كــــــــاسي المعسول

هنا كانت سوالفنا تموت ولاتجي بعتاب





هنا كنا نشوف الحرف يتمتم في شفايفنا


هنا كان الفضا يسدل علينا في سماه حجاب


هناكانت عصافيره تغرد يوم تعرفنا


تصافينا على النيه وصرنا بازمن احباب


ولابه من يغيرنا ولاعاذل يعنفنا


هنا قال الشجر للغيم انا بوجودهم خلاب


هنا ردت له الغيمه بقايا من سوالفنا


هنا غبتي عن عيوني وصرنا بالهوى اغراب


هنا طاحت هقاوينا وترثيها عواطفنا


متى يرجع لي احساسك وطيف عيونك الجذاب


مكاني في سماء طيفك وجودك هو يشرفنا


شربتك كاسي المعسول وقلت ان البعد كذاب


انا لك دوم ياروحي وسيل البعد جارفنا


رسمتك صورة البسمه وماتت في غلانارقاب


صمدنافي ظروف دوم للاحزان تحذفنا


هوانا في ملامحنا رسمنا في سماه وذاب


نشوف احزننا ترحل ولاسمعنا ولا شفنا



الشاعر



عـــازفـــ

عــازفـ

صح لسانك وعلا شانك

قصيده رائعه من شاعر رائع

سلم فكرك وبؤؤحك ولاهنت

تحيااااتي لك..

سلمت وعشت سلم فكرك وبيض الله وجهك

نسج ملفت يأسرك بكل معانيه وانطباعاته
المتميزه هنا نقش الجمال في صفحات
ميزها الالماس وعطر معانيها الراسخه
كم اسعدني جدا التجوال بين محيط
حناياها الف شكرلك ارقى واسمى تحياتي ...

صح لسانك

قصيده راائعه

من جد اعجبتني بكل مافيهاا..

دمت باحترام..

نص عذب
وكأنك تسير في حدائق جميله

صح لسانك ياعازف على هالحروف المميزه

واصل التميز

:

صح لسانك م ـلايين ولاهنت
الله يعطيك الف عافيه
ويسلم راسك
بانتظار جديدك بكل شغف
شكري

صح لسانك اخوي عازف
قصيده رائعه امتعتنا بها
كل الشكر لك
دقة قلب

بارك الله فيك وفي روعه
حروفك
حماك الله من كل عين.
وحفظك من كل شر.

صح لسانك يالذييب
على القصيده
كافي وافي وجزاله

تقديري