حييت ياحمدان حييت حييت ،
بتحية الاسلام مبداء الرساله
ياالي قريت ابيات شعري ورديت ،
ببيات شعرن يتضح من خلاله
شاعروعندك شاعرية دناميت ،
تشلع جلاميد الصخر من جباله
سجلت بسمك كاملآ ماتسميت ،
مع اسم ابوك ولا رضيت ابداله
اكبر دليل انك صدوقآ تربيت ،
على الشرف والطيب عاشت ارجاله
تأخذ وتعطي كلمة الحق يا اعطيت ،
وعلمك وكاد وللمهبل هباله

ياهلا وغلا والله ,,
منور يابعد حيي بهالقصيده الروعه ,,
وصح لسانك ملاييييييين ,,
\
عشوق

عزالله إنك شاعر جزل ومتمكن
وتلقائي وهذا مايدعنا نتتبعك بشغف
لان الصدق والعفويه هي التي تصنع الابداع
صح لسانك على هالحروف المضيئه الممتعه
ومن ناحية التنسيق والخطوط ياأخي الكريم
عندك فوق الملف والتحرير والعرض أذهب للعرض
وترى الحجم ضع 100% تجي معك صح
الله يوفقك

صح لسانك ::: تسلم يمنااك

خ ــــــــأألص ودي

نكهه خاصه تجلت بين طيآت حروفك

كل الشكر لهذا البذخ

آمل بارتشاف المزيد

تحيتي ~

صح لساانك
صهد الشمري
ع الابياات الرااائعه
سلمت وسلم احساسك ونبضك
فائق التقدير