الى وزارة التربيه والتعليم

[poem=font=",6,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
وزيرنا ماعمر فرحتنا يوم=نبي البشاره مار مامن بشاره
الله يعين اللي من سنين مظلوم=والجور خيم وسط نفسه مداره
حق المعلم يابن الاجواد مهظوم=وصار يتجرع من همومه مراره
يتجرع العلقم ويتجرع سموم=واحزانه تعجل سقمه ودماره
من زود همه حاربت عينه النوم=وقامت تولع وسط جوفه حراره
تقليص اجازات ومرتبك مخصوم=والمستحقه والفروقات طاره
وصارالنقل صعب ومعقد ومعدوم=قليل منهو وسط ناسه وداره
وحتى من التامين معفي ومحروم=وغيره له التامين فن وجداره
تغيير للواقع وتغيير مفهوم=النهب صار افضل دروب المهاره
يامير عطنا حق ثابت وملزوم=حق(ن)لنا من يوم تبنى الوزاره
جدالنا يامير واضح ومحسوم=شي(ن)موثّق مايبي له شطاره
قل للمليك اللي سعى دايم الدوم=للحق واحقوق البشر والحضاره
قل له ولاتخشى المشاريه واللوم=ان المعلم حقه اخفوا مساره
وحنا ولانا للوطن صار محتوم=ارض الكرم والطيب وارض الطهاره















[/poem]

صدق لسانك يامحمد
ابدعت بالشكوى للمليك بعد الله
واتمنى من قلبي يصل هالابداع للمليك

تقبل مروري وتحياتي

صح السانك وبيض الله وجهك يامحمدع هالقصيده

صح الله لسانك وعلا شانك
وعز الله انك كفيت ووفيت وصورت معاناتنا باختصار
الله يعين ...
تستاهل ال++

العوآد

صح لسآنك أخوي .. وسلمت يمينك ...

شاعرنا الراائع | محمد العواد..
رائعه حقآ قصيده غآيه في الجمآل
صح لسآنك ملآيين على هذة الابيات الرائعه
وكان الله بالعون
سلم فكرك وعذب بوحك
ونبض حرفك الراقي
تقبل وافر التقدير والاحترام
ولآتحرمنآ جديدك
دمت بفرح

صح لسانك

ابداع رائع

ورساله مهمه

ولاكن لاحياة لمن تنادي


تحياتي وتقديري

عشت وسلمت وصح لسانك ملايين

لاتحرمنا جديدك

محمد العواد
ابدعت بل تجاوزت الابداع
سلمت أناملك والله يعطيك العافية
وننتظر جديدك

ابدعت ماقصرت
حماك الله