الخاينه000000 اعوذ بالرحمن منك بصلاتي

لا ردك الله لا ولا اطلب تردين
......................... . ادعي عليك بعثرة فـي صلاتـــي

عثره تشلك ما بعدها تقوميـن
......................... . يا قاتلتني يوم صرتي حياتــــي

خدان لك بالقلب كانت بساتين
......................... .. وريضان وغصونا بها يانعاتـي

كنتي مناة القلب والروح والعين
......................... .. واليوم عينك يعلها ما تباتـــي

كنت أحسبك للعهد والحب توفين
......................... ..قلتي الغدر بالحب ماهي بسواتي

وحلفتي يمين الله ما منك اثنتين
......................... .. وانك ملاك دون كل البناتــــي

وانك على عهد المودة تسيرين
......................... . ولا تسمعين أهل الحسد والوشاتي

وصار اليمين ستار خلفه توارين
......................... . ورماح غدرك بالخفا مشرعاتـي

وبان الغدر سم جرى بالشرايين
......................... . الله عسى يسقيك سم الفعاتـــي

كلي سقيتك حب واليوم تنسيـن
......................... .. تقولين حلم ايام واليوم فـــــاتي

خذتي الهوى لعبه على ما تحبين
......................... ... لين عصفت بالهوى عاصفاتـي

من زينك يا بنت بالشعر تزيين
......................... .... من صورك بابياته الطايلاتــــــي

انا من غرامي قلت كانك تذكرين
......................... .... قلت الخجل صاب البدر من مناتي

وصرتي بشعري في العذاري تباهين
......................... .... تقولين انا شمس العصر في حلاتي

زينتك بشعري ولا غربك الزين
......................... ..... ما زانتك صبغات حمر الشفاتـــي

صورتك بالشعر حزام ورياحين
......................... .... واثرك هضاب وشوك ما به هداتي

رسمتك سحابه خير قطر تنفين
......................... ......فزت لك الصحراء زهور ونباتـي

رسمتك مهاه للجميله تقودين
......................... .....واثرك قطيعه وضيعتها الرعاتي

واثرك غراب يوم سدل الجناحين
......................... ....كنت احسب اني شايف لي قطاتي

بالشعر غليتك على كل غاليين
......................... ....واثرك دنيه وتعشقين الدناتــي

وبالشعر عاتبتك عتاب المحبين
......................... ..... انا من يسوم الروح لك يا غناتي

توسلت لك خايف على حب عامين
......................... .....عامين لكن في حسابي مئاتــي

ناديت لكن لي ابد ما تسمعين
......................... .......عمري وروحي فكري في ثباتي

حذراك للشينات عمري تماشين
......................... .........عديمات اصل اخلاقهن دانياتـي

غاب الولي عنهن ولعبن بحبلين
......................... ...........يا خس واليهن وخس الولاتي

ما همهن في الناس زين ولا شين
......................... .........وقلوبهن من حقدهن مظلماتي

وقلتي وربك لو يكونا ملايين
......................... .........ما غيرن باطباعهن من سماتي

تحسبين انك بالمهافه ترقين
......................... ........كيف الصعود يكون للهاوياتي

وخنتي وبعتي كل عهد وايامين
......................... ........ما عاد يفرق بين ماضي وآتي

وصرتي مثل غيرك برخص تبيعين
......................... ......يا مرخصتني ما بقى لك iiغلاتي

صبري نفذ واليوم ثارت براكين
......................... ......مظلوم انا وباكر تحل دعواتي

اسمعي عسى من بعدها ما تسمعين
......................... .......اسمعي دعا من صار قلبه حصاتي

ادعي عسى من ناضرك ما تشوفين
......................... .........وتطحن بك الايام طحن الرحاتي

وعساك عوق منه ما عاد تبرين
......................... .........عوق تشافق له قلوب العداتي

ويالله عسى يحتار فيك المداوين
......................... .........تبين الممات ولا يجيك المماتي

ويالله عسى كف الندامه تعضين
......................... .........تندمين يوم انه يفوت الفواتي

وتبكين دم يسيل من مقلة العين
......................... ........وتحتار امك عن عناك iiوتحاتي

عسى ما تلاقي من له القلب تهدين
......................... .......وان هو حصل ادعي عساك الشتاتي

يا بلوة اللي وسط بيته تعيشين
......................... ........ساهي وحوله شب جمر الغضاتي

عسى بعمرك ساعه ما تهنين
......................... ........وتمضي حياتك بين هم وشقاتي

يا بنت قلبي وين مثله تلاقين
......................... .........قلبا عطاك الحب ما قال هاتي

جيتك وروحي شلتها لك بكفين
......................... .........وفي التاليه رمح الخيانه جزاتي

يالله عساك النار يا أم وجهين
......................... ..........كله انكشف لا ما تفيد العباتي

ويالله عسى تلبسك جن وشياطين
......................... .........وتكونين مدعاة الحكي والشماتي

يا حية رقطا تقود الثعابين
......................... ...........باكر تحن ايامك المعتماتي

وباكر على فعلك بمثله تجازين
......................... ...........ظلم المشاعر ما تحكمه قضاتي

بيني وبينك تحكم ايام وسنين
......................... ..........وانا شاهدي قلبا من الغدر ماتي

ويا دمعة التمساح لالا تذرفين
......................... ..........العيون رغم ادموعها كاذباتي

لا ما عرفتي الحب لا ما تحسين
......................... ..........وغدرك تعدى غدر ذيب الفلاتي

الذيب يعوي قبل يغدر بمسكين
......................... .........وانتي غدرتي خافقي في سباتي

لو كان غدرك في كفوف الموازين
......................... ...........لكان رجح كل غدر البناتي

انتي السبب سقتي على القلب جرحين
......................... ...........غدر الغرام وموجع الذكرياتي

وانتي السبب واليوم لالا تلومين
......................... ..........وان جاك باكر شوفي اشلون يأتي

والله لاكتب وافضحك في دواوين
......................... ...........وارقص واغني يوم خبر الوفاتي

وارسم لاهل العشق قلبا وسهمين
......................... ............وقصة خيانه ما روتها الرواتي

ويمين لانشر فوق اسمك عناوين
......................... ............واشهرك من قاصي اليمن للفراتي

ومن غرب هالدنيا الى قاصي الصين
......................... ............ديوان غدر فيه كل اللغاتي

والبادي اظلم سنة العين بالعين
......................... ...........والا فذي لا عادتي ولا صفاتي

ويا شبه انسانه برأس ورجلين
......................... .............اعوذ بالرحمن منك بصلاتي

منقول.

كلمات قاااسيه وقووويه

مشكووور عقاب ويعطيك العافيه على النقل

[TABLE1="width:95%;background-color:black;border:4px groove red;"]

صصح انتقااءءءك
ولاهنت ..


,

قووويه كلمـــاـــت رااائعهـ ...
انتقاء مميز يَ ابو ظااري ..
لاعدمنااك..

ياهلا بها الطله والله
شاعرنا الكبير ععقاب النهار
افتقدناك باالحيــــــــــل
بانتظارك ياعساك بخير وسعاده يارب
حضورك دائماً مذهل يعجز القلم عن وصفه
صح كلك ولاعدمناك يارب
بانتــــــــظار عودتك ياالغالي
يســـــــــــــــعدك ربي

عقاب النهار
ذاائقه رااقيه
واختيار ليس كأي اختيار
تعودنا الجميل والمميز دوما
صح ذوقك ونبضك,,

عقاب النهار

ياهلا بالتواجد الرائع

صح كلك ولسان شاعرها

سلمت ولاهنت يابعدي

وناااسة احب القصايد اللي كذا << اووووووص

والعنوان مرا جوناااااان

يعطيك العافية ياالشيخ

يممممممممممممممممماااااااه تخرررررررررررررع*_*


ياحوووول ياهالبنت من جد تحطيم خاصة يوم قال أنتي غراب ههههههههههههاي


يعطيكـ ألف عافيه خيو ع النقل


تحياتي لك


*_*

اعوذبالله
شكلوه حاقد من قلب...

ابو ضاري
يسلموووووووووو

يااؤيل قلبي
دائما يقولون الجرح من الغالي مصيبه
واكبر دليل هالقصيدة
يسلموووو خيو عقااب
اختيار رؤؤعه

هذا شاعر اناني يعني دامك لي انتي غزال
دامك لغيري فانتي غراب قمة التناقض
هذا اكيد مع احترامي له مايعرف يحب ابد
وشعره قوي ويعور القلب من جد
وخسارة يحب وينحب ..وزين اللي تركته اللي هذا اوله ينعاف تاليه ..
صح لسانك ولاتعودها هههههههههه امزح
بانتظارك بمصافحات اخرى ..

يعطيييييييييك العـآفيه والله كلمــــــــــآت مرره قويه .. ويستـآهل البرد من ضيييع دفــــــآه ...

منورين جميع
الله يحفظكم
وكل الشكر لتواجدكم

تقديرى