ابن سعود اعلن سنيني ومنهاه

السلام عليكم ورحمة الله وبركاته
وارجو ان تعذروني على غيابي
وهذا انا جيتكم يابعد حيي وميتي
.
..
...
....‏
‏......

يالله ياعايد على كل مضماه

يامخضر الأرض الهشيم المحلــيا

انت الذي عطفك ولطفك رجيناه

وانت الذي ماخاب فيك الأملــيا

وانت الذي يعلم ولاشي يخفــاه

ولا على غيــرك بشــي اتكلــيــا

يالهادي البادي لك الحال مشكاه

وأشكي عليك من القهر والمللـيـا

واطلبك شي اعظم من المال والجاه

واعظم من اللي يطلبون الجهليــا

اطلبك اللي ياغمضت عيني ابكاه

عود(ن) ضرير(ن) بالزياره وصليــا

ياهملجت عيني على النوم يلفــاه

عود(ن) ماعرفه بس لي فيه حليـا

من كثر ماجاني تعودت حليــاه

عشر شهور وهو عني ماغفلـيـا

ويعطي رموز وبعضها مافمهناه

ويقــول خلك للمــأسي جبليــا

واحيان اشوفه مع نياق(ن) محيماه

والذود مضمي والمصاميد مليــا

وأعرف انالي بكرة(ن) ماقدر انساه

وهمي سببها بالخفوق اكتمليــا

شفته مع الشايب يدرهش ويدهاه

وانـا مدللــها وتــزهــى الدللـيـا

شليبوه ياشليبوه ويلاه ويلاه

ويلاه ياشليبه من الألف للـيــا

عزي لمن حده زمانه على اقصاه

وخلاه يلبس من جديده سملــيا

يالله يارب الوطا والسماواه

ترحم ضعيف(ن) للهموم احتملــيا

حالي قضت مابين هم ومعاناه

وباين بحالي عقب عزي هزلــيا

وابن سعود اعلن سنيني ومنهاه

والله يرحــم كــان جاني اجلــيا

راضي بمقسومي وحظي وماجاه

ولــلــه ربــي حكـمته والعملــيا

واختم مقالي في مقال(ن) حفظناه

للشاعر الميموني ابن البطلــيا

الطيب الطيب يموت وفقدناه

وإلا الردي لو مات ماحدن سألــيا بسم الله الرحمن الرحيم

:

حمدآ لله على سلامتـك
صح لسانك وطاب فالك
شاعر فــذ وهذه الابيات دليل على شاعريتك
لاهنت على هالنص الابداعي وتقديري لسمو شخصك الكريم
لله درك



:

حياك الله اخوي
وصح لسانك على الأبيات الجزله
معنى ومعاني
وفرج الله كربتك وبدل حالك من عسر الى يسر ..
وسلمت ولاهنت

الحمد الله على سلامتك..

وصح لسانك
وتسلم يمينك ع القصيده الراائعه.

سلمت ودمت ودام هالبوح الراقي
وفرج الله عنك قريبا

تسلم على القصيده
صح فكرك
ولسانك

صح نبضك ورى القضبان ...مدد بلا عدد

تقبل مرورى

صح لسانك قصيدة راائعه يحويها التفائل

بانتظار جديدك

ياهلا والله فيك
وحمدالله على سلامتك
نص مميز وجزل
مو غريب عليك هذا
الحضور ياشاعرنا المميز
صح لسانك
ودمت بالف خير

صح لسانك
قصيدة رائعه بروعة حضورك الراقي والرائع


لك كل التقدير

هلا بك
اخوي وري القضبان
الحمدالله على سلامتك

صح السانك

وتسلم يدك
ع الـبوح الرائع والراقـي

دمت متآلق دوم

تحيه طيبه
حنوووونه

صح لسانك على هالابيات الصادقة
وفرج كربتك وجمعك بمن تحب في القريب العاجل
وشملك العفو فيمن شمل ..
واعلم انا مااصابك لم يكن ليخطأك وما اخطاك لم يكن ليصيبك

أشكر الجميع على إنارتكم متصفحي بأعذب وارق الحروف

والله يجزاكم خير ويرحم والديكم
ولا يحرمنا منكم


تحياتي وتقديري لكم